如果你可以睇到我嘅朋友圈，請珍惜我！

別 再 錯 過 我 了 ! ! !

歌曲:《最佳損友》

原唱:陳奕迅

文:可可C

圖:網路

一個人有幾唔正經

就有幾深情

朋友感情有幾深

彼此就有幾hurt

我懷念過去嘅我哋

冇頭冇腦而又單純嘅我哋

前一秒可以因為一點小事吵架

下一秒又和好如初

我哋喺一起

每日都系愚人節

就算用盡成世學識嘅粗話懟你哋

你哋都唔會嬲

到咗大學

陌生嘅環境令我封閉咗自己

當我嘗試主動交朋友

用我自己嘅方式

換來嘅卻系人地嘅反感

冇人能夠明白我

於是

人哋加我微信

我都有意識咁選擇唔畀佢睇我嘅朋友圈

最近

我同同學以小組嘅形式舉辦咗一場活動

我負責宣傳呢一塊

迫不得已

我必須打開我嘅朋友圈同空間

同時

我艾特咗我好好嘅朋友幫我轉發

結果

只得三個人幫呢個忙

當我好單純咁以為

對方只系暫時冇收到消息啫

現實卻狠狠地刮咗我一巴

有啲人訪問咗我空間冇轉發

有啲人我當面再提醒多一次仲系冇轉發

仲有啲人更新咗說說或朋友圈亦同樣冇轉發

、、、、、、、、、

我諗起咗下雨嗰陣

睇到你哋冇遮

我仲專登返宿舍借多一把過去接你哋

我諗起咗上選修課

你哋叫我幫手點到

我毫不猶豫咁應承咗

我諗起咗你哋要我幫手填問卷

我亦毫不猶豫填咗

、、、、、、、、

第二日

我問咗一個我艾特咗嘅人

佢話我知

佢唔中意利用佢嘅人脈去做呢啲事

當時我傻咗

「講乜啊?我只系請你幫我轉發啫」

系啊

我只系請你幫我轉發啫

唔強求你哋同朋友講要轉發

佢哋睇唔睇、轉唔轉發系佢哋嘅事

你幫唔幫我系你哋態度嘅問題

唔記得話你哋知

我開放朋友圈同空間嗰陣

系有意識選擇噶

我當你哋一世朋友

你哋當我一秒朋友

如果你能睇到我嘅朋友圈

請珍惜我

因為我當你系朋友

要有幾幸運

先會遇到一個待你如家人嘅老友!？

投稿通知:想要投稿的朋友可以直接在公眾號的菜單主頁與小編聯繫!

歡迎關注「音粵FM」

掃二維碼

更多故事與你分享~

喜歡這篇文章嗎？立刻分享出去讓更多人知道吧！