鄭欣宜曬巨胸嚇死人展鵬走佬！單文柔一人面對：覺得佢幾好

娛樂 05-26

今日快報

冇資格寫愛情書？方力申嘆：十年得一個

藝人方力申出席「港產陀飛輪」萬希泉創辦人沈慧林（William）的新書發布會，透露自己也曾出過書，包括有教英文的書籍，早年又有在報章寫英文專欄，英文了得的他笑指不介意跟外國人士拍拖。

問到可會考慮寫愛情書？他笑說：「冇乜條件寫，十年得一個，之前又游水，反而我想幫我老豆出本書，因為佢啲畫由送畀人都冇人要，到依家可以買層樓，可以有嘢寫，而且佢文筆幾好，我鼓勵嚇佢。」談到緋聞女友何超蓮在社交網站上載泳衣照？小方即說：「我啱啱北京返嚟未睇，遲啲睇嚇再答你。」

江蕙出庭作供　指證劫匪刀架頸

「台語歌后」江蕙去年12月於台灣新北巿淡水區寓所遭歹徒闖入，她被用刀架頸，為保護弟弟，其手掌、頭部因而受傷。一身便服、戴帽、黑框眼鏡以證人身份出庭的江蕙，於庭上指認出歹徒，她說：「當時我很害怕，看到弟弟智能障礙還被打得頭破血流，非常心痛。」

她作證指看到歹徒與弟弟在廚房走出來，迅即遭歹徒拉扯並用刀架頸，歹徒看到她穿睡袍、圍著頸巾，當場說了一句：「你怎麼穿這麼多。」歹徒要求她打開保險箱，江蕙表示不是住在這裡，歹徒即發難將她推倒地上，其手被西瓜刀割傷。她還勸歹徒認罪，罪會輕一點。

展鵬走佬！單文柔一人面對：覺得佢幾好

一眾緋聞情侶當中，以藝人馬國明及黃心穎表現最大方，齊齊孖住做訪問，而袁偉豪及岑杏賢分手後同場表現零交流，而記者事前就透過公關通知，有意邀請單文柔及陳展鵬一齊受訪，不過卻遭拒絕，而活動完結後，站在第一排正中的陳展鵬更一支箭離場，只剩單文柔獨自面對記者！

當問到陳展鵬獨自離去，單文柔答：「系咩？我唔知喎。（佢唔想一齊做訪問？）可能佢有嘢做啩。（有溝通過？）冇特別講。（依家大家進展成點？）認識緊、了解緊啰。（覺得佢點？）幾好、唔錯。（佢有唔好嘅地方？）我凈系睇人好嘅一面，咁先開心嘅。」她又指有與陳展鵬食飯及見面，多數「傾無聊嘢」，至於陳展鵬過往的情史及緋聞，單文柔表示：「我喺報紙睇過，但冇被嚇親。」

【又要甫又要秒刪】鄭欣宜曬巨胸嚇死人

藝人鄭欣宜（Joyce）日前就憑彭秀慧導演嘅《29＋1》角逐今屆法國尼斯國際影展嘅外語片最佳女配角，同彭秀慧齊齊飛去法國，真系相當開心！去到外地當然就唔少得要感受嚇當地嘅陽光與海灘啦，昨日Joyce就喺社交網同網友分享一段著住黑色泳衣嘅片，向網友大派福利，片中見到身穿性感黑色泳衣嘅佢大曬豐滿嘅上圍，將其好身材表露無遺，簡直睇到網友嘩嘩聲，仲話不知幾震撼呀！

不過唔知道Joyce系咪都覺得昨日段片太震撼，所以都好快刪除，網友仲話相信佢此行一定玩得好開心，所以不斷向網友派福利，有網友仲問Joyce會唔會繼續再甫呢？

個仔赴英留學　張兆輝教防恐襲三式

英國發生爆炸恐襲事件，不少香港藝人都有子女在當地求學。藝人張兆輝的兒子張卓鏗於英國嘅約克郡讀高中，同發生炸彈恐襲嘅曼徹斯特距離只有一個鍾嘅車程。

媒體聯絡上張兆輝，他坦言感到擔心，好彩仔仔唔鍾意睇演唱會，只愛睇足球比賽，佢表示：「今朝系個仔發呢個新聞畀我睇，當然系有啲擔心啦。呢啲系預計唔到嘅事。我都有同佢講，如果返香港時，盡量唔好喺多人嘅地方（聚集），好似要去火車站、可能系較到最遲一刻先上火車、或者唔好逗留喺太多人集中嘅地方、同埋叫佢留意左右隔離，有冇一啲可疑、冇人認領嘅袋，真系防人之心不可無，就算佢唔系炸彈，都當咗佢系先啦。總之唔好掛住睇手機，要留意周邊事情。我都話要佢自己小心，上到火車、上咗飛機，都同我哋報個平安，等我哋唔使咁擔心。」張兆輝表示兒子已經大個仔，很多事情都需要獨立處理。