馬天佑強調吳千語林峯冇分手蔡思貝有意拍賣用過嘅假哨牙做善事

娛樂 06-25

今日快報

約滿無線返台陪阿媽！金剛伙祖藍賺人仔

台灣藝人金剛來港後與無線合作多年，他由TVBS主持開始做起，曾在《超級無敵獎門人》中以「獎老」身份協助曾志偉主持節目，當時他的以半鹹淡廣東話成功出位，又參演過多套劇集演出，當中包括《愛情食物鏈》、《迷》及《降魔的番外篇—首部曲》等，還有與阮小儀合作的《街坊廚神》，成為觀眾的開心果！不過，他於6月中已跟無線約滿，並轉投王祖藍工作室成為旗下藝人。

目前金剛已搬返台灣居住，有工作時才中、港、台「三撈」，他接受訪問時坦承已跟祖藍簽約，亦計劃與友人在台灣開設娛樂公司：「我返台灣住，系想多啲時間陪屋企人，始終父母都年紀大。（你簽祖藍想賺多啲人仔？）祖藍話我哋一齊喺內地發展，賺乜都好啦，總之系錢就得！」

齋收花？陳凱琳鄭嘉穎撐

足兩個半鍾枱腳

鄭嘉穎專程返港請女友陳凱琳（Grace）食法國菜慶祝生日，至晚上十時，二人撐枱腳撐足兩個半小時離開，並大方企定定給記者拍照，見Grace手持一支由餐廳送贈的紅色玫瑰花，依然春風滿面。

問她男友送了甚麼禮物？她望一望手中的玫瑰花：「呢個啰！」之後嘉穎再做柴可夫載女友返愛巢繼續溫馨。

馬天佑強調吳千語林峯冇分手

形象指導馬天佑出席活動，他透露早前29歲生日獲好友吳千語搞生日會慶祝：「生日願望系工作順利搵多啲錢。（生日會系驚喜？）一半半，佢花咗好多心機布置。（千語男友林峯會唔會呷醋？）唔會，佢唔喺香港。」

提到有傳吳千語與林峯有結婚，又分手？馬天佑叫大家問當事人，但強調二人仍拍拖，但因林峯常常不在港，而沒有一大班朋友一同食飯。至於二人是否結婚？馬天佑說：「冇咁嘅事，唔知呀，佢冇講。（佢結婚你實幫佢搵婚紗？）唔止搵婚紗咁簡單，出儘力幫手，二話不說乜都幫佢。」

李嘉欣生日　四Pair人罕有聚首！

日前6月20日47歲生日嘅「大美人」李嘉欣，雖然已經事隔幾日，不過有心唔怕遲，家姐李嘉明、盧淑儀及邱李茂琪呢日就為佢補祝生日，唔只系咁，佢哋各自嘅另一半罕有一同出席聚會，四Pair人齊齊整整，幾咁幸福！

李嘉欣喺Instagram上載相片，佢留言：「Thanks for a wonderfulnight?仲有蛋糕食。」著上紅色衫嘅嘉欣非常搶鏡，雖然已經47歲，但依然咁靚！除咗佢同老公許晉亨外、仲有李克勤同盧淑儀、李嘉明與顧毅勇、邱李茂琪同老公邱子傑、8個人一齊出席聚會，非常熱鬧！邱李茂琪亦喺IG上載條片，一眾人齊齊派心心，而一向畀人嚴肅感覺嘅許晉亨都擺出心心手勢，表現出搞笑一面！

蔡思貝有意拍賣用過嘅假哨牙做善事

藝人李佳芯（Ali）、蔡思貝、王浩信、張振朗、陳庭欣、翟威廉、譚凱琪及蔣家旻等到旺角鬧市出席《bigbig channel 6.23全球體驗啟動儀式》暨劇集《踩過界》宣傳活動，引來大批途人及Fans包圍。期間天氣陰晴不定不時下驟雨，眾藝人在行人路布景板前拍照後，登上宣傳車進行網上平台直播，一眾傳媒及Fans則逼在行人路上硬食雨水，部分人只好走入隔鄰的戲院避雨。