他是TVB出身的亞視視帝，如今第三次重返無線，演《踩過界》氣勢逼人

娛樂 07-16

最近TVB周末熱播的《踩過界》雖然因節目播放安排而令氣勢不及過往的無線劇集，但勝在演員及故事夠吸引，即使網上已經有齊第一季的 14 集，收視依然算是保得住。

今天要說說飾演資深大律師韋國涵的林韋辰，演繹這個角色皮笑肉不笑，深不可測，不失「亞視視帝」風範，簡直是氣勢逼人。

一講起林韋辰，大家第一印象可能就是二十幾年前電視劇《再見艷陽天》的師奶殺手方賀文。當時林韋辰風頭一時無兩，更加憑藉這部劇榮登亞視「視帝」寶座，所以好多人先入為主覺得佢係天生亞視人。

不過查翻資料先知，早在1985年，林韋辰就從TVB從藝訓班畢業，出道後就出演過《義不容情》、《他來自江湖》、《大時代》等無線劇集，後來因為發展有限先出走，終於可以在亞視大展拳腳。

起初加盟亞視的幾年，除咗令佢風光無限嘅《再見艷陽天》，另外《97變色龍》、《穆桂英大破天門陣》、《南海十三郎》等劇集入面同樣塑造咗唔少經典角色，其中《穆桂英大破天門陣》裡面飾演的耶律皓南令林韋辰嘅人氣有增無減。

事實上，電視台一直都係睇中邊個人氣旺、邊個夠忠誠就捧紅邊個，林韋辰當年嘅境況就有啲可惜了。千禧年林韋辰重返無線，拍咗《洛神》、《楚漢驕雄》等經典劇集，可惜一直都淪為配角。

四年後，林韋辰再次重返亞視，雖然拍劇、主持樣樣都有得做，但亦已經去唔翻當年風光嘅時候了。

上一年，包括林韋辰在內嘅多位前亞視人亮相無線，預示住佢哋重新加入無線的懷抱。

呢次已經係林韋辰第三次加盟無線，同眾多前亞視人一樣，佢有望係無線重獲新生，同一班無線小生一較高低！

問到曾在亞視做慣男一的林韋辰轉投無線後，可會覺得又要重頭來過，他說：不要這樣諗，不會諗住自己要做男一，不同年代就要做不同的工作，就算現在給我做男一，那份工作量我也未必承受到。我有戲演就開心，都有戲癮?，之前拍大陸劇多，很久沒返香港拍劇都要少少時間適應。我現在拍劇不會aim住要做男一，最緊要角色有得發揮，會好好享受演戲的過程，慢慢細味角色。

至於感情呢，林韋辰曾與圈外台灣人 Ivy Lin 於1989年結婚，並育有一女林詩茵（Peony），可婚姻只維持至2006年。08年，他和2004年亞洲小姐冠軍呂晶晶拍拖，惟四年後分手。2011年，他再跟前香港女子網球代表隊成員李思雅拍拖。