接檔《蘭花刼》，謝賢佘詩曼馬明《賭城群英會》周一首播

倉底劇《蘭花刼》收視慘淡，星期一起同一時間將由《賭城群英會》接棒！

劇集由王晶監製，陣容超級強勁，先有久未拍劇的四哥謝賢、叻哥陳百祥及陳法蓉；馬國明、黃浩然、佘詩曼等一線藝人，以及何浩文、文凱玲、麥明詩等首次拍劇的新面孔。

劇集演員陣容與拍攝手法均甚有電影感，經典老千題材再現，唔知啱唔啱觀眾口味呢？

近日TVB開始發力谷劇，不斷播出《賭城群英會》宣傳片，有唔少觀眾睇完都以為系電影trailer！

因為片段出現上下黑邊，對白配上中英文字幕，仲加埋《賭神》經典配樂… 電視劇預告片扮到電影咁，大台終於有新意！

四哥出山做賭神

請得四哥出山，令觀眾回想起1980年的經典賭劇《千王之王》，已經30年冇拍無線劇的四哥乃全片關鍵，故事中佢飾演賭神向無名，多年前協助師兄胡楓在賭枱上勝過高手劉兆銘，先發展出下一代的恩怨情仇。

叻哥陳法蓉各收徒弟

劇中四哥有兩位愛徒「是旦哥」陳百祥及「十三妹」陳法蓉，佢哋各自栽培精通賭術和各項本領的徒弟，前者有三位男徒弟馬國明、黃浩然及何浩文；

後者就有三位索女徒弟佘詩曼、高海寧及文凱玲。

叻哥突變情聖

叻哥同陳法蓉呢個組合已經多年冇出現過，對新一代的觀眾來說夠曬新鮮，今次佢哋除了系同門師兄妹，亦都系一對舊情人。

另外叻哥今次難得放下牙擦形象，突變情聖，默默為心上人付出，觀眾真系需要時間適應一下。

演員陣容強勁

《賭城群英會》為阿佘在無線的告別作，佢將與馬明展開恩怨纏綿的感情戲，又齊齊獲四哥指點老千術，成為賭神接班人！

除了老前輩叻哥及陳法蓉，劇集仲有首次拍劇的「鴨王」何浩文，以及「十優港姐」麥明詩，兩人有唔少對手戲。

最後一位新面孔就系身材火辣、拍過《鴨王2》的「晶女郎」文凱玲，同阿佘高Ling飾演三師姐妹，不過喺劇中未有強調身材，反而系一個計算機宅女，仲會同黃浩然有感情線。

呢出新戲你追唔追？

?轉載授權微信：lama129

? 商務QQ：

443317765

?投稿郵箱：tghkchannel@163.com

喜歡這篇文章嗎？立刻分享出去讓更多人知道吧！