搭上中年富商？傳林峯狠飛吳千語3個月方力申關心鄧麗欣傷勢：保養嚇啦

娛樂 06-07

今日快報

搭上中年富商？傳林峯狠飛吳千語3個月

藝人林峯與吳千語拍拖五年來，一直好似糖黐豆咁，林峯曾經公開受訪時，高調連講七次「好愛」千語BB，近年不時傳出兩人結婚消息，但都是得個傳字。

以往有影皆雙的林峯、千語BB，因為呢幾個月林峯到內地拍戲，所以已甚少見到兩人合體，反而千語BB有幾次夜蒲被影到與其他男士一齊，仲被人目睹與俊男拖手仔。

最新傳言有指林峯與千語BB三個月前已秘密分手，因為盛傳千語BB自拍拖以來一直得不到林家上下歡心，而近日亦有傳千語BB搭上城中一位中年富商，林峯一怒下狠撇千語BB。

不過千語BB回覆時卻予以否認，她說：「報道是無中生有的，所有事都一切正常，不是事實的不回應了，謝謝大家關心。」而林峯亦為此回覆：「不是事實的，一概不需作回應。」

方力申關心鄧麗欣傷勢：保養嚇啦

藝人方力申（小方）出席為東非災民籌款的活動啟動禮，他現場體驗東非災民的青豆餐，又表示為了響應活動，稍後不會吃午餐：「我陣間唔食晏，去做Gym。」受訪時，提到小方頸後的刮沙印，他表示周不時會去刮沙做保養，又指因他經常打波、做Gym，所以膊頭及一些關節位亦有勞損。而剛好前度鄧麗欣近日亦頸脊及肩胛肌發炎，他說：「系喎，你講起我又有留意到喎。叫佢保養嚇啦，大家保養?啦。」

父親節將至，他表示會與父親食飯慶祝，又指與父親一起做了個訪問：「我爹哋都幾齣名，但佢想再出咗名，佢好關注啲朋友圈有幾多個人Like，出咗之後我會努力幫佢轉發嚇，當送份禮物畀佢，多啲Like佢就會好開心。」

小方笑言夏天一到大家都希望有人魚線、馬甲線，不能只靠做Sit Up，需配合節食：「要食得清淡啲，食白烚菜、土豆當正餐，咁就可以支持呢個活動，一舉兩得，我都會Tag啲鍾意大隻嘅朋友一齊參加，好似張繼聰。（何超蓮都貪靚？）個個都鍾意靚?啦！」

周柏豪鍾意同蔡卓妍親熱　貪夠陌生

藝人周柏豪與蔡卓妍（阿Sa）為無線娛樂台節目任嘉賓，大談首度合作電影感受，曾與圈中不同男藝人合作的阿Sa，直言首度與柏豪合作感覺很爽，大讚對方高大靚仔，有型又有才華，非常值錢。」

對於與阿Sa拍親熱戲，柏豪謂：「覺得拍親熱戲陌生啲較好，因為太熟冇咁好Feel！好似同好熟嘅連詩雅拍，我同佢合作過好多次，對觀眾都冇新鮮感啦！」

而片中二人不乏鬧交戲份，但卻同聲表示挑戰大，阿Sa謂：「我系一個隨遇而安嘅人，本身唔鍾意閙交，我同阿嬌（鍾欣潼）一齊咁耐都冇鬧過交。如果拍拖遇到問題，會用另一個方法或者轉個語氣去解決。」柏豪亦自言不喜歡嗌交，但遇上問題定必會處理好，他謂：「我系辯論王之王，亦可以做調解員，我試過夜晚喺電話度開個大Group，加曬所有牽涉嘅人，講清楚為止！」

至於在愛情路上經驗豐富的阿Sa，問到以往經歷會否令擇偶條件有所改變？她謂：「隨緣，有好多嘢好難避免，都愛咗，跳咗落去... 又點改。」柏豪卻笑謂：「跳咗落去火坑定深淵？」

即場隆胸！鄭嘉穎收千七萬扮新娘

不少香港藝人都喜歡接內地綜藝騷，因為酬金特別豐厚，而日前鄭嘉穎就接了內地真人騷《好運旅行團》，與田亮、溫兆倫以及孫越等一齊演出。

而早前於舞台劇扮步驚雲型到爆的他，今次在節目中竟然反串做「新娘」，穿上裙褂、紥髻裝胸，難得鄭嘉穎又好玩得，騷首弄姿仲玩埋托胸咁同田亮行禮，相當頂癮！據知，鄭嘉穎接騷收千五萬元人民幣（約1,700萬港元），重金厚幣，亦難怪如此全情投入！

衛蘭自爆有追求者：佢細我5歲

歌手衛蘭（Janice）出席電台訪問，為新歌《一格格》宣傳，她透露即將推出Ep碟，說到妹妹衛詩（Jill）早前爆她有男仔追求？Janice 想一想笑言：「佢（Jill）都有啦。（追你嘅男仔有冇睇啱？）OK嘅，我哋仲系慢慢認識當中，系觀察中。」Janice稱與對方認識半年，都有單獨約會，不過對方年紀小自己五歲。