舊愛方力申身家過億鄧麗欣：我也有7千萬！翠如BB股被洗倉風暴波及　聯旺急插近9成

娛樂 06-30

今日快報

35歲牛一　陸永獲鄭裕玲送蛋糕慶祝

藝人鄭裕玲（DoDo）同農夫、黃翠如早前一齊拍嘅節目《Do姐去Shopping》非常受歡迎，個個都話呢個組合非常正，所以今次《Do姐再Shopping》當然就要再度集齊人一齊拍啦！

近日佢哋就已經出發去北海道拍攝，DoDo仲不時喺社交網同網友分享靚相，睇相都知道DoDo拍得好開心，而今日就適逢陸永嘅35歲生日，DoDo同一班台前幕後嘅工作人員為佢慶生，仲喺社交平台上載慶生派對嘅相，並留言表示：「#do姐再shopping #北海道 Happy Birthday @6wing_fama」相中就見到主角陸永手拎住兩個蛋糕，笑得好開心，咁又系嘅，咁難得有DoDo同佢慶祝喎，呢個機會真系唔系個個都有，網友都話不知幾羨慕陸永，仲話DoDo真系好錫陸永，好葡萄呀！

《李小龍傳》70年代武打影星江國強離世

70年代香港武打影星江國強（藝名：江正）上月離世，他活躍於70年代香港影壇，曾參演過多部武打片包括《十二潭腿》、《出籠馬騮》、《佛都有火》、《連城訣》及《巡城馬》等，入行初期他更在《黃飛鴻》片集中當過替身，93年他亦參演過荷里活片《李小龍傳》（Dragon: The Bruce Lee Story），在片中他飾演一名功夫廚師，而2011年的《赤色追擊》是其遺作。

在越南出世的江後來移居中國再偷渡來港。他是已故香港武打巨星袁小田（即袁和平父親）的弟子，江國強曾表示初時袁師父拒絕收他為徒，因為當時師父認為他不夠認真，後來經他鍥而不捨才令袁師父收他為徒。除了是演員之外，他亦是私人教練及運動治療師，曾與成龍、西脇美智子、楊麗菁及荷里活動作巨星尚格雲頓（Jean-Claude Van Damme）等合作過。其中他就協助成龍擔任電影《三十六迷形拳》武術指導，之後江師父亦在《醉拳》中擔任成龍的替身。

苟芸慧孖陸漢洋英國嘆自家制印度菜

身為「處女黨」最後一員嘅藝人苟芸慧（苟苟）同男友陸漢洋早前就高調認愛，雖然苟苟就正式封盤，令好多宅男心碎，不過大家都仍然好替佢哋開心，送上祝福。

近日苟苟仲同男友去咗英國，陸漢洋就喺社交網上載二人合照，仲話食咗一餐好好味兼自家制嘅印度菜，似乎陸漢洋都食得好滋味，難怪佢伸曬脷，網友都話陸漢洋孖住同苟苟一齊，一定食咩都咁開心，仲搞笑問佢哋系咪預支蜜月旅遊，真系sweet爆，而有網友則留意到苟苟系素顏上陣，都大讚佢一樣咁靚爆鏡呀！

翠如BB股被洗倉風暴波及　聯旺急插近9成

細價股遭洗倉，「翠如BB股」聯旺集團早段急跌3成後，午後跌幅進一步擴大，最低瀉86%至1.4港元，成交金額約3,700萬元。

聯旺集團昨公布，截至今年3月底止年度溢利約3,054.9萬元，較去年同期大增264.1%，每股基本及攤薄盈利約2.46仙，不派末期息。

其後，翠如接受訪問謝謝大家關心：「一直不了解股票，亦從來沒有買賣，所以依啲數字對我嚟講系冇意義，升高咗我都冇多到錢，數字跌底咗我都冇少到錢，屋企人都系一樣，用一向嘅方式生活同工作。」

舊愛方力申身家過億鄧麗欣：我也有7千萬！

鄧麗欣（Stephy）昨日到茶餐廳出席慈善活動，化身為侍應服務客人3個小時，有關收益撥捐慈善機構。Stephy受訪時她表示這是她首次做侍應，所以很緊張，來到才知道不可以穿短褲，笑言不知道是不是不可以太性感。

Stephy前男友方力申最近被方爸爸爆料說兒子很會投資，買的藝術品升值力強，現有過億港幣身家，Stephy直認小方也有教他買畫，但當時沒想過用來投資，由於自己喜歡，現在也不捨得賣。對於舊愛小方賺過億，Stephy笑言自己沒他那麼多，她沒統計過，但她應該也有7千萬港幣，賺過億也是她的目標。提到現在的感情狀況，Stephy表示沒談戀愛，既然小方那麼有錢，那麼會不會考慮與現在同樣單身的方力申複合？她說：「太難答了，祝福大家，現在努力賺錢。」