雙喜臨門！城城百萬婚禮方媛肚凸出嫁拖JW舊愛游東京　G.E.M.默認有新戀情

娛樂 04-23

今日快報

雙喜臨門！城城百萬婚禮方媛肚凸出嫁

昨日系天王郭富城同方媛結婚嘅日子，頭先城城率先發相，見到城城戴曬紅色煲呔，勁sharp醒，但就未見新娘子方媛蹤影！

之後，網上流傳咗方媛嘅裙褂相，依家盛傳方媛有喜，睇番呢張相，見佢腰粗粗、肚凸凸，身形圓渾勁有福氣！城城見到新娘子，冧到爆望住老婆仔甜笑，勁sweet呢！裙褂相曝光之後，再有婚紗相曝光呀，婚紗系公主傘裙款式，明顯將佢嘅凸肚遮住，挽住雙親嘅方媛，一臉幸福！

據知婚禮現場，方媛爸爸勁激動，對住城城話：「

我從小就聽你的歌長大的，現在我把女兒交給你，希望你好好對待她。

」

城城在香港半島酒店迎娶方媛，為博紅顏一笑，今次城城豪花過百萬大搞低調豪華婚宴，認真對你愛不完！

據知婚宴分別於酒店內兩個地方利士廳和Garden Suite（花園套房）舉行，據資料顯示，兩個地點最低消費合共約55萬元。另外，現場萬朵粉紅色玫瑰花作布置約需20萬元，加上直升機接送約5萬元、租借大型攝影器材約10萬。

此外，新娘子一對高級名牌紅鞋約六千元、她訂造的婚紗、晚裝，以及郭富城的禮服保守估計約30萬元，再加上回禮等，整個婚禮共花費逾百萬元。除了城城外，官恩娜、胡諾言及前英皇小花何嘉莉都曾於同一酒店舉行婚宴。

養傷期間不忘工作華仔企起身「撐」新片

劉德華今年1月喺泰國拍廣告時墮馬受傷，上月終於出院回家休養，不過為咗養傷，其經理人公司決定取消原定年底舉行嘅個唱，華仔更特別上自己個官方博客留言「親愛的，不急」嚟安慰歌迷，而佢亦不時更新華博，報告自己嘅康復進度，非常貼心。

而華仔近日喺華博貼咗一張正面嘅撐枴杖相，配一張相《拆彈專家》嘅劇照，佢以《勇往直前》為題，並留言：「前面是你、背後是你！Just do it！！不準換線！！」仲加咗幾個哈哈笑符號，睇嚟佢康復進度相當理想。

據佢經理人公司透露，原來華仔一直心系電影《拆彈專家》嘅宣傳，但因為佢唔可以親自參與宣傳，當佢得知聽晚會有電影首映禮，所以就透過經理人公司講個好消息畀大家知，「他的復原狀況已經可以站起來，亦能使用枴杖走動，因此在華博上發放相片，一張是現在可以站起來的相片，一張是《拆彈專家》的現場照。而他明晚不能到首映現場，就用這個相片以作行動支持。」

華仔今次站起來，可以話係為fans打咗一支強心針呀！

李澤楷中環做柴可夫揸186萬戰車等郭嘉文

現年50歲嘅超級筍盤「小小超」李澤楷，坐擁逾340億港元身家，呢位錢多到使唔曬嘅無腳雀仔，多年嚟身邊「楷女郎」輪流轉，新上任嘅24歲港姐季軍郭嘉文，繼去年情人節陪李澤楷蜜游日本曝光後，日前兩人再被媒體孖住出巡中環，似乎李澤楷同郭嘉文嘅戀情正式浮面啦！

本月9號星期日，時間系中午約12點，地點系人來人往嘅中環畢打街，喺中環見到李澤楷嘅蹤影唔出奇，但身為富豪嘅李澤楷有司機唔用，親自做柴可夫喺街頭等人，真系好激罕囉！

從相片來看，平日有司機服侍的李澤楷，呢日自己揸住09年出廠、價值186萬元嘅PORSCHE媾女戰車，雖然佢違例泊車，但就停車熄匙較低咗車窗，見佢喺車內不停篤手機打發時間，好有耐性咁等郭嘉文出現，而著牛仔裙襯白波鞋嘅郭嘉文，露出一雙又直又白嘅長腿，唔知系咪要低調關係，李澤楷冇落車幫女士開車門，只見郭嘉文拿拿臨乖乖開門上車。

記者向李澤楷求證系咪拍拖？會否公開戀情？佢以短訊回覆：「今個周末難得可以不需要外地工作，you have a good evening ! Richard P.S. switching phone off now.」

言下之意，李澤楷難得不用開工，就約郭嘉文甜蜜過二人世界，仲講明要熄電話避打擾，真系sweet到爆！

前2R黃婉君大仔牛一　黃婉佩大住肚慶生

前組合2R的姐姐Rosanne（黃婉君）日前為六歲大仔Dylan開派對慶祝，當日亦是幼妹女兒Ashton出世100日，所以一家人齊齊慶祝，非常熱鬧！

Rosanne特別為囝囝訂製了個色彩繽紛的Lego積木蛋糕，在短片中Dylan在吹蛋糕前被要求先合埋眼許願，搞笑的Dylan先捽眼，像恰眼瞓一樣，仲抱頭不停捽頭髮，似煩惱著許什麼願！反而100日大的Ashton由爸爸抱住，她對眼前的蛋糕表現興奮，手舞足蹈。

而懷孕中的Race（黃婉佩）著住碎花露肩裙，隱約見到個肚已經有7、8個月大，胖了的她依然美艷，不過在全家幅照片中就未見Race個老公。

方力申否認秘撻陳瀅3個月：系朋友

方力申跟陳瀅去年同樣甩拖，有傳兩人秘密撻著3個月，日前兩人被拍在蘭桂坊密會，忙於開工的小方透過短訊，輕妙淡寫回應：「嗰日其實系同四、五個朋友去飲嘢，有男有女，當中有糖妹、陳瀅，因為系朋友，所以去中環蘭桂坊飲，都冇乜避忌呀。」

拖JW舊愛游東京　G.E.M.默認有新戀情

歌手鄧紫棋（G.E.M.）與舊愛林宥嘉於2014年分手後，異性緣唔錯嘅佢多次傳出緋聞，但都系只聞樓梯響，G.E.M.統統否認兼堅稱單身，不過G.E.M.疑似有新戀情啦！

近日，有網友聲稱拍得疑似G.E.M.同一名男士現身日本東京，有傳兩人表現親昵，仲手拖手過馬路。G.E.M.也曾在微博上載近照，其中一張佢著上迷彩外套，對比網友喺日本「捕獲」佢嘅相，相中人亦同樣身穿同一件迷彩外套，有網友仲留言指相中人嘅身形同G.E.M.亦十分相似。

此外，消息傳出後，網友迅速起底相中男士，有指佢系王灝兒（JW）前度Mark Ngai、今年初佢亦同連詩雅傳出緋聞。

據知G.E.M.嘅新歡正系佢嘅新造型師，正喺日本旅行嘅G.E.M.回覆拍拖傳聞，佢默認話：「我都知我自己腿粗，但呢張相影到我比現實粗好多倍呀，上年我已經決定咗直至結婚之前，都唔會講感情狀況，因為太大壓力啦。外界會有好多唔同嘅聲音，我又要用精力去處理外界畀我嘅壓力，不如留返啲精力放喺我愛嗰個人身上仲好啦，可能等到我結婚先會話畀大家知啦。」

本期話題