斥200萬搵高手 霆鋒帶隊挑戰全球大廚

藝人謝霆鋒的《十二道鋒味》去年播出第三季，第四季的內容正在緊鑼密鼓進行。但霆鋒及節目組今次決定搞搞新意思，話會舉行比賽，選出廚藝高手同自己一齊，挑戰全球大廚咁話喎！

組8人團隊

謝霆鋒主持的內地美食節目系列《鋒味》，在新的一季將成為美食競技節目。霆鋒日前宣佈，在全球招募廚藝高手，一齊向全球各國征戰。究竟點先可以成為霆鋒的隊友？首先係網上公示，需要所有有參與意願的美食達人們將自己廚藝視頻上傳優酷專區；然後選出約60位在上海比賽，每個人做出一道自己擅長的料理，題材不限；選出20位合格者將被分為兩隊，為《鋒味》開機宴分別進行不同主題的宴席準備，由所有參與開機宴的受邀賓朋進行投票評比兩隊優劣。當中選出8人成為霆鋒的團隊，一齊周遊列國，同其他大廚比試。而最後的冠軍更會得到100萬人民幣、亞軍50萬，季軍就有30萬，作為創業基金。評判團方面，霆鋒話：「節目組未講定，好多係當地美食家，又有可能係平民老百姓。」

最睇重默契

霆鋒形容今次團戰比賽困難重重：「覺得今次呢一仗最難打的係，如果幾咁好彩搵到啲好勁好勁人，又幾咁好彩畀我搵曬中西美點、中餐西餐，世界各地唔同餐都好啦，最難搞一定係默契，因為同對手打，人哋可能喺個廚房到同個團隊有15至20，或30年默契，冇默契再犀利都打唔到，所以最希望搵到一批大家好投契人，我相信基本功大家都有，否則都去唔到嗰度。」至於比賽有多少場次？他表示：「起碼會有12場比賽，此外，我哋都有好多短視頻比賽會喺北京或其他城巿搞，呢12場大賽會出外搞。」

加設明星賽

《十二道鋒味》每集請來各路明星，今季雖然係改成競技節目，但都會請嚟一班明星嚟比賽，令比賽更有吸引力。霆鋒透露：「其實會請好多明星嘉賓，有幾多可以同我哋行落去同我哋一齊參賽，就睇佢哋自己，佢哋想我哋梗歡迎，暫定會以4對4出場，佢哋一定要爭到個位先得。」唔知有邊啲明星可以去到比賽呢？

喜歡這篇文章嗎？立刻分享出去讓更多人知道吧！