陪完老婆產檢　樊少皇同佗B賈曉晨各自飛高Ling激贊阿佘喊戲有感染力

娛樂 07-28

今日快報

陪完老婆產檢　樊少皇同佗B賈曉晨各自飛

藝人賈曉晨（JJ）同老公樊少皇結婚之後，今年6月宣布懷孕，因為樊少皇要努力工作儲奶粉錢，依家養緊胎嘅JJ成日要同老公分隔兩地。樊少皇呢日喺社交網留言，感謝美國電影公司畀佢告假返香港陪老婆產檢，不過佢陪完老婆產檢之後，佢又要同老婆分開啦，佢上載咗佢同JJ各自搭飛機嘅相，留言話：「我們的登機口竟然是207跟208還是同時飛，[男孩兒]雖然你飛向北京，我飛向曼谷[女孩兒]，但也算是(愛)著你飛吧[心]請好好照顧好自己和小飯兜，我會每個鏡頭爭取Take one OK，早點回家[抱抱]@JJ賈曉晨」

而JJ就即刻Share老公個Post，好冤氣咁留言話：「分開的感覺超難受，反正就是眼淚鼻涕一起流的那種。。。加油！保重身體，拍打戲一定要注意安全！」

吻賀女兒惹風波　李國麟話系個女主動錫

綠葉演員李國麟日前同屋企人齊齊慶祝女兒15歲生日，因為一張父女錫錫合照，引來內地網民討論，有人力撐佢咁做冇問題，亦有人話佢個女已開始長大，唔應該咁做。

事後李國麟接受訪問，佢話張相系日前同個女、太太以及一班內地朋友慶祝時影嘅，而今日就去咗澳門慶祝。佢又話個女放埋暑假即將升上中四，仲話個女BB嘅時候，大家已經用呢種溝通方式，佢話：「當日同個女、佢嘅朋友仔、太太同埋我媽媽食飯慶祝，吹蠟燭嗰陣，個女主動話要錫錫，咁我可以點呀？之後朋友就舉機影相，但我冇諗過咁大迴響，新聞出咗之後，自己冇睇，都系朋友send畀我，其實我未睇新聞都知人哋點諗，世界上唔同嘅人有唔同嘅感受，但系唔會影響我哋父女之間嘅相處。」

李國麟又話其實佢同媽媽都系咁樣去相處，仲話：「有人問過我，我咪話媽咪系用嚟錫，唔通用嚟打咩？」問到個女有冇唔開心？佢話個女冇唔開心同尷尬，仲話個女有問佢咩事：「我趁機同佢上一課，每個人有唔同睇法，人哋要發放負能量都冇計，我哋要發放正能量，我知我哋點相處就得。」

此外，李國麟女兒亦有喺微博回應呢件事，佢話本來同大家分享件開心事，但冇諗過大家會咁諗：「很失望，真的很失望。本想與大家分享這美妙的一刻，只是純粹的與大家分享，沒有奢求過大家的祝福，但也沒想過會引來這麼多的唾罵。女兒親爸爸，一個傳達愛意的舉動，在我眼裡，我看見滿屏都是父愛，在你們眼裡卻想到亂倫。一個發自親情的吻卻被人們說得如此低俗，我真的感到很可笑。」

另外，李國麟透露姑姐不幸在廁所跣倒，送院後返魂以乏術，故李國麟現時有很多事情要處理，無暇顧及其他東西。

陳豪越洋送花　陳茵媺曬低胸自拍「回禮」

前港姐陳茵媺（Aimee）最近就帶咗小朋友返娘家多倫多，過咗一個開心嘅暑假。呢日Aimee喺社交網曬出一束靚靚鮮花，原來系老公陳豪送嘅，佢留言：「今天在多倫多收到皇上送嘅花！我諗佢好掛住我哋喇，I also miss my baby very much！放心 darling 雖然我們玩得好開心，但系我們會好快回香港?啦哈哈！Don"t worry baby， we will return to Hong Kong！（唔使擔心，我哋好快會返香港）」。

而Aimee仲有大曬自拍「回禮」，睇到著住低胸弔帶裝嘅Aimee大擺甫士自拍，相信一定系影畀老公睇嘅，等陳豪唔使咁掛住佢喇！

激罕！徐子珊小背心曬線做瑜伽

藝人徐子珊除咗識飲、識食、識嘆世界，仲好識為自己扮靚，扮靚唔系靠化妝，而系由內到外靚出嚟！要靚一定要做運動保血氣運行，面色好啲自然容光煥發啦！

原來子珊有做瑜伽嘅習慣，呢日佢喺Instagram上載咗多張瑜伽照，著住弔帶小背心嘅佢罕有地大曬事業線，仲大騷小蠻腰，今次肯定冇再PS失手，fit爆身材盡現！子珊仲擺出多個甫士展示柔軟度，見佢笑到見牙唔見眼，相信做瑜伽嘅過程一定非常開心！子珊仲話瑜伽系佢最愛嘅運動之一，除咗令佢認識多咗有關綠色生活，仲可以令思維清晰，非常健康。

觸動人心！高Ling激贊阿佘喊戲有感染力

無線劇集《賭城群英會》熱播當中，今集高海寧（高Ling）墮樓「身亡」，佘詩曼爆喊一幕，喊到人心都痛埋！

記者採訪搵嚟當事人高Ling，問佢拍呢場戲有咩感受？佢話：「好震撼呀！我睇住只公仔（指假人公仔）跌落去，跌落去好大聲，我都嚇親！同埋我好記得，阿佘嗰日好好戲，一秒入戲，話喊就喊，佢一take搞掂，佢喊得好有感染力。當日拍嘅時候有兩部機，有部機壞咗，阿佘要拍第二take，抹完眼淚就再拍過，但佢都拍得好完美。同埋我頭先喺電視睇，我一路睇一路望住阿佘喊，我都跟住一齊喊呀，覺得好慘！」最後，佢仲贊多阿佘三次好好戲！