有一塊「磚頭」，價高店遠，不過能屈能伸點壓都唔扁……

GIF/59K

「近朱者赤，近墨者黑」有時候有啲人會不知不覺影響到自己，而我就受ning的影響，慢慢愛上咗麵包，到依家瘋狂咁食麵包。

而麵包的種類其實都好多，可以根據麵包的質感分為四種

麵包種類

軟質麵包

白吐司、雞蛋吐司

松質麵包

丹麥麵包、可頌、起酥

硬質麵包

菲律賓麵包、羅宋麵包、俄羅斯麵包

脆質麵包

法國麵包、雜糧麵包

記得以前讀書嘅時候，就成日好羨慕大雄，有哆啦A夢，因為無論佢有咩困難都好，身邊總有哆啦A夢陪佢、幫助佢。

有一集講到哆啦A夢幫大雄作弊（唔好的行為，記得唔好學），只要將內容印係麵包上，再食落去，就可以記住內容。

當時就好羨慕有「記憶麵包」，動畫就只能存活於動畫，現實當中當然係冇，但係為咗搵依塊「記憶麵包」，我地搵到咗依間店。

真空方鑽手工吐司

正佳line friends的門口出去有一間分店，以為已經開咗，點知去到摸門釘（第一次），然後我同ning就打算去其他分店，當時已經係下午接近5點，據傳，應該差唔多賣曬，我地唔信邪，又去，點知...

得翻幾款，我地就決定預訂第二日一早摞！所以，強烈建議大家早去早訂，費事白行一趟。

第二日一早去到，但係竟然唔係我最早，有人比我早預訂，每次預訂佢地都會用便利貼貼係真空盒上面，而且每日都係限量供應，大概130-180條吐司，因為係手工製作，很費時。

真空盒

吐司一出爐就要放入真空盒裡面，係為咗確保可以食到最佳出爐的口感。

成面牆都係吐司，會覺得好壯觀，似係吐司小小博物館，多種多樣。

GIF/1.2M

真空方鑽手工吐司的的用料據說都係最上乘的，而且出品都係純手工、無添加劑、唔隔夜。

因為店鋪只有一張台一張凳，我地都冇久留，直接打包走人。

當然佢地都會好貼心切片，切完之後就會放入真空袋，保持吐司的口感。

GIF/1.3M

- 關於美食 -

店裡面的種類有10幾種，我地凈係揀咗其中兩種，因為實在太貴了，心痛啲money！

￥43

肉脯松吐司是店裡面唯一一種鹹味的吐司。

精選台灣的肉脯松，上等的黃油...而且係用蔥油烤，難怪食起身有一股蔥油味，一點都唔會覺得膩，肉鬆爆多但係唔油，咬落去特別有滿足感。

當然要注意嘅係頭尾兩塊，感覺比較干，而且記得接住，肉鬆比較容易散。

￥38

選用淡水麻糬，去淡水旅遊有間【金記】馳名在外，如果去台灣旅遊不妨試下。

紅豆麻糬味的睇起身比肉脯松味的更加方方正正，而且係吐司的最上層，撒有黑芝麻做裝飾點綴。

軟糯勁道融合埋紅豆，口感層次豐富，吐司質感軟韌有嚼頭。

網上的朋友都推薦用微波爐加熱再食，我地都試咗一下，吐司撕開會見到麻糬軟糯度更高，Q彈性唔錯。

除咗手工吐司之餘，都有好多其他手工食品，甜脆圈、杏仁瓦片、杏仁巧克力條、鳳梨酥、蛋黃酥...

（甜脆圈 ￥26）

（杏仁瓦片 ￥26）

- 關於評價 -

daisy 評分

方便指數：

好味指數：

抵食指數：

總的嚟講，我都係覺得價格偏高，一分錢一分貨，全手工製作的時間比較多，而且用料上乘，不過食一次荷包就痛一次，荷包富餘的朋友可以嘗試一下。個人比較推薦肉脯松味。

食到荷包赤赤痛的吐司

你地食過未？

*想獲取更多美食資訊請添加eatwhat001*

文案：daisy

圖片：daisy

GIF/27K

喜歡這篇文章嗎？立刻分享出去讓更多人知道吧！