與父不和與弟爭產？大少薛世恆論盡前妻陳法拉

娛樂 07-21

關於薛世恆（Daniel），因家族做娛樂事業的Neway卡拉OK、與陳法拉的感情由相戀到分開，都是娛樂版的新聞的常客，問到當中真偽成份，他就笑言：「以前啲人問我，梗系全部都真，依家梗系…我唔可以講全部假，但系好多時睇到得啖笑。」

日前，《蘋果》採訪他，給他一個平台給他講出睇法/澄清。

【個樣同袁偉豪餅印？】

「佢靚仔啲，我型啲，我識阿Ben，點解會識佢，因為啲朋友攞張相畀我：『Daniel，呢張相系唔系你？我話系，但系我幾時影過呢張相？』我自己都認錯，咁呢個人我一定要識，11年喺王浩信結婚時識佢，之後我畀我阿媽睇，問佢似唔似，佢都話幾似，我問阿媽點解咁似嘅？佢冇答我。」

【同細佬薛嘉麟不和爭身家？】

「睇得電視劇多，實際上唔系呢啲嘢。我哋差兩年，冇代溝，佢有佢嘅家庭，我又我嘅世界，唔會好似細個咁一齊生活，一齊對住，成日家庭聚會，我哋一個屋企，系好close。兄弟不和梗系冇啦，老實講，冇乜機會爭同一樣嘢，各有各做。」

【與父工作有磨擦？】

「點都有啦，冇仇不成父子，少少都有，好多時喺同一公司做嘢，就大件事，就好多時我嘅觀察，槍口唔系對外，喺對內，大家喺度爭，呢個系最唔好，不過依家大家各自做自己生意，會見到嗰個世界其實好大，對比呢個世界系一粒沙，你睇嘅話一定向住嗰個世界去睇，唔系向住粒沙去睇，呢粒沙系講緊相對於成個世界，環顧身邊嘅嘢仲有好多好有價值。」

壓軸當然要講陳法拉…

究竟系離婚、前夫、前妻關係？

「我會覺得向前睇啦，我依家同佢都系好朋友。講我自己先，呢個系我生命入面一個重要部份，而呢樣嘢就喺過去，好似一本書，我寫完喇，呢本書擺喺書架到，我又唔會因為書架有本書唔開心，或開心咗，佢會喺度，有時會攞嚟睇，不過我人生會有其他部份，一個階段。至於人哋點睇，就冇得避免。我希望有一日會有自己家庭，我依家覺得工作畀我滿足感好大，唔系好急，希望有一日會有啦。」