櫻花受讓咪走寶

紅鑽三線作戰遇惡主

日聯盃8強首回合重頭戲，大坂櫻花主場迎戰浦和紅鑽，上屆冠軍浦和紅鑽今季霸氣蕩然無存，往往遇強即屈。相反，大坂櫻花踢盃賽好醒神，今屆日聯盃主場更獲4連勝，兼不失球，表現攻守兼備，可望趁地利先下一城。更何況大坂櫻花受讓平半，必捧下盤。

（有線61及201台周三晚6時直播）

浦和紅鑽由新帥堀孝史接手後，頭4仗不敗，但對手只屬大宮松鼠、甲府風林、FC東京及查比高恩斯，上周中亞冠盃8強首回合作客斗川崎前鋒，即輸1比3。最慘系紅鑽將迎接魔鬼賽程，先系日聯盃兩回合斗大坂櫻花，之後聯賽面對硬淨嘅柏雷素爾，跟住系亞冠8強次回合返主場再斗川崎前鋒，連場惡戰，相信要作出取捨。

大坂櫻花只需應付國內賽事，有餘力踢好盃賽，今屆日聯盃主場4戰全勝，如果加埋日皇盃，更加系5戰全勝兼不失球。雖然今仗兩大主力山口螢同杉本健勇要踢「太公波」缺陣，但大坂櫻花憑近2次主場對浦和紅鑽都贏曬嘅「靚績」，受讓的確抵玩。

射手當弗 川崎搶Ｗ做「東」

另一場8強大戰，川崎前鋒主場迎戰FC東京。前鋒射手小林悠腳風奇順，近5仗入5球，遇上客場戰績不濟兼傷兵滿營的FC東京，可挾強勢佔先機，主Ｗ捧得過。

（有線64及203台周三晚6時直播）

喜歡這篇文章嗎？立刻分享出去讓更多人知道吧！