母親節的遺憾 鄭欣宜發文感性告白 張智霖唔反對魔童入行

母親節的遺憾 鄭欣宜發文感性告白 張智霖唔反對魔童入行

2017-05-15 HKChannel

今日快報

母親節的遺憾鄭欣宜發文感性告白

母親節是答謝媽媽的好機會，好多人都會選擇同媽咪食餐飯慶祝，不過並不是人人都有機會在母親節與媽媽吃飯，這種遺憾歌手鄭欣宜（Joyce）正正經歷。Joyce在母親節於社交網站上貼出年幼時與媽媽的合照，更寫下對媽媽的感性告白，她說：「我永遠愛我媽媽，她常常及永遠在我心中，母親節快樂。」

3D掃描！Twins迷你Figure賣2332套

組合Twins在2015年底於香港啟動《TWINS LOL世界巡迴演唱會》，至今已先後到過廣州、上海、馬來西亞及美國等地，為紀念這次巡唱及阿Sa、阿嬌多年來在全球華人地區的成功，她們將推出一對1:6迷你人偶藝術品，根據演唱會主題服裝製成，供粉絲珍藏！原來Sa爸早在3年前獲邀參與策劃及開發Twins人偶，他坦言期間有兩次幾乎胎死腹中，到第三次重新啟動，除動用國際頂級的雕刻技術開發團隊，更以3D掃描輔助，經過數百天反覆修改及上千次打磨，才能呈現這套奪得多項第一及業界之最的雕塑品。

這對全港首個香港女子組合的1:6迷你人偶，身上的服裝更需5位數開發成本，冠絕全球同類人偶！而一對人偶售價為二千多元。

這對人偶初步會發售2332套，Sa爸透露此數目來自阿Sa和阿嬌的生日，將11月22日及1月21日靠左對齊相加就是2332，又指會根據兩人的生日送上同號碼人偶。對於Sa爸是次「驚喜」，阿Sa表示事前不知情：「佢之前做過出嚟又唔滿意，因為佢諗住surprise我哋，冇倒模做所以做得唔似，後來佢『剔』起條癮，想做得更似，所以先要我哋做3D掃描。」據知Twins仍未見過自己人偶的真身，故十分期待。

城嫂深居簡出訂定養和生B套房

傳懷有「城種」近三個月的方媛備受城城疼愛，有見愛妻要打理網上時裝生意，需要上海及香港兩邊走，已「下旨」叮囑對方減少舟車勞頓，盡量在港養胎，據知城城已預訂養和醫院的套房作為方媛生B之用。

懷孕後的方媛口味亦有改變，不時親自下廚，如深宵自製手抓餅，亦會常以蔬果作為主食，而過往無高踭鞋不歡的她，現已改穿厚底鞋或平底鞋,婚前在社交網上聲稱「走狗」、飼養五年的愛犬「皮皮」走失的方媛，日前被網友問到「皮皮」的下落時，她說：「結婚前一天自己跑走了，可能以為我不要它了，監控器都看不到！沒有任何下落，它之前也每天悶悶不樂好像有心事！」指愛犬至今遍尋不獲。

陳柏宇影婚照激嬲未婚妻：佢手指拗出

歌手陳柏宇以社區運動大使身分出席活動，講到今日母親節，他謂媽媽不在港，但因之前他和未婚妻符曉薇及家人齊齊到了英國影婚紗相加旅行，故已當慶祝了。講到結婚，他謂很快就到：「依家每日都要決定好多嘢，例如布置，不過愈搞愈多嘢就愈貴，唔搞咁多可以慳啲。」

他又謂喜帖不知幾時派好，笑言：「好熟嗰啲唔使派，環保啲同唔使咁貴，有啲又未必會派。」問到籌備婚禮期間可有試過與未婚妻有意見分歧？他笑言：「意見分歧即系我嗰個系錯咁解，唔會用我嗰個，用佢嗰啲。」

講到他們之前到了英國影婚紗相，他謂拍得好開心：「第一日就影正經少少嘅相，第二日就影番啲我喜歡嘅嘢，搞笑啲、活潑啲。（有冇cosplay？）冇。」

問到期間可有發生難忘事？兩人可有吵架？他本身話冇，想了一會兒就話：「都有系咁意嗌一嗌，試過有一日我哋一行十人喺間朱古力鋪買嘢，但間鋪頭好細，埋單嗰陣突然後面有個外籍女人好大力咁推左我一下，我就問佢做咩推我，講唔該借借咪得，佢（未婚妻）就話我唔斯文，唔需要咁惡，但其實成件事我覺得系人哋唔啱先，但佢次次都嬲我同其他人嗌交，佢系手指拗出唔拗入，一次都冇幫我，不過我同佢講呢番說話時其實都已經系用凼番佢嘅語氣，所以其實我哋好快都冇事。」

張智霖唔反對魔童入行：有時冇得唔想

藝人張智霖（Chilam）及袁詠儀（靚靚）的愛情結晶品張慕童（魔童）轉眼間10歲，魔童遺傳了雙親良好的基因，社交網站有數萬粉絲追縱，人氣十足。有熱血粉絲大讚魔童長得帥，絕對有繼承雙親衣缽加入娛樂圈！

一向覺得娛樂圈工作相當辛苦的Chilam，曾多次受訪明言不贊成兒子步其後塵，不過他接受媒體訪問，即轉口風謂：「依家我覺得每個人都有自己嘅一條命（運），作為家長嘅，有時冇得唔想，不過佢依家首要系努力讀書，適當嘅年齡先做適當嘅嘢啦，佢第二時做啲咩依家冇人會知。（佢想唔想入行？）佢其實唔識呢啲嘢嘅。」話雖如此，Chilam又補充謂：「呢個世界除咗娛樂圈外，都仲有好多其他嘅工作，有啲仲對社會好有貢獻添。」

另外，Chilam與靚靚趁母親節，代表魔童送上大束鮮花給契媽伍詠薇，附卡寫上「Dearest契媽 Happy Mother"s Day!Morton」令伍詠薇甜入心，於社交網站「放閃」表示：「契媽都祝你身體健康平安快樂，學業進步，父母話，越（愈）大越（愈）…handsome！」Chilam受訪謂：「契媽喎，每年都會咁做嘅，佢（魔童）梗系知我哋有咁嘅安排，佢都有畀（禮物）意見。（你哋一家人點慶祝？）會出街食飯，地點好秘密嘅，哈哈﹗」

舒淇開甫講BB網民齊留言恭賀有喜

舒淇自從上年公開咗同馮德倫結婚之後，佢嘅粉絲都好希望佢哋兩位可以快啲有愛情結晶品，雖然不時都會傳出有喜嘅消息，不過傳聞始終都系傳聞並唔系真。

尋日舒淇就出咗個甫，借BB嘅出世等瑣碎事嚟讚揚母愛嘅偉大，原本應該系好溫馨嘅一件事，點知佢啲粉絲可能太心急，一見到心中女神開口講BB，就以為舒淇系趁母親節公開喜訊，仲留言恭喜舒淇下年就可以做母親節嘅主角。

點擊播放 GIF/21K

喜歡這篇文章嗎？立刻分享出去讓更多人知道吧！