海灣者受讓過關佳品

今日雖然有唔少好波，但講到筍盤，King最有心水系聽朝美職獨腳戲，由波特蘭伐木者主場對西雅圖海灣者。伐木者唔單止連輸3場，仲傷兵一大籮，就算有地利亦不宜高估，海灣者今仗有力全身而退，受讓必捧讓球客勝。

（TVB 302周一早上10時30分直播）

丹普西撐住唔赦伐木者

波特蘭伐木者近期行緊衰運，聯賽連盃賽竟然錄得3連敗，包括上周中快車作客以2比3不敵西岸弱旅明尼蘇達聯，嗰場波仲有主力10號仔施巴斯坦白蘭高做「紅牌阿姑」，今仗要坐波監。禍不單行，伐木者一直飽受傷兵困擾，邁亞斯、積班比、麥托斯、萊爾米拿、列治維等仍未好番，個陣咁殘唔多靠得住喎。另邊廂，海灣者雖然作客唔肋，但勝在冇乜傷兵，有美國國腳丹普西助陣可穩定軍心，加上近5次交手，海灣者錄得3勝1和僅1敗，仲有得受讓咁筍，讓球客勝咪錯過。

串甘美奧勝小保加讓主

至於巴甲上演榜首大戰，由「2哥」甘美奧主場迎戰「1哥」哥連泰斯，兩軍開咧後均表現弗爆，不過甘美奧連盃賽在內主場7連勝，況且近6次喺自己地頭對住哥連泰斯贏5次，格食格下主勝捧得過。最後阿甲煞科，新鮮出爐嘅冠軍小保加主場對聖達菲聯，小保加返回「糖果盒」開奪冠派對，必大踢性感足球娛賓，聖達菲聯無謂掃人興，一於捧讓球主勝。

（TVB 302周一凌晨3時15分直播）

喜歡這篇文章嗎？立刻分享出去讓更多人知道吧！