蕭正楠黃翠如傳8月結婚！TVB假戲真做的情侶，你中意哪對？

黃翠如同蕭正楠自公開戀情後，不時分別在社交網站大放閃光彈，拍拖三年的翠如BB和蕭正楠近日更傳出婚訊，

二人會在8月結婚

，之後會仲環遊世界蜜月造人。

蕭正楠接受訪問時，更大讚女友系「一個不能錯失嘅老婆」，好多粉絲和圈中人都紛紛留言大讚Sweet爆，不少人「催婚」及送上祝福！

其實TVB 熒幕情侶又豈止翠蕭戀呢pair，過往經常有演員假戲真做，由鏡頭下戀到現實生活中，以下呢幾對 熒幕情侶 ，你哋又記唔記得？

黃翠如 蕭正楠 －《師奶MADAM》

黃翠如

同

蕭正楠

自2014年五月公開戀情後，至今已經拍拖三年！兩人戀情一直十分高調，有如糖痴豆，不論鏡頭前後都可現二人甜蜜蹤影！

其實佢哋嘅戀情萌芽於拍攝《師奶MADAM》之時！翠如喺「定情劇」中飾演由千金小姐變做屋邨師奶的女卧底，而蕭正楠就飾演翠如嘅兒時夢中情人，與翠如扮演夫妻，一同查案。劇中二人有情人終成眷屬，由假夫妻變成真夫妻，而喺現實生活中，Edwin都一樣系翠如BB嘅Mr. Right！個個都Like爆佢哋，二人仲多次一齊奪得 熒幕情侶 獎添！

當然唔少得佢哋喺《幕後玩家》入面嘅濕身出浴激嘴戲份！

胡杏兒 黃宗澤 － 《我的野蠻奶奶》

相信大家仲記得杏兒在拎視後的時候向Bosco講嘅愛的宣言，杏兒當時話：「我知道我好多缺點，我都好難頂，但你都好多缺點，你都好難頂，我希望……我哋一路頂住大家。」

其實佢哋喺2005年拍攝古裝劇《我的野蠻奶奶》時撻著，杏兒喺劇中同Bosco飾演夫妻，與野蠻奶奶汪明荃鬧出唔少婆媳糾紛嘅趣事。喺現實生活中，Bosco同杏兒呢對姐弟戀長達八年，喺圈中公認為金童玉女。

可惜，佢哋最終都冇繼續「頂住」，喺2012年以分手收場。

同Bosco分手三年之後，杏兒終於遇到佢嘅真愛。佢喺2015年正式宣布同金融才俊李乘德（Phil）拍拖，而Phil亦喺同年杏兒生日當日求婚成功。

鄭嘉穎 周麗淇 －《翡翠戀曲》

要數鄭嘉穎和周麗淇嘅經典作必定諗起《天幕下的戀人》，但其實佢地喺2004年《翡翠戀曲》一劇已經首度合作。其後先誕生《天幕下的戀人》同佢嘅姊妹作《最美麗的第七天》。

三套劇入面兩人都系飾演情侶，難怪佢哋拍出真愛！

雖然佢哋並冇公開戀情，直至分手後先正式承認五年地下情，但系二人戀情一直系公開嘅秘密。

而嘉穎同陳凱琳嘅「父女戀」同樣系萌芽於拍劇！二人於2015年拍攝劇集《殭》而認識，同年承認拍拖。

馬國明 胡定欣 －《舞動奇蹟》

馬國明好戲、靚仔之餘，幾乎零緋聞，確實系圈中既「筍盤」之一。原來多年前「筍盤」都曾經俾胡定欣「封盤」。事緣兩人喺2008年拍攝舞蹈真人Show《舞動奇蹟》中跳出真愛，可惜拍拖不足一年以分手收場。分手後，定欣指同馬明因為基礎唔穩定，而且太多顧忌而分手。

同定欣分手後，馬明一直未有著落，但早前馬明與黃心穎傳出緋聞，經常被影到撐枱腳同約睇戲，又不時情侶檔出席活動。近日馬明公開表示唔介意大家叫黃心穎系佢女朋友，明顯想公開戀情！

而定欣嘅感情路崎嶇，雖然之前同陳展鵬傳出緋聞，仲以情侶檔出騷，點知最後殺出個程咬金，展鵬暗撻港姐單文柔，而近日定欣被指秘戀新人施駿喆，但定欣否認並稱對方只系小粉絲。

 陳豪 陳茵媺－《心戰》

睇咗咁耐，好似每對TVB熒幕情侶都逃唔過分手收場??其實又唔系嘅！陳豪同陳茵媺喺2010年拍《心戰》一劇認識。

雖然佢地唔系飾演情侶而系兄妹，但都一樣可以擦出愛火花！

兩人喺2010年相戀，拍拖兩年多後在巴黎結婚，短短四年就頻頻「造人」，至今已經生左兩仔一女，簡直就系TVB嘅模範家庭！

?轉載授權微信：lama129

? 商務QQ：

443317765

?投稿郵箱：tghkchannel@163.com

喜歡這篇文章嗎？立刻分享出去讓更多人知道吧！

本站內容充實豐富，博大精深，小編精選每日熱門資訊，隨時更新，點擊「搶先收到最新資訊」瀏覽吧！

請您繼續閱讀更多來自 HKChannel 的精彩文章: