【四女神齊集】「花仙子」朱千雪勁清純關楚耀裸跑減壓爽到爆胡諾言都會試

娛樂 07-26

今日快報

鄧兆尊細佬3.18億賣「楚留香」舊址

由已故粵劇名伶新馬師曾（鄧永祥）當年創立的「楚留香」酒家，當年洪金梅（祥嫂）跟祥哥子女曾就「楚留香」業權爆出爭產糾紛，有消息指鋪王鄧成波家族以超過3億元買入「楚留香」酒樓舊址，鄧成波兒子、Stan Group主席鄧耀升確認以約3.18億元購入筲箕灣中心部分地鋪連一樓全層鋪位，將用作出租用途。

據了解，上述鋪位為著名酒樓「楚留香酒樓」舊址，地下面積約2,000呎，一樓面積約22,638呎，現由酒樓以每月58.5萬元承租，租約期至明年3月。據土地及公司註冊處資料，上述鋪位原業主為ACEGROWTH DEVELOPMENT LIMITED，其公司董事包括祥哥的子女鄧翠玉及鄧兆榮。

而該鋪位於1987年由原業主以2,000萬元購入，若以最新成交價計算，30年間升值約14.9倍。不過，鄧兆榮卻在電話中否認：「冇咁嘅事，唔知點解有咁嘅傳言，唔好意思，唔該曬。」記者致電鄧兆尊問到此事，他說：「唔知，好似系傾緊。（價錢多少？）詳情問番兆榮，佢清楚啲。」祥嫂對於「楚留香」被賣則說：「冇聽過。（可唔可惜？）梗系。（有冇嬲？）咁又冇。（你仲有冇股分？）冇啦，喺曬佢哋度。」隨即匆匆收線。

此外，薛凱琪（Fiona）今年五月沽出居住多年的九龍塘帝景峰一個相連戶，持貨九年的Fiona，賬面獲利逾一千萬，當時Fiona坦言想轉換環境故決定賣樓，她承認賺了少少。來自地產界消息，Fiona近日以逾三千多萬買入何文田豪宅，據土地註冊處顯示，何文田天鑄第1期7座高層某單位以3,630萬元成交，買家為薛凱琪（SIT FIONA HOI KI），該單位實用面積約1,066方呎，實用呎價約3.4萬元。

Fiona在電話中承認：「系呀，我買嚟自住，唔系炒，開心買到喜歡嘅家，因為單位系全新、環境又靚，私人事唔講咁多喇，多謝大家戥我高興。」

而伍詠薇應朋友邀請出席一個物業項目活動，對樓巿高企，她戥市民追上樓似「追巴士」般辛苦，又坦言在海外持有物業，但拒透露位置。

big big channel派錢　吳業坤呻冇份

無線節目《群星拱照big big channel》播出其間大派現金獎予有份直播的藝員，但歌手吳

業坤完騷後卻在網上留言：「點解我訓（瞓）醒牙都未刷就做live 1000蚊都冇！」可能坤坤眼見其他藝人分到錢落袋，覺得「葡萄」啦，坤坤受訪時笑說：「唔知呀，可能我直播太無聊，因為我一起身就做直播，唔出聲冇同人講嚇早晨，我會再努力啲嘅。」

坤坤更自我安慰笑說：「唔緊要啦，尋晚有部新手機算系咁。」

關楚耀裸跑減壓爽到爆　胡諾言都會試

藝人關楚耀及胡諾言（胡仔）到鑽石山，拍攝無線新劇《特技人》，關楚耀以蝦肉色短褲上陣，拍攝裸跑戲，鏡頭前，關楚耀表現活躍，鏡頭後，他大叫：「爽呀！原來裸跑真系可以釋放一啲壓力，尋晚都有諗過呢場戲究竟要點拍，不過嚟到現場感覺好爽，胡仔過幾日都會試嚇，反正佢跑開步，話時話佢可以考慮代表香港出賽裸跑，選手號碼系169！（你打咗幾多層底？）冇喎，就咁著條蝦肉色褲咋喎，埋位前有喺架車嗰度做咗陣運動谷肌，導演話唔使太多，因為演學生系唔使有咁勁嘅腹肌。」

關楚耀又自爆讀書時期作反往事，他說：「我點解裸跑，系因為劇情講我累到胡仔記大過，所以要向佢道歉。我讀書時試過同同學帶成人書返去分享，點知真繫纍咗個同學被罰，咁我梗系要賠罪，於是送多本畀佢！」

胡仔則說：「我系跑開步，但唔系裸跑喎，不過我過幾日都要拍裸跑，到時系講我哋大個咗，輪到我激嬲佢，要向佢道歉。（劇集出街會同仔女一齊睇裸跑？）其實劇情系講友誼，正面嘅、正能量，都冇問題！而且啲小朋友都識得分析，所以睇嘅時候，我會同佢哋講解。」

【四女神齊集】「花仙子」朱千雪勁清純

四位人氣女神朱千雪、蘇麗珊、顏卓靈與「女飛魚」歐鎧淳齊齊合作拍廣告，眾女齊以「女神白」的背心及Tube Dress在帆船上與陽光玩遊戲，青春活力令人目不瑕給，四女都表示今次合作機會好難忘。

四人各有不同的造型，當中歐鎧淳以橙色開窿泳衣上陣在海灘挑戰滑浪，造型健康性感，身為運動員的她在日出下大曬健美身段，抱住七呎高滑浪板在沙灘奔跑，畫面相當豐富！

美貌與智慧並重的朱千雪則化身「花仙子」在花叢中起舞，在炎熱的天氣下拍攝，千雪噴上蚊怕水，展現演員的專業躺在草地上擺出多個甫士，感覺清純！她分享新女性愛情態度，呼籲女士要享受過程。

而顏卓靈雖然身為「舞林高手」，但她亦是首次上陣挑戰鋼管舞，穿上背心與短褲，鮮有地展示女人味。

蘇麗珊則繼續大曬青春活力，化身工作假期少女的她在古董車上大擺甫士，充滿文青女神味道。

陸漢洋賽車發生碰撞　苟芸慧旺男友奪標

藝人苟芸慧（苟苟）早前隨同賽車手男友陸漢洋出戰《亞洲勒芒衝刺杯》，於馬來西亞雪邦國際賽車場舉行的第二會合賽事，結果獲一冠一亞佳績，苟芸慧繼五月時陪男友首次出戰亞洲勒芒衝刺杯首站獲雙冠軍後，今次第二回合再次獲一冠一亞兼全場最快圈速，可謂認真旺男友。

身為車隊的形象大使兼培訓車手的苟苟，此行親自為車隊拍攝短片，為車隊留下每一個值得紀念的時刻。她說：「我好鍾意同車隊一齊做嘢，大家都好投入，我喺旁邊負責拍片，見到佢哋好專心，能夠加入系一件幸福嘅事。」今次趁著有空檔，苟苟亦有落場練車，成績比之前練習時進步了不少。苟苟謂一定會繼續努力，希望在不久將來可以代表車隊出賽。

另外，陸漢洋表示其中一場賽事過程十分驚險，比賽開始不久，賽車即與另一輛賽車發生碰撞，由本來的第二排位落後至最後位置，事後他說：「當時腦海一片空白，話畀自己聽唔緊要，雖然落後咗，但香港精神永不放棄，一定可以追到，呢個系每一個車手應有嘅心理質素，雖然嗰場最後未能奪冠，但大家都盡曬力，攞到全場最快圈速，絕對系一個鼓舞。今次攞到一冠一亞，已經交咗功課，希望最後一個回合再創佳績，向杯賽總冠軍目標進發！」

十幾年後再合作　陳煒袁文傑合照吸Like