同石恆聰閃婚？阿Sa：下一秒都唔知咩事未計劃同王敏奕結婚　曾國祥唔相信婚姻

娛樂 07-01

今日快報

重口味！王菀之靠扮阿伯冧掂老公

歌手王菀之（Ivana）日前與梁祖堯、湯駿業（Ah Dee）為7月再度公演的舞台劇第六季排練，Ivana上次與張敬軒開演唱會，被對方投訴經常要趕回家煮飯給老公蘇卓航（Eric So）吃，她笑言今次調轉，由老公為她煮飯：「今次呢啲系佢做。」祖堯提議幫手服侍她老公，她即表示贊成：「都好吖，或者叫佢嚟呢度開飯囉。（你老公望住你排戲都得？）我好想但佢唔會嚟，但佢好鍾意去睇。」

她大爆Eric So當年因此劇而對她加分，兩人繼而迅速拍拖：「佢嚟咗睇，嗰時識咗但未拍拖。佢見到我個角色王伯就話點解會咁嘅？佢系因為王伯而墮入情網。」Ah Dee即笑說Eric So重囗味：「佢唔只鍾意男人，佢鍾意一個女人扮嘅男人，仲系阿伯！」

未計劃同王敏奕結婚　曾國祥唔相信婚姻

藝人王敏奕（Venus）在觀塘出席電影《今晚打喪屍》群星首映禮，其男友曾國祥亦有到場支持。提到Venus在戲中以婚紗亮相，曾國祥即笑言終於睇到女友的婚紗Look，搞到女友立即質疑：「未見過咩？」之後曾國祥又謂：「一來嚟支持佢，二來自己同監製好老友，嚟緊都同監製開公司，而導演系同監製合作咗好耐嘅剪接，一路都好欣賞嘅後生仔，在公在私都要支持。」

問幾時真的令女友披嫁衣，曾國祥坦言：「未有計劃住。（爹哋媽咪冇催？）呢方面佢哋都幾由得我，知道我哋開心，佢哋就開心。阿媽一早喺呢方面放棄咗，我細個鍾意頂撞阿媽，成日話結婚做乜，系唔相信婚姻嘅人嚟，依家佢見到我咁Stable佢都好開心。」

楊愛瑾冇同Kary不和：佢系我好重要嘅人

藝人楊愛瑾（Miki）於紅磡出席活動，今次是她誕下囝囝Luken後首度出活動，見她亦已成功收身，Miki亦笑言太耐未出活動有點緊張：「都差唔多3個月，百日宴應該低調搞，留番一歲生日先再慶祝，百日宴嗰陣個小朋友都唔知做緊乜。（收曬身？）仲有空間去減，仲差10磅，之前真系太瘦，計劃再減5磅。（點減？）唔都唔可以節食，因為喂緊人奶，依家過緊嘅都算健康生活，主要系喂B同瞓，喂到佢瞓著我都跟住瞓。（老公有幫手？）佢負責換片，佢學識後已經交曬畀佢。」

早前Miki與前組合Cookies成員吳雨霏（Kary）被指姊妹決裂，有指Miki爆料Kary的小產經歷，Miki就否認不和：「睇到報道，我對朋友系用心嘅，大家識咗好多年，當時17歲、02年到依家，已經15年喇，我永遠都當佢系我嘅好朋友。（Kary生日飯你冇到？）咁啱啫，佢忙去旅行、我就忙湊B，大家有聯絡，只系冇見面。（話Kary取消關注你社交網？）據我所知佢不嬲都冇關注其他人，我都冇取消關注佢。

（系咪你爆料？）梗系唔會，識我嘅人都知我點對朋友，好多朋友都鍾意同我傾計講秘密，好多時聽完都唔記得，自己唔八卦、唔會主動問，因為唔想引起誤會。（區文詩同鄧麗欣暗示你哋已決裂？）系咩？我尋日先見到佢哋，好多嘢都系兩個人之間嘅事，唔想講咁多，我永遠都當佢系我一位好重要嘅人，Cookies系我第一份工，我會永遠珍惜呢班人。（有冇同Kary傾過？）有傾過，但唔想擺上枱去講，都已經過咗去。（約佢出嚟？）有機會都會，我當然希望啦。」

韓君婷搵黃金比例女仔代表香港

前藝人韓君婷以藥廠「整合溝通專員」身份，到九龍站出席其所屬公司活動，提到港姐面試，她說：「我都有睇到，我哋公司都搞緊『尋找黃金比例』嘅活動，希望搵到最能夠代表香港人嘅黃金比例五官，我哋唔計身材，只論五官。（勝出者有咩報酬？）會代表香港去泰國同其他亞洲地區嘅黃金比例五官比過高低。」

韓君婷曾透露多年前在新加坡意外滑倒，導致鼻骨變形，之後要接受整容手術，對於港姐面試出現間尺鼻、佛地魔，她說：「呢個都系個風氣、趨勢，亞洲人嘅鼻可能冇咁高挺，或者系受童年睇過好多漫畫影響，想追求自己有個高挺嘅鼻，其實就算整都要適可而止，同埋要搵有呢方面嘅權威幫手。」

同石恆聰閃婚？阿Sa：下一秒都唔知咩事

女星蔡卓妍（阿Sa）於紅磡出席活動，傳出新戀情的阿Sa心情靚，見好友鄭伊健即表現老友齊齊影相，伊健即搞笑說：「我怕人哋嬲喎！」被揶揄的阿Sa即作狀推開他。

阿Sa接受訪問時，記者恭喜她新戀情即甜笑講多謝，問到是否已拍拖兩個月？她表示：「總之依家就開心啦！（男友前度連詩雅都恭喜你哋！）多謝呀！（連詩雅想複合？）茶餘飯後嘅嘢唔講咁多啦，系大家寫嘅，唔系重點。（咁重點系？）重點系生活。（生活成日打麻雀？）唔講咁多，總之開心。（融入對方家中？）唔講咁多啦，畀啲空間，我都一把年紀。（趕住嫁？）一把年紀啫，唔等於趕住嫁，今日咁熱，你哋唔好咁對我啦！（甜蜜階段中？）依家系幾開心嘅，我尋日都講咗啦，多謝大家。」

講到有指已進駐男友豪宅，阿Sa她則說：「唔講啦！（閃婚？）下一秒我都唔知咩事，答唔到你，亦都冇諗。（怕唔怕再結婚？）冇諗咁多，最緊要活在當下，依家好開心。（欣賞男友咩嘢？）自己知就得啦，唔使同人講，唔關其他人事。（拍拖去開邊？）救命呀！唔講喇！我哋好短時間咋，唔好成日受?住我生活啦！?住我工作就好啦！」阿Sa出完活動後，乘七人車直返港島區寓所。