拍拖十周年！丁子高送驚喜嚇死千嬅化傷心為食量唐詩詠約黃翠如食甜品

娛樂 05-27

今日快報

化傷心為食量　唐詩詠約黃翠如食甜品

獲封為「最完美女友」嘅唐詩詠，上星期宣布同拍拖兩年幾嘅洪永城分手，令唔少人都大感驚訝。雖然兩人情已逝，但唐詩詠同洪永城嘅老友黃翠如仍然姊妹情深，佢喺Instagram上載咗黃翠如嘅單人相，留言：「我眼中的她，是一個不折不扣的小男生！」隔咗幾個鍾後佢又上載自己嘅單人相，話：「她眼中的我，是一個不折不扣的大吃貨！」冇男朋友，但有好姊妹陪一樣咁開心同sweet呀！

惠英紅將爆粗Quota留畀林雪

三屆金像影后惠英紅與一班演員在尖沙咀出席葉念琛執導的迷你劇《心冤》煞科宴。她在訪問中表示劇集水準高，如開拍第二季會繼續拍落去。她又表示因劇集在收費電視內播映，所以尺度較一般劇集較高：「我第一次拍粗口戲！」更笑指之前拍戲時曾有機會在戲中爆粗，卻因電影要維持在IIB級，而將限額留給林雪：「今次佢哋話好型，我嗰場系嬲到用槍指住對手，講信唔信我打『咩』死你！」

雖然劇集最後部分有動作戲，但惠英紅坦言最辛苦是對白有大量術語，更試過九張紙對白拍足五個幾鍾：「平時啲劇九張紙拍個幾鍾！」問現時接工作是否較看重挑戰性，她即謂：「梗系啦，唔系以前咁樣為錢，劇本唔好會畀人鬧！」不過，另一主角黃秋生就因發燒而未能到場，惟有靠惠英紅撐場。

拍拖十周年！丁子高送驚喜　嚇死千嬅

歌手楊千嬅於2009年同拍拖兩年嘅丁子高註冊結婚，婚後兩公婆一直表現恩愛，原來近日仲系佢哋兩個拍拖十周年，丁生仲畀咗個大驚喜畀丁太。

首先丁生喺社交網上載咗一張蛋糕相，蛋糕上寫住「10th DATING ANNIVERSARY」，佢仲留言話：「今次真系最驚嚇?哈哈！#開開心心十周（周）年 #愛你愛到嚇死你」千嬅一定冧到爆！以為個蛋糕就系大驚喜？咁你就錯啦，相隔無耐千嬅再甫相，見佢拎住紮紫色花笑得好甜，留言話：「Big surprise????#我們10 #thankyou @real_ting #anniversary #嚇死人」系女人都鍾意收花，重點系千嬅一向鍾意紫色，丁生咁了解老婆心意，難怪千嬅開心到話呢個系一個「Big surprise（大驚喜）」啦！

姊妹緣盡！區文詩決定唔做「和事婆」

藝人區文詩（Angela）到中環出席活動，提及前Cookies隊友吳雨霏（Kary）與楊愛瑾（Miki）不和，問做和事婆情況如何？Angela似是有備而來地說：「依家唔興做和事婆啦！（有冇幫佢哋？）幾個都大個女啦…自己識處理。（兩姊妹決裂？）個個都系我朋友，學Kary咁話，朋友系需要有緣分。」

至於Kary與Miki是否緣盡？Angela坦言沒有考究過。而兩人是否不再是好姊妹？Angela認為做朋友或者情人是很難由外人插手。說到日後生日飯局都要分開和兩人食，她覺得冇所謂。

說到鄧麗欣（Stephy）的排球隊，Angela指對方看得很開，Angela自言害怕做中間人，覺得少講話對整件事有幫助：「加上件事唔開心，唔想有太多猜測令當事人唔開心。（近排有冇見過Kary同Miki？）探過Miki嘅BB，之後到Kary生日會。（你兩頭做人難？）見Miki都可以講湊仔經，見Kary都可以講新事物。」