梁朝偉生日晒迷人電眼勁童顏喺房貼譚詠麟海報李克勤被懷疑性取向

娛樂 06-28

今日快報

邊忽似55歲！梁朝偉生日晒迷人電眼勁童顏

超級男神梁朝偉生日快樂！今日（廿七日）為梁朝偉的55歲生日，太太劉嘉玲在今日凌晨十二時許，在社交網站上載梁朝偉慶生時照片並留言：「生日快樂。」而梁朝偉所屬的公司澤東也有上載照片及留言：「我們的男神，生日快樂！健康幸福每一天！」

相中梁朝偉笑咪咪的看著壽包及蛋糕，立刻引起大批網民及粉絲紛紛留言祝褔，大讚踏入55歲生日的他魅力有增無減，指他是唯一的超級男神外，笑言其「電眼」向來是他的撒手鐧並留言：「男神偉仔對著壽包放電眼，壽包們有褔了！」同時也有不少網民留言指劉嘉玲能有超級男神當老公，是人生大贏家外，更狂loop及上載他們多年來的恩愛照片回味一番。

喺房貼譚詠麟海報　李克勤被懷疑性取向

歌手李克勤接受電台訪問，宣傳《李克勤慶祝成立30周年演唱會》。說到譚詠麟（校長）對他影響很大，克勤指人生中再也找不到另一人跟自己的關係這麼複雜：「最早期佢系我嘅偶像，我買佢嘅唱片，喺房貼佢嘅海報，我媽仲懷疑我性取向！」其後二人在同一唱片公司工作，一起經歷很多事，克勤覺得非常有緣份和福份：「你可以話佢系我嘅貴人，我有時叫佢做老竇，我結婚佢坐主家席。有時又好似平輩同朋友，佢作咗只歌會畀我聽，問我覺得點，叫我估嚇首歌佢同邊個唱，大家有音樂上嘅交流，舞台上又系好好嘅拍檔。」

克勤自言做事吹毛求疵，校長影響他最多的是對做事的看法：「我樣樣都要做到100分，令到自己好大壓力、鑽牛角尖。由《左麟右李》演唱會開始，同佢合作睇到佢好認真得嚟系輕鬆，佢嘅工作就系佢嘅娛樂。」校長經常教克勤要放鬆點，不要愁眉苦臉，觀眾並非只留意歌手的音準及舞步是否正確，而是在乎整體感覺，克勤說：「做完騷佢問我做乜唔同佢出去食嘢，我話返房睇頭先做成點，佢話唔使啦，聽日又另一場。（你會聽佢講？）一半一半，可能第日晏晝先睇。」問到《左麟右李》可有機會再做？克勤坦言不知道：「順其自然，有緣份就一定會做，又或者喺各大生日會上面合唱。」

被指肥咗嬲爆！軒仔落不瘦降狙擊Fan屎

歌手張敬軒突然喺社交網站發文爆Seed，指有粉絲話佢肥咗，搞到佢嬲嬲豬，實時作出反擊，指粉絲冇資格咁話佢，依家軒仔一肚氣，仲會今晚開檀向粉絲落「不瘦降」，他在ig留言：「見到網上有班#臭#Fan屎話我肥咗#我想問#你哋有咩資格話我#唔好講咁多先#請移玉步去塊鏡前面照下先#專po啲低炒低清低美顔#仲要吼我唱緊歌嘅時候影我個樣#我運緊氣吖#塊面唔系唔漲下話#我依家仲肥吖#因為我谷緊氣#等我今晚開壇#落你班衰嘢一個二個#不瘦降」。

發文曝光，即有唔少粉絲力撐佢唔肥，仲話問佢今晚幾點開檀，亦有唔少網友搞笑咁話其實佢唔系肥咗，只系圓咗啫！

心口瘀曬！吳業坤呻麥明詩打佢拳拳有力

歌手吳業坤、許廷鏗等擔任青年音樂會的表演嘉賓，坤坤與「十優港姐」麥明詩昨日在社交網一起玩直播，問到是否想溝對方？他即否認說：「唔系，大家都冇溝對方，因為拍戲時落雨，唔知做乜，佢開咗直播，大家就撈埋一齊，我哋一齊嘅場口都唔過10場，唔算好了解，了解咗都唔會。」又抽麥明詩的緋聞男友林作水：「我啲頭髮唔夠亂嘛，同埋佢事業為重，我都系，大家都唔系愛情行先，但我哋合作得幾開心。」提到他在直播時請麥明詩食檸檬，指對方不是他的茶，他坦言當時是想澄清，以免對方又成為他的緋聞女友：「唔好搞人喇！」

而坤坤之前在社交網站上載了其心口有瘀傷的相片，原來「兇手」就是麥明詩，他笑說：「就系佢打我！」並即場解開恤衫的鈕扣及拉低恤衫，讓大家看看他心口的傷勢：「我第一次拍劇受傷，唔系咖哩雞，已經瘀咗成一個星期，個場戲講佢失戀，搵我發泄，又要拍幾個角度，佢就拳拳有力。（佢冇留力？）好事嚟，唔使NG，咁先演得真實，知我冇演技。」問到可有向麥明詩索償醫藥費？他就指沒有，叫大家幫他追討。

何弘軒自爆曾做第三者：拍咗拖成年先知

歌手何弘軒（Alan）擔任姚浩政的網台節目嘉賓，分享其愛情經歷。他透露在愛情路上受過不少傷，更自爆數年前曾在不知情下做過第三者：「拍咗拖成年先至知，知道之後但又散唔到，拉鋸咗好耐，所以嗰陣有好多靈感寫歌！」他指曾察覺對方有古惑，但是以為對方準備出軌，想不到自己才是第三者，又謂當時與對方已經互相見過家長。

問到最終如何結束這段戀情？他說：「我直情連電話都換埋，我消失，唔好畀佢搵到我，因為我話分手，佢又會搵番我，唔畀我走，咁會好痛苦，所以我就唔好喺佢個世界度出現。（有冇見過前度另一個男友？）我知系邊個，喺佢個facebook見過，但冇見過真人。（前度女友得一個facebook？）我知嘅應該系。」何弘軒又透露改電話後沒有再與前度聯絡，但對方最近有找他：「因為我哋都有好多共同朋友，我嘅電話號碼一定會流到出去，佢知我之前出新碟，就話恭喜我，但我完全冇應佢。（畀佢傷到好深？）系，所以完全當佢透明。」Alan謂這段戀情之後亦有拍過散拖，但未找到一個可以令他安定下來的人，而他現在是單身。問到他是否要做無腳的雀仔？他即說：「唔系，系對愛情唔再信任！（因為嗰段感情？）系。」