《東西宮略》聚會　陳敏之感嘆愈來愈多人張學友唔介意外國人做女婿

娛樂 06-27

今日快報

《東西宮略》聚會　陳敏之感嘆愈來愈多人

最近陳法拉返港出席活動，留港幾日嘅佢，就與當年劇集《東西宮略》一眾演員聚舊，有呂慧儀（長腳蟹）、郭晉安、阮小儀、陳敏之、雖然劇集已經播畢多年，但感情仍然維繫到，真系難得！

敏之就在微博上載了多張聚會時的熱鬧照片，仲見到呂慧儀仔仔蟹籽及郭晉安囡囡，敏之留言話：「我們又相聚了！這份友誼從一起拍東西宮略開始，看著大家一起成長，拍拖，結婚，生小孩！每次聚會都越來越多人了！」真系陳敏之同呂慧儀都已經做咗人母，陳法拉同小儀要加把勁喇！

陳曼娜曬歷代花旦合照　網友求合作

藝人陳曼娜相識滿天下，不時都會喺社交網站上載同一班好友聚會嘅相。而近日佢就同一班花旦聚會，當中包括梁小冰、鮑起靜、劉玉翠、李影、黃淑儀、周家怡同米雪。

咁多老友聚埋一齊咁開心，廚藝了得嘅黃淑儀都落廚煮番幾味。

歷代花旦聚首一堂，一班網友都話呢一個畫面認真難得，大讚佢哋個個都keep得好好，完全冇留下歲月嘅痕迹，仲話如果可以睇佢哋拍番套劇就好啦！

學友唔介意外國人做女婿：通知我得?喇

歌神張學友大女張瑤華（Zoe），早前被指與外籍男仔Mathis拍拖，在其社交網內又有二人攬攬合照等，Mathis事後表示自己目前單身。而今日隻身返港的學友，現身機場時即為囡囡澄清緋聞，更大爆囡囡現時單身，亦未有拍拖的打算。

學友向現場記者表示，有過問女兒是否拍拖：「佢話暫時未有呢個興趣住。（你贊成？批准？）老實講佢哋細個保護佢時就好憎呢件事，咁依家都16、17歲，過多一個月都17歲，佢真系有識朋友，只要正正常常都唔覺得系咩大問題，或者唔好影響到學業。當然做我哋啲小朋友都困難啲，或者佢哋覺得影張相都會畀人講，佢自己都覺得系難處理啦，咁細個，影響到其他同學更加唔想。

（阿女有為此唔開心？）咁梗系會唔開心嘅，咁我做緊騷，都用咗啲時間同佢解釋，成件事系點，點解會發生呢件事呢。大家都見到，始終我個女由細到大都系讀國際學校，比較洋化啲，同埋佢啲同學大部分系外國人，佢都系習慣咗佢哋啲文化，同佢解釋咗系文化分別，我都系關心佢啦，因為佢系被關注咗，同佢講咗，我唔想阻止佢哋用社交媒體，咁我都想佢哋知道佢哋嘅媒體都會被關注，佢都有話自己已經好小心喎。我話畀佢知呢個誤會，咁啱佢呢個朋友無用一個真正身份擺上去，先有呢個誤會話佢結咗婚。大家用常理推測都知佢咁細過，跟住會去外國讀書。」

問到會否接受未來女婿系外國人？學友表示：「我都理唔到咁多啦。（教佢睇清楚？）呢個自己都會嘅。

」

對於女兒被指為「翻版舒淇」，學友笑言：「咩都有人講?啦。（都好多人講話似媽咪羅美薇。）系冇人話似我啫。」學友又透露今次是囡囡主動搵自己，表示被一些事情困擾，而學友又自爆未有加女兒的社交網為好友，避免囡囡覺得自己被監視。

【掛住玩遊戲】岑杏賢疑被翟威廉掂胸

港姐馮盈盈、岑杏賢、丁子朗及翟威廉於油塘出席劇集《射鵬英雄傳》的宣傳活動，四人大玩遊戲，盈盈與子朗玩斗快爆波時，盈盈被子朗嚇到花容失色！未幾分成兩組，男方要抱起女方，斗抱起的時間長，翟威廉試抱岑杏賢時，其右手疑似不小心觸碰到岑杏賢的胸部，不過二人一於少理，玩遊戲至上。

現場見到馮盈盈雙腳有紅印，她謂是皮膚敏感，連醫生也找不到原因，但可能是拍劇的地方較污糟所致，至於醫生男友可有為她治療？她說：「佢依家轉咗風濕科呀，所以唔關佢事！（幫嚇你？）敏感都系要戒口啦，唔好食海鮮，辣嘢咁！」

談到新一屆港姐已開始首輪面試，被問覺得今屆的質素如何，她自爆今年有不少認識的朋友參選，她說：「Zoe（杜芷綾）啦，佢系我演技班同學。（向你偷師？）冇呀，見佢參選好驚喜，同埋見到啲中學、大學同學參選！（佢哋機會大？）都有信心！」講到今年有參選佳麗疑似整容，她笑指：「知道公司有節目想搵佢！（你支持天然？）系，唔使擔心之後要維修！」

鄭欣宜大細路上身玩轉木製遊樂場