同唐詩詠情變？洪永城：遲啲先講！ 徐子珊北上開工識富二代

今日快報

周柏豪分享夫妻之道：愛就要愛曬佢所有

演員蔡卓妍（阿Sa）與周柏豪在將軍澳電視城為英皇電影《原諒他77次》接受節目《兄弟幫》訪問，蔡卓妍與周柏豪最近忙於演唱會，兩人終於正式合體為新片宣傳，電影將於六月中上映，蔡卓妍表示已經看了新戲感覺不錯，好朋友看完也對她表示對愛情有所反思。

喉嚨不適聲沙沙的阿Sa被問到拍完電影后對愛情觀可有反思？她說：「我覺得自己喺戲裡面嘮嘈，其實一段關係需要去包容，自己現實生活中極度唔鍾意嗌交，但當然唔能夠全部忍曬，都希望可以解決，喺戲裡面自己嘅解決方法就系嗌交，呢樣都系反面教材。」

周柏豪戲中與阿Sa一起成長拍拖十年，但後來因為有想法出現分歧未能成婚。相反現實中周柏豪與太太拍拖十多年，最後能修成正果，周柏豪透露與老婆甚少鬧交，大家會以包容態度平心靜氣傾偈去解決，他遇到問題喜歡儘快去處理，因此同事往往會在三更半夜收到周柏豪的電話。

同唐詩詠情變？洪永城：遲啲先講！

近日傳出情變的藝人洪永城與唐詩詠，繼詩詠於無線新劇宣傳時，冷淡指沒有收到男友送的生日禮物，洪永城於電視城又以趕入廠為理由不欲多談。而今晚洪永城再度現身電視城為無線新劇《大帥哥》開工，再被追問與詩詠感情事，不過洪永城卻全程強顏歡笑，他謂：「暫時專註工作，感情事唔回應啦！（同詩詠關係？）唔回應。（情不變？）哈哈！遲啲會有一個好啲嘅答案，所以遲啲先講。（幾時講？）我都未知。」

被問到是否冷戰中？洪永城卻靜了幾秒才謂：「呢個問題都系概括感情入面，遲啲先答。（詩詠生日你冇表示？）唔系，送禮物以外嘢，唔一定系物質。（食飯？）類似。（詩詠叫大家問你感情事？）拋個波畀我，遲啲先討論啦！」

談到詩詠演出的新劇《不懂撒嬌的女人》正在熱播，洪永城表示也有捧場，還大讚畫面很美，問到女友表現如何？他謂：「好好睇。（詩詠同王浩信咀戲唔順眼？）唔會，點會，拍劇啫！（詩詠同你撒嬌？）佢對住我唔使啦，內在、內涵已經好好。（受唔受？）有個女仔對我咁當然受，但佢內涵已足夠。」

撞樣撞到啪啪聲！李佳芯低炒激似王君馨

樣靚身材正又有演技嘅藝人李佳芯（Ali），近年備受無線力捧，劇接劇令知名度急增。最近又要趕拍無線新劇《誇世代》，可以話系忙過不停！忙同眼瞓可以話系女人嘅天敵，因為會好易殘，但唔少藝人都好似好挨得完全唔怕！而呢日Ali就喺Instagram上載咗一張低炒嘅自拍，仲留言：「低炒就低炒啦～好眼瞓啊～！」

講就講話好眼瞓，但睇相完全唔覺佢殘，低炒都零走樣依然系一個美女，仲有網民留言話佢眼瞓都咁靚！不過低炒咗嘅Ali竟然同王君馨撞樣，無論髮型、面型同輪廓都似到不得了，令娛圈又多一對「失散姊妹」，如果有機會合作拍劇可以考慮一下搵佢哋演兩姊妹呀！

唔通好事近？姚子羚召好姊妹傾大計

娛圈又有喜事？藝人姚子羚同李施嬅，昨日喺社交網上載咗同「胡說八道會」一班好姊妹胡杏兒、胡定欣、胡蓓蔚同黃智雯嘅合照，李施嬅仲留言：「親熱親熱地，開會中。有甚麼大計呢？胡說八道會！」

而姚子羚就上載所有好姊妹指住佢嘅相，話「Girls meeting！」唔通姚子羚同男友鄭子邦好事近？佢哋之前就講過話視對方為結婚對象，加上姚子羚已經36歲，睇怕都系時候啦啩，唔少網民都留言同姚子羚講恭喜，不過姚子羚回應媒體就話：「No la not marry la！」

徐子珊北上開工識富二代

藝人徐子珊和羅冠蘭以頒獎嘉賓身份，在演藝學院出席「第九屆香港小劇場獎」頒獎典禮。身穿黑裙的子珊表示自己有親身支持小劇場演出，好欣賞台上的演員能夠在有限空間中表演，更覺得不少人自編自導自演做獨腳戲非常犀利。

問自己會否想試試小劇場演出，她即謂：「恨咗好耐！恨咗好耐！我恨咗好耐！」更指自己會跟公司反映一下，想在商業和藝術間取得平衡。

談到新工作，子珊透露六月時會到北京拍時裝劇，更指自己好緊張，所以不停問人要準備甚麼：「第一次咁長時間，要喺北京一個月，之後都會轉其他地方，要講國語，所以對我嚟講都有啲難度。」

問是否因為太耐沒有開工所以至特別緊張，她即謂：「系呀！拍劇嚟講有兩年幾冇開工，當新人咁重新開始！（採訪邀請寫你系資深演員喎！）年資好長，但演戲有啲生疏！」問北上時會否趁機結識富二代，她即笑謂：「冇所謂，識多啲新朋友，唔使限住咩類型嘅！」又指北上時有香港朋友、內地經理人公司同事傍住，不愁寂寞。

何猷君上大陸真人騷散發正能量

賭王何鴻燊與四太兒子何猷君日前現身長沙，錄影大陸節目《天天向上》，猷君一身黑色型仔look現身機場，不少網民紛紛估計他點解會上此節目，而節目預告視頻中，當然以他是最強的「數學精英、麻省理工學院史上最年輕的金融碩士」作介紹。

另外他還是「創業新貴」，雖然貴為賭王之子，但不靠父蔭，靠自己一展實力，上此節目亦是希望將自己正能量訊息帶給青年人，分享他勤奮向上的一面。

?轉載授權微信：lama129

? 商務QQ：

443317765

?投稿郵箱：tghkchannel@163.com

喜歡這篇文章嗎？立刻分享出去讓更多人知道吧！