【恭喜曬】42歲楊采妮早產誕孖仔 51歲生日！憶蓮吹蠟燭差啲燒著頭髮

娛樂 04-28

今日快報

51歲生日！憶蓮吹蠟燭差啲燒著頭髮

天后林憶蓮嘅唱功就毋庸置疑，早前仲喺內地歌唱比賽節目《歌手》揮抵其他對手，成為歌王，認真厲害。而26號就系佢51歲生日，向來人緣甚佳嘅佢，當然就有唔少人同佢慶祝啦！

佢今日仲喺社交網上載咗一段慶生片，片中就見到有唔少人都同佢慶祝，而好友倫永亮亦都喺到，仲有兩個心形蛋糕，非常精緻，難怪憶蓮笑到合唔埋口，亦話：「真心的感謝大家，你們給的生日祝福我都收到了！」睇番段片，憶蓮吹蠟燭時，仲差啲燒到頭髮，好似冇事咋！仲有呀，唔少網友都贊絕對童顏，點睇都唔似51歲囉！

顧男友感受　單文柔開餐唔埋男人堆

單文柔傳與陳展鵬拍拖後人氣急升，近日在將軍澳出席公開活動後，離開時獲粉絲主動上前邀合照，她亦友善地一一答應，然後與一班友人往附近醫肚。

榮升「展鵬嫂」的她為照顧男友感受，全程避忌唔埋男仔堆，專黐女仔，食飽後與其中一名女友人搭的士前往附近屋苑，由友人按密碼入大廈，逗留至晚上仍未離開。

《深宮計》美女圖！古裝挽手袋咩玩法？

無線小花黃心穎近日就忙於拍攝劇集《宮心計2深宮計》，呢套宮廷戲簡直系美女雲集，又有周秀娜、劉心悠等咁多位靚女，難怪唔少觀眾都話好期待呀！而心穎今日就喺社交網上載咗同成班同劇演員嘅相，仲話齊齊收到禮物，亦留言：「咁多女人真系好煩！個個都太好人，好到煩！（多謝康師父送個印有劇名嘅袋畀我地（哋），仲有住家湯喇，零食喇，生果喇，晚飯喇，mask喇，點呀。。。幾時送車呀？）」

相中就見到個個如心穎、娜姐、心悠、張文慈等都圍住康華，仲送曬飛吻，相當開心呀！唔少網友都大讚佢哋感情好好，仲話個袋好靚，亦有網友話呢份禮物好有心思呀！

黃翠如帶你360度睇盡《溏心3》片場

無線藝員黃翠如在將軍澳電視城為TVB 50周年台慶劇《溏心風暴3》開工，期間劇組為關菊英、阮兆祥、李國麟、庄思敏四位五月星辰唱生日歌，切蛋糕預祝生日，黃翠如與陳敏之更被阮兆祥欽點獻吻預祝生日，氣氛熱鬧。

黃翠如劇中暗戀大情聖黃宗澤（Bosco），但對方只當她是兄弟，翠如笑說：「之前拍咗場戲講我借醉行兇，借醉想鍚Bosco，但系佢好粗魯咁拒絕我，因為佢只系當我系兄弟，場戲拍得好搞笑。」

呻老公工作忙　郭羨妮嗌恨生多個

藝人郭羨妮出席電台活動時，透露早前復活節跟家人齊齊到台灣玩咗4日，但因為老公有工作在身而未能通行，所以自己就要擔起扶老攜幼的責任。她表示女女在當地都有嘗試策騎的滋味，而自己年輕時都有學過策騎，笑言可能是因為基因而令女女都好喜歡策騎：「策騎都好危險?，所以我千叮囑萬叮囑要佢好小心。」

談到女女有咩興趣，她笑言女女喜歡跳舞、體操、自己同自己講嘢，所以她直言都好想再生多個，但因為同老公工作都好忙碌：「希望今年可以好幸運地中獎，但老公好忙，我要自己去搵佢，都好慘?。」

【恭喜曬】42歲楊采妮早產誕孖仔

42歲嘅一代「玉女掌門人」楊采妮今年年頭宣布懷孕5個月，佢時不時都會喺社交網站更新動向，不過就冇講肚入面嘅BB系仔定女！

不過今日佢喺微博公布喜訊，據知佢同好姊妹李心潔一樣，啱啱生咗一對孖仔，佢上載有兩張藍色被仔嘅BB床，並留言：「親愛的小寶貝們，謝謝你們，到我們的生命里來，讓我們對愛多了另一種新體悟。爸爸媽媽一直是懷著（著）感恩的心來迎接你們，我們承諾會用心愛著（著）你們，亦希望你們能在充滿愛和感恩之下，健康平安地成長，擁有自己幸福的人生。在此要感謝協助我們迎接這兩位小寶貝的醫生和護士們、一直關心問候我們的朋友、您們的祝福和心意我們都非常珍惜，謝謝您們。」