黃宗澤恭喜舊愛杏兒有喜：快啲三年抱兩邱淑貞49歲生日靚樣唔輸畀阿女

娛樂 05-19

今日快報

于素秋病逝　成龍：我系佢最忠實影迷

一代武打女星于素秋在美國病逝，「七小福」之一的成龍，他說：「我曾經講過，陳志平（生父）系陳港生（指自己）嘅父親，于占元師傅系成龍嘅父親，于素秋系我姐姐！」他指于素秋一生活得好精彩，留下很多作品令我們覺得驕傲，他表示是于素秋最忠實的影迷與家人，會永遠懷念她！

黃宗澤恭喜舊愛杏兒有喜：快啲三年抱兩

演員苗僑偉、黃宗澤、吳卓羲、張兆輝、王敏德、吳岱融、伍詠薇、王敏奕、陳凱琳、黃智雯、高海寧、梁烈唯等在將軍澳為邵氏與優酷網劇《飛虎極戰》開鏡拜神。黃宗澤與吳卓羲續拍攝劇集《英雄·刀·少年》十多年後再合作，兩人今次齊齊扮演飛虎隊，問到他們是否已操出腹肌及人魚線？吳卓羲笑說：「依家仲努力緊，鯨魚線就有。」黃宗澤說：「咁我有金魚線，估計最fit系王敏奕。」兩人又指除了身形重要，在夏天拍攝體能也很重要，但未清楚戲中多不多騷肌場面。

黃宗澤指今次與吳卓義、苗僑偉等百厭星合作，相信開工會有不少歡笑聲。講到黃宗澤「舊愛」胡杏兒有喜，他說：「恭喜佢，戥佢非常開心，希望BB快高長大，如果想生就快啲三年抱兩。（幾時到你迎頭趕上？）迎頭趕上？我都系尋日先收工，個人都仲未抽離，真系冇時間。（有冇訊息恭喜杏兒？）仲未呀，真系要認衰。」

衝出香港！陳山聰拍內地網劇做皇帝

無線藝員陳山聰近日返內地拍攝網劇《仙醫神廚》，劇集屬於穿越劇，之前的同名網路電影甚受歡迎，不足一星期已突破800萬點擊率，今次再度改編獲得高度重視，山聰獲電影公司老闆高橋睇中，在劇中飾演雍正，而劇集有份參演的香港演員還有湯鎮業。

山聰表示這次是他第一次正式返內地拍劇，跟內地劇組合作得非常順利及開心，他說：「老闆有睇我演《萬凰之王》，好鍾意我演清裝。佢好有誠意咁邀請我飾演四阿哥雍正嘅角色，大家合作得好開心，劇組好照顧我，唔算辛苦，十幾日就會拍曬！老闆本身好忙但都專誠嚟睇我拍一場戲先走！（你角色系點？）故事系講有一個廚師穿越咗去古代，幫助我登基做皇帝，老闆好愛錫我，劇份好重，我今次系第二男主角，又由忠演到變奸，雖然得十集，但幾好玩！」

邱淑貞49歲生日　靚樣唔輸畀阿女

昨日系性感女神「豆斗」邱淑貞49歲生日，老友上山詩鈉仲幫佢慶祝，上山詩鈉仲將佢哋合照放上IG，上山詩鈉留言：「Happy bday to my dearest Chingmy（生日快樂，我的最愛） ! Wish u good health and stay young beautiful & happy always（祝你有好嘅健康後生美麗同埋永遠快樂） ! Love u （愛你）!」睇番張相，豆斗大玩cold shoulder，曬出兩個膊頭，夠曬少女味！加埋笑容甜美，點睇都唔似49歲，可以話系童顏唔識老呀！依家豆斗嘅囡囡沈月備受網民追捧，大讚佢靚樣，但其實49歲嘅邱淑貞一啲都唔差得過阿女呀！

陳奕迅發聲明否認開騷：大家切勿受騙

最近有傳歌手陳奕迅將於今年再舉行演唱會，陳奕迅在昨晚透過微博發出聲明否認其事。聲明大致如下：「本公司特此聲明，日前在網上流傳有關＂2017陳奕迅上海演唱會＂及＂Another EASON"S LIFE演唱會＂之公開發售一事，是為完全幌騙及不實之訊息。

本公司公開提醒外界大眾＂陳奕迅Another EASON"S LIFE演唱會＂早已於去年2016年10月22日在北京完成最終場，亦即代表＂Another EASON"S LIFE演唱會＂已正式划下句號，本公司亦無安排2017年內舉辦任何陳奕迅演員會。」最後又呼籲大家切勿受騙上當，並會保留法律追究權。