演技未精緋聞纏身，捱負評日日喊！蔡思貝發誓要爭氣？

2013年勇奪港姐亞軍入行，蔡思貝（Sisley）出道日子不算長但屢次獲安排擔正劇集第一女主角，成為無線力捧的花旦之一，

備受注目的她不時被指演技未精，聲線吵耳，更一直緋聞纏身，被封為新一代「發電機」。

面對種種負評，Sisley直言最初匿埋屋企狂喊，覺得「天塌下來」：「剛入行時我覺得好似天塌落嚟：『哎呀！好辛苦，又話我呀？我又澄清唔到，又全部都系負面。』我當時成日喊，喺屋企以淚洗面。（家人擔心？）唔會畀佢哋睇到，會自己匿埋喊。」

痛定思痛過後，自幼是長跑好手的Sisley決定將事業比喻為一場長跑，渴望「爭番口氣」！她說：「細個長跑訓練影響我好多，長跑真系少啲堅持都唔得。（將工作比喻為長跑？）絕對系！事業唔系幾年就睇到結果嘅嘢，過程有上山落山，跑障礙賽會拗柴，我咪一路跑囉！我都畀人鬧咗咁耐，都要爭氣。」

Sisley自言對負評纏身亦有責任，日後會小心避忌：「依家慢慢地接受，又有前輩同朋友開解。同埋點解會引到咁多負面新聞，其實自己都有責任，就系冇避忌嘛！依家學識多啲。（多咗避忌？）絕對有，慢慢學習適應。（唔想再同工作拍檔傳緋聞？）我覺得傳一、兩次，證明大家有留意套劇，但如果寫到我好似搶人男友就好無奈。（點劃清界線？）惟有小心啲，工作環境就工作。（工作以外？）我依家好自閉，成日匿喺屋企。」

Sisley表示幸得一班閨蜜如張曦雯、賴慰玲、陳瀅及孫慧雪等對自己關懷備至，直言若失去朋友支持就會舉步維艱：「大家好似覺得我身邊凈系得男仔朋友！我同女仔都玩到好癲，好似張曦雯、賴慰玲、陳瀅同孫慧雪等等，我冇咗呢班朋友就好難行！」

她笑言平日相當依賴朋友，還逐一點評身邊閨蜜的不同「功能」：「我哋好似家人咁，例如張曦雯成日見我食無定時，會逼我食咗嘢先准去返工；我無啦啦同賴慰玲講身體邊度好痛，佢就會好緊張咁傳啲身體檢查網址畀我；阿雪就傻更更，我哋會互呻去分享，陳瀅就負責同我去玩！」

講到劇接劇機會不絕，Sisley透露於無線劇《踩過界》與王浩信有段轟烈戀情，自言現實中亦熱愛浪漫，更奉行不婚主義：「有一場講我同王浩信畀人活埋，佢哋真系挖咗個泥洞去攞啲泥嚟填我哋！咁轟烈嘅感情我覺得好正，可以同我鍾意嘅人被活埋好浪漫呀！（若有人好鋪張咁向你求婚，你會接受？）未必，我唔結婚都冇乜嘢。

（不婚主義？）我不嬲都系咁諗，覺得兩個人如果鍾意大家，結唔結婚都冇所謂。一紙婚書當然有意義，但唔系話要強求嘅嘢。反而小朋友我就好想要，因為我好鍾意動物同小朋友，好鍾意照顧佢哋，所以你問我結婚定揀小朋友，我會揀小朋友多過結婚。（做未婚媽媽？）冇諗呀，第日一系生BB或者領養。」

講到「萬年」緋聞男朋友麥秋成，Sisley堅稱與對方只是好友，但透露嚮往由朋友升華戀人的感情：「我同佢喺聖誕派對相識，於是跟佢學跳舞。（傳緋聞後仲敢跟佢學跳舞？）夠膽！佢咁大間學校都唔系得佢一個老師，跳舞系自我增值。

（點解一定去佢呢間？）有贊助囉！（成日傳你哋拍拖，到底有冇諗過發展？）我依家專心事業。（由朋友升華戀人？）絕對得，好朋友先可以做到戀人，如果戀人系好朋友會更加美麗，普通戀人凈系拍拖同食飯會好悶，但我可以同你無所不談，覺得呢件事系更加正嘅戀情。」

蔡思貝出道以來一直被指口直心快，得罪人亦不自知，惟今次採訪後發現她的確有所進步，說話更為謹慎及圓滑，想必是她一路在負評當中打滾而修成的正果！堅持自我是一件美事，但從批評聲音中學習及消化亦是必須的，祝福這位長跑好手在演藝路上不忘學習，且「跑」且珍惜！

?轉載授權微信：lama129

? 商務QQ：

443317765

?投稿郵箱：tghkchannel@163.com

喜歡這篇文章嗎？立刻分享出去讓更多人知道吧！