洪卓立被冒名騙財陳法拉拍處女微電影黎淑賢自認有打針Keep靚樣

娛樂 06-24

今日快報

超索！42歲鄺文珣做超音波掃描曬巨肚

現年42歲嘅前無線藝人鄺文珣（May）4月宣布懷有第三胎，原來依家已經懷孕25周，今日佢就去咗做產前檢查，同行嘅仲有佢兩個寶貝仔，見May瞓喺度露出肚皮，個肚已經相當巨大，而佢兩個囝囝就好好奇咁企喺媽咪身邊望住個巨肚，一臉幸福笑容嘅May留言話：「I got #minidoctors doing ultrasound scanning for me today（今天我獲得小小醫生為我做超音波掃描）」仲hashtag：「#withmybabies#mylittlemuffin #pregnancyweek25 #1.5pounds」

陳法拉慳皮拍處女微電影

女星陳法拉現身《Weekend Max Mara 2017》慈善活動，法拉表示當年到美國讀書，第一件事就是辦手續帶愛貓到當地陪自己，而手續比想像中簡單，她說：「貓貓依家一直喺美國，到我畢業返香港，我就會帶佢返香港，佢系飛機常客。我依家喺香港都好掛住貓貓，屋企人幫我湊住先。養寵物系好大責任，唔系一兩年，而系十幾年嘅承諾，我都唔敢諗，佢遲早有一日會走，要受得起生離死別。（男友鍾唔鍾意動物？）佢都鍾意，但佢好忙，所以佢冇養。今次佢都冇一齊嚟香港。」

談到工作，法拉稱正開始拍攝由她自編自導自演的處女微電影，她笑言：「本來前日開始拍第一場外景，但點知落大雨，所以取消咗，真系萬事起頭難。香港會拍一部分，紐約會拍一部分。因為我呢個圈識好多朋友，所以個個都系拍膊頭，小本製作。第一次拍電影，乜都系自己搞，唔系求拍出啲咩，只系想享受過程，同埋想知道成個電影製作系點，學習嚇。

（預計幾時完成？）我8月就要返學，後期有好多嘢要搞，可能搵朋友幫手，我想一氣呵成，唔想拖太耐。（預幾多錢製作？）五位數咋，全部人都系拍膊頭，拍到手軟。大家都系義務碌爆人情卡。喺香港拍好warm，我一講拍戲，好多人幫手，可能喺美國就難啲，乜都要自己做。（男友做副導？）唔得，佢只可以負責睇戲。（客串角色？）唔得，佢好怕丑。」

洪卓立被冒名騙財　Cap圖叫粉絲警惕

歌手洪卓立（Ken）分別在facebook及ig甫了一張cap圖，寫著「你好，想請問您是否有在手游上自稱本人然而進行詐騙...」又問到他「宣稱洪先生您是在法國？」莫非Ken被冒名騙財？而Ken就hashtag表示「根本打機從來都唔用真名」、「我都想去法國」、「日日都在香港開工」、「如果用自己真名呃你小小錢我會否太愚蠢」等等。

記者聯絡Ken了解，Ken表示相信是有人冒他的名及用了他的一張相做頭像，在一些手游遊戲上呃人，因為有一個被騙的苦主在他的facebook fan page留訊息問他，就是那幅cap圖內容。問到Ken可知對方被騙財？Ken謂：「冇問佢幾多，可能都系啲點數卡。」Ken稱知道有人被騙，所以都特登甫出來澄清下。講到因他打機打到深入民心？Ken無奈說：「我都冇打佢呢個game，同埋我呢輪根本冇時間打機，日日都開工，我都想身在法國呀。」

黎淑賢自認有打針Keep靚樣

前亞姐黎淑賢（Bonnie）帶同細仔一同出席護膚品牌活動，她表示今次是第一次和兒子一同出席活動，所以兒子都有少許害怕。談到Bonnie近日拍攝比堅尼照片，她笑言為老公生意做生招牌：「其實都成10年冇著過泳衣拍嘢，都用咗一個月節食，你見我都曬到燶曬。（減咗幾多磅？）都減咗10磅左右，我覺得仲有進步空間。（同以前選亞姐一樣？）其實以前都冇腰，都以免有太多期望啦。」

講到近日港姐有參選者疑整容，Bonnie笑言可能是搞啅頭，而自己當年參選個樣貌亦有點「奇怪」：「我覺得有開刀就叫整容，你話打針都OK，但唔會鎅開中間嚟整囉，但發明出嚟其實都有用。（你接受到打針？）接受到，之前都有打過，隨著年紀長大都會變，幫到自己又可以靚，點解唔做？同埋老公都贊成。（咁你打針系咪免費？）都要睇心情，養我一世咪得囉！」

陳玉蓮留內地搞慈善：都有十年喇