流行經典50年：李彩華《你唔愛我啦》變經典？回歸樂壇十月開騷

「是但啦　算數啦　實在夠啦~」一句歌詞，可說是李彩華除了小背心以外的另一個標誌。2002年推出這首《你唔愛我啦》時，已奠定此曲在廣東樂壇的地位，聽落無厘頭的作品，唔講你未必知其實是由當時兩位炙手可熱的音樂人黃偉文及伍樂城親手打造。在今晚TVB的金曲節目《流行經典50年》當中聽到李彩華再次演繹這首歌時，你第一個反應可能是「嚇？咁都算流行經典？」不過想深一層，《你唔愛我啦》亦的的確確是千禧年代唱到街知巷聞，問起8、90後，又有哪一位不曉得這首歌？又有哪一位女生在K房沒有唱過？

提起李彩華，似乎「小背心」和《你唔愛我啦》最能代表到她。 (網路圖片)

今次在《流行經典50年》李彩華的衣著則收斂得多，不過似乎真的稍現老態。

近日推出寫真集，似乎為了宣傳的關係，李彩華事隔多年終於再次在TVB節目中唱出《你唔愛我啦》，十五年前的歌，直到今日再唱，似乎李彩華仍能保持水準的穩定，唱功沒太大變化，不少網友也紛紛表示「回憶返曬嚟！」不過講起形象方面，李彩華實在認真百變。早前在書展以大媽造型亮相，令不少粉絲驚覺自己也真的老了，皆日的「李彩華小背心」似乎亦不復存在。不過今次亮相電視節目，可能受眾較多，揀衫自然穩陣得多，沒有再次出現「時裝車禍」的現場。提起她的寫真，絕對是非常抵買，皆因除了造型的不同，連外貌也似乎不停有變化，時而看似「長髮版吳亦凡」、時而看似「成熟版梁洛施」，實在充滿新鮮感。將於十月在麥花臣舉行演唱會的她，不知道屆時又會否在造型上再次帶驚喜給各位觀眾？不過講到尾，大家最期待，應該也是希望聽到她現場再唱《你唔愛我啦》。

呢張又似唔似係「成熟版梁洛施」？

寫真宣傳片當中，李彩華突然返老還童，合埋眼仲有兩分似「長髮版吳亦凡」。 (影片截圖)

早前現身書展，一身珠片低胸造型，簡直同「時裝車禍」鄧紫棋有得揮！

以前嘅李彩華真係好Pure好True！

電視劇《雲海玉弓緣》嘅造型最令人懷念！

《百分百感覺》呀！真係翻睇極都唔厭！

李彩華同方力申、陳曉東合唱嘅《兩男一女》當時去到K房一定會唱！

2000年出道的李彩華，正是出身於偶像派橫行的年代，曾推出多張專輯，並為不少電視劇演唱主題曲。當中最為經典的，莫過於電視劇版《百分百感覺》與方力申、陳曉東合唱的《兩男一女》。雖然在樂壇未有太大發揮，但李彩華在電視劇及電影亦相當有市場，2000年至2007年期間，平均每年也有一部電影上映，而電視劇方面更是香港內地市場通殺。可惜後來她跟公司老闆傳出不和，最後提前解約，北上專註電視劇工作。

喜歡這篇文章嗎？立刻分享出去讓更多人知道吧！