不婚即分唐詩詠洪永城真分手傳Kary Miki擘面原因系小產泄密事件？

娛樂 05-17

今日快報

不「婚」即「分」唐詩詠洪永城真分手

獲喻為「最佳女朋友」的36歲唐詩詠（Natalie）與33歲洪永城（Tony）屢傳情變，據可靠消息透露，倆人拍拖兩年多，適婚的詩詠與自認「冇本事」養老婆的Tony，最後因在婚期上未能達到共識而和平分手，不「婚」即「分」。不過，感情要好的二人再見亦是朋友，向無線報備之後，詩詠出席劇集宣傳亦稱稍後會與Tony一齊交代這段「不婚」感情。

而近日詩詠在無線劇《不懂撒嬌的女人》演出成為熱話，劇中她與王浩信的感情亦描寫至暫時放低「結婚」前題享受愛情，可惜現實情節卻未有發生在詩詠與Tony身上。不過，在宣傳活動上，詩詠繼續被追問與洪永城情變一事時，她稱二人將一齊交代事件，共同面對，可謂有情有義。

傳Kary Miki擘面　原因系小產泄密事件？

歌手吳雨霏（Kary）與鄧麗欣（Stephy）、楊愛瑾（Miki）和區文詩（Angela）由組合Cookies開始認識，4女已經好老友！而近年感情更如情同好姊妹，4人不時飯聚，甚至一齊旅行。不過有消息指Kary自從去年被爆小產後，就跟Miki擘面，傳聞懷疑有人將她小產密秘泄露出來，兩人反面亦有跡可尋！

Kary之前將instagram所有關注朋友取消曬，有意無意將Miki踢走朋友之列，也將同Miki過去嘅合照刪除曬，而Miki之前生咗B，平時3女會約埋幾位好姊妹去探Miki，但當日只見Stephy同Angela，據知Kary曾向身邊人表達跟Miki友情不再，但就未有多透露詳情！

5個契媽的寶寶！胡說八道會攬實胡杏兒

藝人胡杏兒2015年下嫁圈外老公Philip Lee（李乘德），尋日佢就終於報喜宣布懷有身孕，而佢嘅好閨蜜「胡說八道會」成員就當然開心到不得了啦！今日成員李施嬅就上載一張相喺社交網，見到佢同姚子羚、胡定欣、胡蓓蔚、黃智雯都摸住胡杏兒個肚，似足一家人咁！

而杏兒就雙手托住下巴笑到四萬咁口，李施嬅留言：「I"m 三契媽！BB，你大鑊喇，有五個傻婆，準備要不停咁錫你。錫曬你。」胡定欣都有發文：「I"m 契媽 No.4。你喺媽咪個肚仔入面做多d Sit Up...岀世再同我地（哋）一練腹肌。」

另外，姚子羚都有發文留言表示：「Baby Lee你要乖乖地（哋）聽媽咪話～我地（哋）五個契媽錫曬你。二契媽嘅見面禮就系咬你屁股仔一啖。」仲Tag住「胡說（說）八道有喜事」咁話！原來佢哋已經做咗BB嘅契媽，大契媽系胡蓓蔚、二契媽系子羚、三契媽系施嬅、四契媽系定欣，而智雯就系細契媽呀。

網民都話BB未出世就有咁多位靚女契媽，真系好幸福呀！

拍拖18年冇人知！蔡一傑爆伍詠薇甩乳貼

歌手蔡一傑到電台宣傳新歌《流淚的怪獸》，提到他作客好友伍詠薇節目《伍姑娘真識食》的一集昨晚在奇妙電視播出，他指家中沒有奇妙電視，伍姑娘就用電話拍下電視播出的節目，再放上網給他看，他又提到伍姑娘在節目中自爆為他拍第一個MV時的趣事，當時伍姑娘的背部要全祼，所以她上身沒有穿衣服，只貼了兩個乳貼：「我個胸要貼住佢個胸，場外咁多人，我唔郁得，要貼住佢保護佢，我當時對眼都凈系向上望，嗰時好熱，原來捽捽嚇佢乳貼甩咗，我嗰時唔知，佢後來講番出嚟笑到我呢！」

此外，蔡一傑亦在節目上大爆曾有個拍拖18年的圈外女友，在他三十多歲時，因兩人在結婚上未能達成共識而分開。講到他罕有剖白感情生活，他說：「唔知呢，對住啲熟嘅朋友，就系佢（伍詠薇）啰，套咗出嚟。（嗰18年收得好密？）大家唔知?。」

又指其後自己一路單身：「冇人要。（你喺節目叫人Approach你？）依家我都要叫你哋繼續幫我叫人approach我，我唔會approach人，因為我好驚，我好怕丑?，好多人誤解我，可能我系台上好型、好威武，呃咗大家，我自己覺得咁多年都冇，因爲佢哋覺得我好強硬，其實我系好weak，系『流淚的怪獸』。」

問到可有擇偶條件？蔡一傑指沒有,又指自己私下不太喜歡說話，一班人出外玩他就像鵪鶉一樣坐在旁邊。至於可會介意被指有男朋友？他說：「以前會好介意，將啲人塞咗落我度，又關我事？我就唯有唔出聲，愈描愈黑，廢事講咁多。」

問到現時是否仍是不婚主義？他坦言現時對待感情有另一看法，最重要大家思想獨立及同樣喜歡工作、旅行、做運動等，自己非常簡單。

首次聲演動畫　陳法拉立志做個好媽媽

藝人黎耀祥、陳法拉及填詞人黃偉文（Wyman）齊齊為動畫電影《壞蛋獎門人3》配音。黎耀祥已經是第3次聲演該系列電影，對角色可謂駕輕就熟，而新加盟的法拉表示非常開心：「我第一次為動畫配音，感覺好好玩。我負責聲演主角犀利哥個老婆，識得一身好武功外，仲要兼顧湊犀利哥3個乖女嘉嘉、迪迪、玲玲，立志成為一個好媽媽。角色需要表現出外剛內柔嘅一面，絕對系一大挑戰。」

至於黃偉文今次聲演80年代紅極一時的電視童星鬍鬚柏，卻因為長大失去人氣，轉而成為大壞蛋，之後更和犀利哥結怨。Wyman表示電影有不少80年代的歌曲出現，所以在配音時非常興奮！