黃宗澤王浩信拍劇惹途人圍觀驚動警方！欣宜催老友快結婚

今日快報

黃宗澤王浩信拍劇惹途人圍觀驚動警方

無線演員黃宗澤、王浩信、岑麗香和陳智燊昨午於中環為新劇《溏心風暴3》開工，穿上一黑一白打扮的王浩信及黃宗澤，戲裡戲外都站在路邊不停談笑，可謂相當輕鬆，當中王浩信一身貼到爆的西裝，多一分肉都著唔落，完全將其fit爆身型表現無遺，至於黑色長褸襯boots的黃宗澤亦相當有型，兩人於街頭各有各chok。

未幾，陳智燊和岑麗香駕車前來，四人拍攝一場路邊的相遇戲，穿斗零踭高跟鞋襯短裙的岑麗香不停與陳智燊不停進進出出車子，為免走光，次次下車都相當小心。四位靚人到場後火速吸引大批巿民圍觀，而且人潮愈來愈多，未幾更驚動警員到場了解，只見警員和劇組傾談後主動幫手維持秩序，並將附近的士站暫時清場，得到幫助後劇組火速拍完數個鏡頭，然後便拉大隊離開。

慶B女滿月　謝安琪一家屋企食飯夠低調

藝人張繼聰（阿聰）同老婆謝安琪（Kay）嘅細女Karina近日滿月，阿聰喺社交網站上載咗張一家四口嘅合照，睇到靚媽Kay依然面尖尖，Karina就喺Kay懷抱中瞓覺，相當可愛。而大仔張瞻就喺側邊舉V，場面Warm爆！阿聰留言：「Karina滿月啦，要繼續快高長大，好似哥哥咁盞鬼，Daddy錫曬你哋，感謝太太，辛苦了，Love u all#媽媽真偉大。」

媒體電話聯絡上Kay，她表示一家人低調喺屋企食家常便飯慶祝B女滿月，佢又透露自己近嚟餵奶好攰，每次喂完都會攰到瞓覺。

父愛滿瀉　陳偉霆幫小朋友拉褲鏈

曾於節目反串被大讚維妙維肖的藝人王祖藍，在近日播出的內地綜藝節目《奔跑吧》中，以腳踏高踭鞋玩遊戲，貪玩的祖藍更即興踩住高踭鞋行貓步，由於他表現輕鬆兼自信爆棚，儼如專業模特兒模樣，令現場工作人員拍爛手掌。

而今集更請來了林俊傑及陳偉霆任嘉賓，二人分別要接受「偽裝收銀員」及「叫幼兒園學生起床」的挑戰，過程中需偽裝成收銀員的俊傑為了不讓人認出，除了戴帽子遮掩招牌瀏海，更一直避免與顧客眼神接觸，惟最後因為不小心抬了頭而敗事，更被超市顧客們包圍舉機拍照，場面搞笑，至於陳偉霆於叫幼兒園小朋友起床期間，成功與所有小朋友打成一片，更父愛大發幫其中一名小朋友拉褲鏈，場面溫馨。

爆謝婷婷多選擇！欣宜催老友快結婚

藝人鄭欣宜和蔡瀚億（BabyJohn）在銅鑼灣鬧市宣傳電影《29+1》，期間設街站大派豆腐花和缽仔糕，吸引不少人途排隊，場面熱鬧。BabyJohn表示今次活動夠接地氣，又希望5月11日電影正式上映時，亦可以大排長龍。他又笑指因為連日謝票，所以最近去戲院多過回家。

欣宜表示之後陸續有宣傳活動，而她五月時亦要到法國出席尼斯國際影展。提到她入圍「最佳女配角（外語劇情片）」，問到有否出戰信心？欣宜即謂：「去玩囉！去見識世界！」BabyJohn聞言又嚷住要一齊去，記者笑他阻住欣宜認法國仔後，BabyJohn即笑謂：「咁又系，我都系唔好去。」

提到好友謝婷婷被老竇謝賢催婚，欣宜即爆妙語：「系咩？正常啦，佢大我六年！哈哈，快啲啦！（謝賢話婷婷老。）其實系婷婷多Choice啫。（父親鄭少秋有冇催你？）冇，真系冇喎。大家都冇催過我，你哋仲心急過我。（秘婚咗？）如果有，我會好開心同大家分享！（去法國識個啦。）法國人夠浪漫，但香港人始終Like Chinese Food多啲。」

大難不死！羅孝勇旺角被車撞飛入院

巨聲幫出身嘅羅孝勇昨日下午4時30分遇上交通意外，據知佢當時喺旺角染布房街被一輛疑沖燈嘅私家車撞飛，依家仲喺醫院留醫，東網致電羅孝勇，佢就話：「都冇骨折，不過條腰就好痛，依家就要去做腦素描，唔講喇！」語畢就掛線。

不過，羅孝勇之後有喺Instagram貼出一張瞓喺病床上嘅相，並留言：「Hi Guys. Unfortunately， today as I was crossing the road a car ran a redlight and hit me. Just wanted to let you guys know I"m still alive. I want to also thank all the hospital staff， emts， nurses and doctors. You are all amazing

?轉載授權微信：lama129

? 商務QQ：1900556960

?投稿郵箱：tghkchannel@163.com

喜歡這篇文章嗎？立刻分享出去讓更多人知道吧！