《撒嬌》開續集？王浩信叫網民畀定意見孕味濃…？王祖藍孖老婆曬凸肚相！

娛樂 06-02

今日快報

父親節大禮！霆鋒贈爸爸8,500萬豪宅

父親節將至，孝順仔女都會花心思送禮報親恩，向來孝順的謝霆鋒今年的父親節禮物特別大份，以8,500萬港元購入淺水灣道低密度住宅怡峰一個望海景單位，送給年屆80歲的謝賢，單位實用面積約1,939方呎，為兩房兩廳連一個套房間格，實用呎價約4.38萬元。土地註冊處資料顯示，該單位易手買家為謝家鈺（Tse Ka Yuk Patrick），與謝賢的原名相同！

媒體向霆鋒經理人霍汶希（Mani）求證霆鋒是否買豪宅贈予四哥？Mani說：「佢唔會回應，不過據知呢層樓十成十都系佢送喇！霆鋒一向好孝順，前幾年買咗500萬嘅勞斯萊斯畀爹哋，佢又知道四哥鍾意望海，所以送呢個有海景嘅單位都唔出奇！」再致電謝賢恭喜，雖然屬開心事，但他保持一貫低調，認為不需要張揚，隨即收線。

投資有道的霆鋒手執市值約5億元物業，年前更成為中環擺花街鋪王，早年他出售謝賢居住多年的金徽閣單位，凈賺2,000萬，其後為父親物色安樂窩，安排他入住月租10多萬元的半山豪宅陽明山莊，至最近終再撲槌購入淺水灣海景豪宅凼老父，認真大手筆！

除了住屋，霆鋒年前亦豪花500萬元買入黑色勞斯萊斯名車送給謝賢代步，又以20多萬元投得「RR4」車牌，以配合四哥之名，再聘請司機接載出入，窩心爆燈，絕對是圈中超級孝順仔！

新片票房報捷　鄭欣宜嗌再拍續集

藝人周秀娜與鄭欣宜擔正的新片《29+1》於銅鑼灣舉行慶功宴。最近經常將性感照擺上網的欣宜出席慶功宴就未見特別性感，她笑指每次去游水影相擺上網，大家都會覺得好奇怪，她說：「有著泳衣嘅，安全，系影嗰陣有啲搞笑，因為每次影嗰陣都反光，我睇唔到個mon，依家低炒條頸會長啲靚啲！」

談到她30歲生日，她表示早前到東莞工作時都有工作人員為她慶祝，而且近期密密為新片到內地宣傳，並透露新片在香港及澳門的票房已超過1200萬港元。談到許廷鏗早前為她慶祝生日，更在她住的地方樓下等她，她說：「系一早約咗嘅，之前佢生日都系咁慶祝，佢有買蛋糕同禮物畀我。（咩禮物？）藍芽小喇叭！」談到新片票房理想，她說：「好開心，好替導演開心，成套戲系歸功於導演！（再開？）成日叫導演再開套《39+1》，叫佢五年後再開！」。

孕味濃…？王祖藍孖老婆曬凸肚相！

藝人王祖藍同太太李亞男喺2015年結婚，至今已經兩年幾，二人依然好似熱戀期咁，經常都喺社交網站放閃，一班網民都大叫「葡萄」。近年唔少已婚嘅藝人都已經榮升父母，同樣喺2015年結婚嘅胡杏兒早前亦都宣布即將成為人母。祖藍就透露近期都經常畀人催生，所以佢近日就喺社交網站上載咗張大肚相，唔通有喜？不過睇真啲，原來只系祖藍嘅大肚腩，而亞男嘅身材Fit爆，一啲都唔似有孕。一班網民都大叫中伏，仲叫佢哋快啲生番個添！更有網民希望李亞男真系有喜，決定整張惡搞相調轉佢哋個頭，令大肚果個變成李亞男！幫佢哋沖沖喜～

被指感情有著落　蔣家旻唔否認：了解中

無線女藝人蔣家旻（Angel）近年憑《愛．回家》馬子妮一角彈起，最近忙於拍攝劇集《誇世代》及節目《馬家開飯》，一直聲稱單身的她，近日就被拍到與年約30歲的結婚統籌公司老闆Nic行街被指感情有著落。

Angel回應電話訪問時指兩人是了解中的朋友，但未有落閘否認戀情：「佢系我朋友嘅朋友，聚會識嘅，Keep住了解中，同埋當時系仲有一位女性朋友，三個人去市集。（心急再拍拖？）慢慢了解嚇，唔會心急！人大咗，思維同相處上嘅追求會唔同，不嬲都寧缺勿

濫，依家27歲，會深思熟慮啲，用多少少時間了解對方，包括將來或工作上目標同諗法。（擇偶條件系點？）有上進心，對未來有規劃、踏實、脾氣好、錫自己，始終我工作時間比一般人顛倒，希望對方了解。」

《撒嬌》開續集？王浩信叫網民畀定意見

藝人王浩信近日接受訪問，講到劇集《不懂撒嬌的女人》收視及口碑好，他多謝網友及觀眾支持：「大家討論先製造咗話題，慢慢將收視推高。」講到他飾演的Saving與唐詩詠的Cherry本是sad ending，但最後補拍了一個open ending，他表示較喜歡sad ending：「遺憾系會刻骨銘心啲，先可以長留觀眾嘅心。」

講到結局中由笑變喊的一幕戲被大家推舉做視帝，王浩信表示：「大家有咁嘅想法我已經當攞咗，不過依家先系年中，嚟緊都仲有好多好好嘅劇集。」他亦幫Cherry平反，表示她是因為愛Saving、想他事業有成才選擇離開他，他亦謂自己睇大結局時都有喊。