BB絕密萌照曝光！鍾嘉欣揭產後弗爆之謎陳山聰轉嗒29歲糖妹

娛樂 06-17

今日快報

陳法拉回家鄉成都演川劇初嘗花旦滋味

陳法拉應VS Media及Beautiful Destinations合作拍攝「迷人的中國」系列，第一站就是法拉的家鄉——四川成都。重回家鄉的法拉這次充當導遊，為拍攝團隊介紹成都風光和傳統藝術，其中包括歷史悠久的川劇文化，法拉更與世界級旅遊創作人Jeremy Jauncey粉墨登場，初嘗當花旦的滋味。

在上妝的過程中，讓法拉感受到一班川劇前輩的那份尊業。她大開眼界的說：「我終於體驗到上一個花旦妝的滋味，這全都是學問，扎網巾、塗脂、描眉、畫眼、勾臉、勒水紗、貼鬢腳等，但我由上妝到踏台演出至落妝，雙眉一直被吊起，頭套緊緊壓著頭，整整一個多小時，真的滋味在心頭，又頭暈又想嘔，所以這次的體驗令我感受良多，且更敬佩一班老倌的尊業。」

法拉坦言今次接觸了這種傳統文化，讓她更有興趣在這方面鑽研，尤其穿上那色彩繽紛的戲服後，那種一舉手、一投足的功架，甚具魅力，讓人無法抵擋。法拉還笑說這次踏台拉扶演出很好玩，尤其聽到台下觀眾的熱烈掌聲，很有一種成就感。

BB絕密萌照曝光！鍾嘉欣揭產後弗爆之謎

33歲的無線花旦鍾嘉欣自從去年為老公Jeremy誕下囡囡Kelly後，大部分時間留喺加拿大湊女，由於知道同粉絲相處嘅時間唔多，所以嘉欣BB都好有心咁喺Instagram玩直播同粉絲互動，順便分享嚇佢產後嘅生活！

直播開始後，鍾嘉欣興奮地同粉絲打招呼，就連華姐冠軍好友鄧佩儀、索腿靚媽陳敏之都有入嚟睇直播，嘉欣仲分享從懷孕、生B到坐月鮮為人知嘅心路歷程，佢話：「我作動15、6個鐘，一個半小時就Push，Kelly由頭、膊頭、手、到手指尾出嚟，佢就用手指尾勾住接生醫生手指，醫生之後話佢接生咁耐，都未試過有BB勾住佢手指出世，話BB第日一定系個特別Baby！」

嘉欣又話Kelly一出世就頭髮多多，喺直播中仲大騷Kelly出世20分鐘萌照，真系好可愛呀：「系咪好Cute呀？好多頭髮呀！救命！我嗰時已諗點解五官已脹卜卜，醫生話BB因為營養夠。」睇嚟女神養胎畀足心機！

而星期日（18日）就系父親節，嘉欣就Sweet爆地多謝老公Jeremy，之後更為粉絲帶來喜訊：「有粉絲問我幾時再返嚟香港？我下個月頭會返香港出席活動，希望到時喺灣仔同大家見面啦！」

改名重新出發　吳海昕為拍戲裸露都肯制

藝人吳海昕（Sofiee）於2014年參選香港小姐時獲封「民間港姐」，雖然最後三甲不入之後更沉寂一段時間，但她最近便改名重新出發再闖影視圈。談到她的名字由「吳凱欣」改成「吳海昕」，她即指新名充滿詩意，有「大海上剛剛上升的太陽」的意思：「之前個名我賺咗好多支持者同短暫嘅人氣，但我想大家用演員呢個身份去重新認識我。」

回想當年選美大熱倒灶，她坦言有失望過，但從來未撲熄對演藝工作的熱誠：「你問我三年前有冇唔開心，咁一定會有，因為參加比賽都系想做到最好嘅目標。但系自己知道自己方向，我要拍電影，所以我就唔諗當時結果系點。人生冇得再返轉頭，但起碼呢三年都做到自己鍾意做嘅嘢，包括舞台劇同主持等等。」

除了電影工作外，她最近亦為ViuTV拍攝新劇《賤民20》，問到演戲的底線，她即笑謂：「裸露唔系好大問題，最緊要系裸露得有原因，只系覺得自己個Body去唔到嗰個Standard，冇咩信心啫。（編劇男友卓亦謙唔畀點算？）我唔會理佢！其實佢都好支持我做嘅嘢嘅，唔局限我做演員有啲咩唔可以做，呢個系對劇本嘅尊重。」

方力申父母揀新抱最緊要可愛

父親節將至，方力申與爸爸方毓仁感情深厚，對小方當年加入娛樂圈，方父非常贊成。雖然有說娛樂圈是大染缸，但方父好通情達理，他說：「呢個世界有邊到唔系大染缸，整個社會都系染缸，睇你自己啫，睇你同咩人做朋友，所以我唔怕。」

方爸爸表示小方多年來的本質都沒有變過，他說：「系生活多姿多采，我比較關心佢朋友系邊個，我講嘅系男朋友唔系女朋友！」因為男性朋友對小方的事業、個性、質量可能有影響，反而對小方的緋聞，他從未過問。

方爸爸對小方的女朋友、緋聞有甚麼意見？方父說：「咁多個緋聞，咁都要睇嚇?，當然我唔同佢講，我會同佢阿媽講，邊個可愛啲邊個唔可愛，但我哋冇話邊個就系啦，邊個唔系。」小方第一次從父親口中得知原來父母會在他背後談論他的緋聞，他即取笑父親跟大家一樣像看八卦雜誌，小方笑說：「佢狂煲，一齊估嚇究竟系唔系？如果系呢個就好喎，我估咋！」方父說：「我哋唔睇靚唔靚，系睇cute唔cute，不過我鍾意用另外一個字中文字，系「可愛」，因為可愛包函嘅嘢多過cute。」

陳山聰轉嗒29歲糖妹

監製王心慰的新劇《逆緣》即將開拍，除了之前爆出有黎耀祥、夏文汐及林夏薇（薇薇）擔綱演出外，現時更加入陳山聰、英皇藝人陳家樂及糖妹。

劇中，家樂將會與林夏薇飾演一對，反而糖妹會與山聰有感情線。

40歲的陳山聰今日接受訪問時才知道自己與29歲的糖妹飾演情侶，問到對方襯他會否過Young、過Cute時，山聰則笑謂：「我依家唔Young咩！OK呀！唔使成日對住黃智雯、姚子羚，我同糖妹、薇薇都好多同場戲，新組合會有多啲火花。其實套劇入面我有好多人未合作過，好似黎耀祥、夏文汐，黎耀祥我恨合作咗好耐?嘞！終於有機會！我又可以有好多幻想嘞！（邊方面？）邊方面都好啦！」