未受離婚影響唐寧如常接仔仔放學得天獨厚！杏兒肥胎唔肥人

最新 06-09

今日快報

得天獨厚！杏兒肥胎唔肥人

懷孕五個月的胡杏兒穿著三吋高跟鞋出席品牌活動，見她身型未見有太大改變，她笑言自己肥胎唔肥身：「BB都好乖，我食嘢都去咗佢度，因為我胃口唔好，擔心佢健康唔好，但醫生話OK，似爹哋手長腳長。」問到是否知道胎兒是B仔或是B女時，杏兒說：「照嗰時佢一系遮住個樣，一系遮住重要部位。（自己想仔定女？）冇所謂，反正唔會凈系生一個。」她表示順便去驗血，看看會否有遺傳病。

講到她懷孕後上圍明顯升Cup，杏兒說：「我唔知喎！真的嗎？我諗都系正常發展，好開心可以仲著到啲衫同西裝，遲啲可能要著裙。」問到老公李乘德會否放心她獨自一人工作，她說：「佢都好放心。反而系工作人員成話要扶住我，但我覺得好穩陣，有時行快咗都唔覺。（幾時停工？）應付到嘅工作都做。適量地囉！」她透露經常在家中休息，希望可以郁動多些：「奶奶成日問我想食乜嘢，太嘆啦！想郁多啲，畀多啲貢獻屋企。」

問到想開刀還是順產生B，杏兒說：「希望順產，自己都驚，但都會試。」她又謂要開始上網搵定育嬰信息，有朋友送了一些書給她參考，亦有人畀意見，又可以上育嬰班，學習呼吸及如何抱BB。

粉絲曬愛的宣言吳雨霏感動到喊

歌手吳雨霏（Kary）的粉絲每年都會同偶像舉行生日派對，更預早在Kary生日（6月9日）前同Kary慶祝31歲生日。

昨日有半百粉絲一早到達場地布置，其中有歌迷花了十小時親手做了一個生日蛋糕送給Kary。而Kary在派對期間逐一與歌迷影相同傾計，還準備了印有自己名字的限量版衛衣作抽獎遊戲。

除此之外，最令Kary感動更留下眼淚的，就是粉絲們向Kary讀出「愛的宣言」，謂：「我請在場粉絲見證，我地Fans Club願意認你為我哋嘅唯一女神。從今以後，無論你日後點樣發展，無論你系29+1、39+1、定系99+1，小粉絲們表示會永遠愛護你！人生路上我哋會一直默默支持你，我哋永遠都系你嘅後盾，你嘅第三個家。如果有一日你累了，遇上唔如意嘅事，唔好忘記我哋一直都會喺你身邊陪伴你，同你度過每一個難關。你願唔願意日後一齊努力同我哋走過每一天？」

其後一位男粉絲更做代表送上「戒指」以表誠意，Kary感動地說：「我冇估到會被歌迷整喊，即使我這段時間少見大家，但佢哋都對我不離不棄！」另外，已有兩年沒有推出新歌的Kary，即將於6月尾推出全新廣東歌，更會在7月至12月在內地五個地方舉行巡迴演唱會，包括江門、佛山、東莞、深圳和廣州。

何猷啟分手唔刪合照「仲系朋友」

賭王三太兒子何猷啟近日出席慈善粵曲晚會，他表示代母親而來，因母親是這次活動的首席冠名贊助。問到母親贊助多少？他說：「呢個我唔Sure，但佢本身都好鍾意粵曲嘅。」又指母親因有少少感冒而缺席活動。

問到與以色列索模女友Angelika分手後的心情？猷啟說：「冇乜時間去諗，專註工作先。（手機遊戲？）系，同埋其他屋企嘢。（同前女友聯絡？）有，再見亦是朋友，冇特別傾?咩，但都系朋友。」提到分手原因是否聚少離多？他說：「都系嘅。」又指兩人之間沒有第三者。

問到他是否太傷心而在社交網站刪除兩人合照？他說：「唔開心一定有，冇刪相嘅。（會觸景傷情？）系。」至於母親與姐姐何超蓮可有安慰他？他謂：「有，叫我唔好咁唔好太難過。（同前女友都難過？）應該系。（複合？）冇諗呢啲。（媽咪想你專心工作？）系，專註工作，依家系拼搏時間。」

講到超蓮在網上曬出的性感泳衣照，猷啟指有從對方instagram及報道上看到。問到可覺對方好Hot？他笑說：「佢身材都幾好嘅。（平時都咁覺得？）佢系OK嘅。（佢好大膽？）唔會，OK呀。（阿媽冇話佢？）依家個個女仔都會著比堅尼，OK嘅，佢冇話。」

鄧紫棋自爆初戀男友教玩「金魚嘴」

歌手鄧紫棋嘟起「金魚嘴」已經成為她的招牌，她最近接受內地傳媒訪問自爆「金魚嘴」原來是初戀男友教她。鄧紫棋表示：「初戀男友系隔籬學校，第一次見佢，佢就嘟起金魚嘴問我，『你好，你識扮金魚？』」真系橋唔怕舊，最緊要受，估唔到唔簡單嘅一句開場白就可以溝掂鄧紫棋，佢仲話現在還與初約男朋友有聯絡，兩人還是朋友。

未受離婚影響唐寧如常接仔仔放學