拍拖8年！44歲孫耀威宣布同女友已註冊 超雲超蓮熱褲曬世界級美腿

今日快報

拍拖8年！44歲孫耀威宣布同女友已註冊

44歲的歌手孫耀威（Eric）與36歲的女友陳美詩（Macy）拍拖8年，一直有消息指兩人計劃今年拉埋天窗，之前兩人就被人影到在澳洲墨爾本影結婚相，昨日Eric出席加盟新唱片公司記者會，在台上親自報喜，宣布已經同Macy在美國註冊結婚了。

Eric在簽約記者會上公布新歌后，他表示有個大消息要跟大家宣布，他說：「我同Macy已經喺美國註冊結婚，不過我哋系基督徒，所以我哋遲啲會喺教堂做埋儀式先算系禮成。」Eric希望得到大家祝福，也感謝太太Macy多年來對他不離不棄，在他低谷時扶他一把，並帶領他。接住大會推出一個結婚蛋糕送給他，當他揭開蛋糕上的頭紗，Macy張相就出現，他仲搞笑說：「好彩唔系紙紮啫。」隨即作咀狀。

結婚8周年　汪明荃同羅家英去食好西

藝人汪明荃（阿姐）同羅家英喺88年開始拍拖，到咗2009年喺美國拉斯維加斯秘密註冊成為夫婦，唔經唔覺原來已經八周年了喇，近日羅家英喺社交網上載同阿姐慶祝嘅相，留言話：「今天是八周（周）年了、平安無事渡（度）過七年之癢……哈哈、吃頓豐盛晚餐。 」相中就見到阿姐佢哋去咗食日本菜，食得不知幾開心，仲笑得非常甜蜜，唔少網友都紛紛留言送上祝福，希望佢哋永遠都咁開心呀！

父子檔上陣　天明嘆同洪金寶冇對手戲

藝人洪金寶於新片演俞大猷將軍，雖然已年屆65，但仍然身手敏捷，於近日曝光的劇照中，身穿戰甲、手握軍刀的他眼神凌厲，而於片場上的洪金寶也有板有眼，一手棍法打得乾淨利落，被導演陳嘉上大讚絕對拿捏到角色的神韻。而有幸與父親參與同一部電影的洪天明，對於父親的功夫根底，天明不禁沾沾自喜謂：「老爸真的很厲害，這麼大年紀還在打，真的是我的榜樣，但今次就有點遺撼，沒有跟老爸對手戲。」在旁的洪金寶就安慰天明謂：「這次我們父子齊上陣，一起保家衛國平天下。」

一人推一架　楊采妮同老公帶孖仔出街

42歲嘅一代「玉女掌門人」楊采妮（Charlie）早前開刀誕下一對孖仔，分別系哥哥Ignatius同弟弟Aloysius，而榮升人母嘅Charlie都表示心情既奇妙又感動，完全感受到佢做媽媽嘅喜悅之情。

昨日Charlie仲喺社交網同網友分享佢尋日帶咗佢嘅寶貝孖仔出外遊玩嘅相，仲留言表示：「1 May2017第一次帶小孖寶去公園。」相中就見到Charlie同老公每人推住一架BB車，而Charlie仲流露甜美嘅笑容，完全感受到佢有仔萬事足嘅心情，網友都留言大讚相當溫馨，仲祝福兩位囝囝繼續健康成長呀!

超雲超蓮熱褲曬世界級美腿齊斗露

何家三房千金超雲和超蓮先後甩拖Dry到爆，超雲與陳山聰分手近4年，回復單身後感情一直未有著落，至於超蓮與台灣歌手吳克羣甩拖後，雖然緋聞多多，但至今仍未找到真命天子。不過兩姊妹不愁寂寞，不時結伴行街，前日（4月30日）就在中環出巡。

當日下午四時許，超雲和超蓮現身中環一間百貨公司，見兩人一身清爽打扮，露肉迎夏日。她們不約而同穿上熱褲曬長腿，家姐超雲穿一字膊上衣露膊，而超蓮則穿上黑色密實長襯衣配熱褲，驟眼看似足「無下裝」！

超蓮正面看似密實，擰轉背原來亦不輸蝕，以露背裝示人大騷白滑靚背脊，極為養眼。她們及後於百貨公司四齣穿梭，揀鞋又揀衫，又頻頻向店員查問，期間引來不少途人眼望望，可惜最終沒甚斬獲。

?轉載授權微信：lama129

? 商務QQ：1900556960

?投稿郵箱：tghkchannel@163.com

喜歡這篇文章嗎？立刻分享出去讓更多人知道吧！