9歲譚芷昀《全美一叮》直送半決賽後悔同洪永城分手？唐詩詠：冇嘢回應

娛樂 08-03

今日快報

謝霆鋒王菲二人世界蜜游日本

天后王菲與謝霆鋒愈愛愈高調，近日又有新相流出！有網友發現，謝霆鋒與王菲一同現身日本機場，雖然日本正值盛夏，但兩人依然包到冚，並且戴上黑超，應該是不希望被其他人發現。相中未見其他人同行，今次應該二人世界蜜游日本！而謝霆鋒更非常可愛，在背包上掛上「鋒味」熊仔，相當搶焦！

張柏芝提早賀大仔生日　Lucas興奮收電腦

藝人張柏芝近日返咗香港之後，就愛上咗玩直播同上載片段到社交網，將自己每日嘅生活動向紀錄落嚟，無論出街SHOPPING、出海滑浪、煮飯同食飯都有拍片同大家分享。

昨日佢就上載咗一條勁有母愛嘅短片，因為佢個大仔謝振軒（Lucas）8月2日十歲生日，栢芝就買咗部手提電腦送畀佢做生日禮物，當Lucas知道有禮物收，開心到喺房入面張櫈跣咗落地，然後仲開心到喺地下不停「典」嚟「典」去，又喺張床度用枕頭遮住自己個樣，好開心咁話「i am happy」。

未幾，片段又見到Lucas間房入面搭咗個帳幕，Lucas仲話會喺入面瞓覺添，見到佢哋成家人相處得咁融洽，真系好開心呀。

變身古裝過程曝光！陳煒親力親為黐花鈿

無線電視劇《宮心計2深宮計》由開拍至今，反應一直都非常熱烈，故事劇本夠曬激烈之外，另一亮點當然系角色華麗嘅造型，由司膳、妃嬪到王后，所有女藝人嘅造型絕對唔會令觀眾失望。為咗打造精緻嘅古裝造型，背後需要花嘅時間同心機絕對唔少，昨日無線facebook專頁See See TVB率先披露由陳煒（煒哥）嘅「太平公主育成記」，畀大家睇嚇佢變身古裝造型嘅過程啦。

髮型系古裝嘅重頭戲，由戴頭套開始，工作人員細心整理髮線，呢個過程真系好考功夫！雖然煒哥已經有個底妝喺度，不過都唔好以為煒哥坐定定唔使做，為咗節省時間，煒哥親力親為幫自己補補妝，畫眼線、搽眼影、補胭脂等，就連黐花鈿都有幫手，絕對冇明星架子！正所謂一寸光陰一寸金，煒哥仲趁住髮型未set好嘅時候開餐醫肚，好好利用每分每秒。

雖然煒哥透露由化妝、set頭兼食埋lunch都只系用咗個半鍾，但系每次開戲前都要花咁耐時間，總數真系唔知需要幾多個「個半鍾」喇！唔好以為set完頭就唔使煩，原來連飲水、上車都好有困難，唔系托住個頭就系烏低身，煒哥都話佢個頭真系攰到爆！拍古裝劇對藝人真系一啲都唔簡單，佩服佩服！

後悔同洪永城分手？唐詩詠：冇嘢回應

藝人唐詩詠與前男友洪永城分手了一段時間，雖然之前二人於無線活動中碰頭，但二人表現尷尬，有報道指詩詠的緋聞男友盧啟邦已覓得新女友，故詩詠後悔跟洪永城分手，對此，詩詠接受訪問時謂：「啲新聞作到咁，我冇嘢回應喇！」

岑麗香拍咀戲要同老公交代

藝人岑麗香（香香）於將軍澳電視城出席新劇《果欄中的江湖大嫂》開鏡拜神，她透露於劇中與黃浩然飾演一對情侶，感覺新鮮：「之前拍《無雙譜》只有幾場戲，今次正式做拍檔，都好期待。（佢話同你有咀戲。）未知，有咩？我凈系知道有攬戲。」

已成為人妻的香香坦言拍咀戲不會感到尷尬：「之前都有，我覺得系工作，只系感情演出，唔系真，但點都要同老公交代嚇。（老公見到會呷醋？）咀戲得一場。我知邊一集，可能嗰晚約朋友出街食飯，唔睇電視，有音樂、有蠟蠋，要諗定方法。不過佢都明，我作為太太都會令佢舒服啲。」

至於會否夫妻檔合作，她謂應該不會：「我系藝人佢唔系。我好珍惜我返屋企有自己世界，咁樣健康啲！」

譚芷昀再戰《全美一叮》金掣直送半準決賽

9歲香港女童譚芷昀（Celine Tam）早前參加美國才藝比賽真人騷《全美一叮》（America"s Got Talent），憑翻唱加拿大天后莎蓮迪安（Celine Dion）名曲《My Heart Will Go On》晉級，Celine於第二輪賽事翻唱美國男歌手米高寶頓（Michael Bolton）名曲《How Am I Supposed to Live Without You》，更獲評判以「黃金按鈕」直送半準決賽！

Celine上台後，評判Heidi Klum表示：「我記得你叫Celine，而你嘅妹妹叫Dion！因為你哋對莎蓮迪安有『一啲啲』著迷。咁你今日會唱邊首莎蓮迪安嘅歌畀大家聽？」Celine笑住回答：「Well，今日我唔系唱莎蓮迪安嘅歌，我系唱《How Am I Supposed to Live Without You》。」Heidi祝她好運後，Celine說：「多謝。」