白百何出軌？一定係見到呢個蘋果……

1

鑒於有好多人想知道我崔教授嘅情史，今期就等我嚟講下我中學時期嘅一段往事。

想當年，蘋果都未係手機，仲係指「一日一蘋果醫生遠離我」嘅蘋果；當年嘅「一日」唔係指性行為，仲係指「24小時」嘅意思；同學之間聯繫感情嘅方式主要都係玩桌游，而唔係玩農藥。

2

當年向一個人表達愛意最流行嘅做法，無他嘅，要麼寫情信，要麼送蘋果。點解係送蘋果，而唔係送花呢？送菊花比較罩忌，送玫瑰容易吉親手，送百合容易出軌，尤其系白色果種。點解嘅？白百合仲唔容易出軌啊？

眾所周知，花係植物用嚟繁衍下一代嘅生殖器，送花有太過明顯嘅性暗示；而蘋果，係蘋果花經過授粉之後結出來嘅果實，同時亦都包含住能夠萌芽出下一代嘅種子，所以蘋果可以代表一種「既未開始但又已經知道結果」嘅情感。科學咁解釋，蘋果就係一種符合不確定性原理、處於「可以系埋一起」同「唔可以系埋一起」兩種狀態下疊加嘅水果。其實講咁多都係廢噶，最主要嘅原因都係因為做學生窮啊嘛，蘋果夠經濟、夠實惠、夠便攜、夠耐放，夠曬吸引啦~

故事就係咁開始噶啦，我趁課間操大家都已經離開課室嘅時候，偷偷地放咗一個蘋果喺我女神嘅櫃筒。

3

課間操結束之後，我專登行慢D，到差唔多上課嘅之後先翻到課室，但係當我前腳踏入課室，我就意識到一陣詭異嘅氣氛向我涌埋來，冇錯！每個人都用特殊嘅眼光望住我，仲伴隨著23.33度上揚嘅嘴角。我翻到我嘅座位上，睇住櫃筒入面放住一個完好無缺嘅蘋果，就知道咩事了。肯定有人知道我將蘋果放入我女神嘅櫃筒，而且宜家全班都知道女神拒絕咗我，先會將蘋果還翻俾我嘅。我心諗故事唔係應該咁發展嘅咩：男主角連續堅持一個月每日都放一個蘋果喺女主角櫃筒，最後被女主角親眼發現放蘋果嘅人係男主角，點解宜家會發展成咁噶？但係當我拿起蘋果嘅時候，發覺佢同之前有D唔同，感覺好暖，而且有D濕濕地，原來蘋果嘅背面被人咬咗一啖！呢個時候，我再望一眼女神，發現佢都唔同咗，刻意避開我眼神之餘，連面都紅咗。我明白啦！女神咬咗一啖，姐係佢已經接受咗我！唔食曬，係因為我哋仲係處於試探階段，要一步一步嚟，唔可以一次過成個吞！而蘋果之所以會變暖，係因為女神將蘋果放喺手心經過一段時間嘅思考而導致溫度上升。

點擊播放 GIF/732K

4

我同女神喺埋一起之後，班上面就開始有人效仿我之前嘅做法了。當然唔系個個都得噶啦，但係送蘋果哩個手段，真係可以促進人同人之間嘅情感交流。有一男一女，居然好默契咁選擇同一日互相送蘋果俾對方，結果可想而知啦。有個女仔失戀之後，一日之內收到五個唔同品種嘅蘋果。於是好多女仔紛紛將自己櫃筒嘅雜物全部都清曬出來，期待有人送蘋果俾自己。追女仔呢家嘢其實會有從眾效應噶，如果有一個男仔向朋友講起自己中意嘅對象，好自然咁，佢嘅朋友都因此而認識到呢個女仔身上嘅優點，進而背叛朋友成為朋友嘅情敵，自己都投入到呢個女仔嘅候選隊列中。因此有D原先無人hou（留意）嘅女仔，利用「瘦田冇人耕，耕開有人爭」嘅原理，開始為自己創造有好多人中意自己嘅假象，自己行去生果鋪，自己按荷包買蘋果俾自己，而且一買就買齊所有品種，咩紅富士啊、美國蛇果啊、澳洲青苹啊，有幾多買幾多，有幾貴買幾貴。為咗唔俾人知道系自己買，仲請隔離班嘅馬仔送俾自己。冇辦法，人就係容易受到氛圍嘅影響，原本係籮底橙，賣剩蔗，宜家都變成曬搶手貨，真係有好幾個原先冇人hou嘅女仔因此而脫單。

點擊播放 GIF/419K

5

見到呢一番景象，我同女神都好開心，拖住手行出學校門口，左轉20米來到生果鋪門口。女神用力甩開我只手，同生果鋪老闆講：「老豆，今日生意點啊？」水果店老闆話：「好到不得了啊！誒，阿崔仔都來咗啊？今晚一起食飯啊！」我正想回答：「好啊」嘅時候，女神話：「崔仔今晚要去補課啊，唔留得喺到，佢一陣隨便吃D嘢就得噶啦！」我只好默默離開，走之前我貼住女神耳邊講：「咁我幾時有得拿分成....？」女神：「知道啦，我7你3啊嘛！遲D俾你，仲唔走？」

哎，睇咗咁多集《未來媳婦本地郎》，康天庥每一集溝女都係以失敗告終，喺到真係想各路高手，喺評論區指點一下我哋，分享下你地媾女媾仔嘅經驗。

點擊播放 GIF/148K

喜歡這篇文章嗎？立刻分享出去讓更多人知道吧！