阿佘自揭對林峯用情最多爆討厭曾志偉！熊黛林否認暗諷城城奉子成婚

娛樂 07-08

今日快報

爆討厭曾志偉！阿佘自揭對林峯用情最多

被公認好戲嘅佘詩曼原來廚藝亦好了得，佢不時會在社交網站上分享自己的煮菜心得和上載影片，絕對系「入得廚房出得廳堂」。佢出席由人妻小S（徐熙娣）主理嘅大陸開飯節目《姐姐好餓第2季》，大顯身手。

問佘詩曼「最不喜歡的男藝人是誰？」她老實不客氣直指是「曾志偉！」談及好拍檔林峯，由於二人曾是熒幕Couple，阿佘坦言對他投入最多感情。

熊黛林唔想再同城城扯上關係

名模熊黛林出席活動，問到是否有喜事？她表示正努力中，不想計時間而令自己大壓力，順其自然，而且要經常到不同地方工作周圍飛。問到老公有冇叫唔好工作？她說：「佢鍾意我…做嘢個樣。（有冇詐型？）冇，拍拖佢都有飛去探我，一個月一、兩次。（做人妻又唔同？）佢都有探我，冇變，當拍拖。（想生仔而接少啲工作？）有工作都系福氣，系幸運，有人想都冇，要感恩知足，系你嘅始終都會嚟，唔強求。」

提到早前在內地節目上似是暗諷郭富城奉子成婚，問到是否知道對方已有bb？她說：「我點知人哋啲嘢，我自己點就點。（佢做爸爸？）唔知。（唔想同佢扯上關係？）唔系好想囉。（點解節目上會咁講？）我講自己，有計劃結婚，系事實。」

被問系咪處女　馮盈盈嗌尷尬：唔知點答

無線藝員馮盈盈在鑽石山出席「big big channel 後生仔 KOL 簽約儀式」暨「big big college 開學典禮」。馮盈盈在台上毫不客氣摸KOL林正峰的肌肉，連司儀也笑言提醒她還未卸任，盈盈受訪笑說：「佢系我大學師弟，我試嚇佢啲肌肉啫，證明佢做開GYM啫。」

馮盈盈在節目《#後生仔傾嚇偈》中取笑嘉賓是處男捱批，她說：「第一集佢哋有啲怕丑，我都系搞嚇氣氛，呢啲話題大學生O camp都會講，大家開開心心傾嚇偈啫。（有冇人問你系咪處女？）咁又冇。（問你點答？）唔知點答添，好尷尬呀，哈哈。（節目如果講到性話題會唔會答？）呢個題目冇乜好避忌，都系健康去討論。（放低港姐形象？）唔系，唔同場合做唔同嘅嘢。」

翁虹拍劇發生意外　腦震蕩兼左胯骨受挫

已經一段時間冇拍攝武俠劇嘅翁虹，剛剛就完成咗新劇《武當一劍》嘅拍攝工作，佢話今次套劇同當年無線劇《大唐雙龍傳》嘅角色有啲似曾相識嘅感覺，不過就覺得依家嘅演技成熟咗好多，所以拍攝時更得心應手，尤其拍攝動作場面時，感覺到身體軟柔度更勝從前。翁虹表示今次劇入面飾演「常五娘」一角，外表看似嫵媚動人，性格看似玩世不恭，心底里是會為愛燃燒自己和粉身碎骨的一個女俠。

不過，喺拍攝一場策騎戲份時不幸發生咗意外，好彩翁虹當時反應敏捷，只受到輕微腦震蕩同左胯骨受挫，可以話系不幸中之大幸。不過一向專業嘅翁虹，喺意外發生後不足幾分鐘，就堅持要立即埋位繼續完成戲份，令到現場嘅工作人員、演員同導演都畀佢嘅專業態度所感動，贏得全體工作人員嘅掌聲。

問到翁虹今次點解接拍呢部劇，佢話因為呢套劇系全部實景拍攝，去咗湖北嘅神農架野人林區同武當山，佢話：「如果唔系因為拍戲嘅關係，自己可能一世都冇機會去呢啲地方見識到。」問到在野人林區有否見到野人？翁虹就話：「好遺憾冇見到野人。」

愈大愈似媽咪　鍾嘉欣囡囡靚樣出曬嚟！

藝人鍾嘉欣（Linda）自從上年8月生咗囡囡Kelly後，長期留喺加拿大照顧囡囡，雖然時不時都會返香港同大家見面，不過愛女心切嘅Linda當然以女為重，成日喺社交網Update囡囡嘅新相。

今次Linda又再上載Kelly嘅靚相，Kelly紮起頭髮，著住花花裙，成個少女味已經出曬嚟，個樣仲愈大愈似媽咪，眼大大嘴細細，同之前嘅BB樣唔同曬，而Linda就打咗一大篇文，自爆Kelly已經重到抱佢時手又攰又痛，又會成日拉扯Linda啲頭髮，食飯食到周身都系等，不過最後Linda都系忍唔住指Kelly依然都系佢嘅一切：「Hi my sweetheart Kelly, even though my hands are getting so tired and sore from carrying you, even though you always yank my hair out, even though you make a mess when eating, even though mommy doesn"t get enough sleep... and you"re always under mischief...Mommy will always love you. lovelovelove -Kellymommy-」