找古天樂做男友？宣萱落閘：做朋友幾好

藝人#宣萱#（Jessica）在將軍澳出席商場開幕。最近兩年自己接Job的她坦言自從#TVB#劇《不懂撒嬌的女人》播出後，工作長接長有，開始有點攰，所以下星期會與#古天樂#旗下經理人公司合作：「以Part-time形式幫我接Job，冇諗過同Ronnie（古天樂經理人）識咗十幾廿年後會再合作。試探嚇先，如果夾就繼續合作落去。（傾向會做咩？）始終都鍾意拍劇，主持方面就弱啲，如果系商演、廣告就舒服。」

問到會否有電影等大Project？她就指未透露得：「下個禮拜先正式合作，見步行步啦！（同古天樂有合作？）無線《最佳拍檔》會出我同佢個訪問先，其實呢十幾年嚟都同古天樂好少見。（會再開拍《尋秦記》？）問佢唔好問我。」又笑指若然開拍可滿足粉絲一直以來的幻想。問會否想幻想變成現實做真正一對？她即謂：「佢做朋友幾好！」

問現時有否追求者？她坦言身邊有人好夾，但撻唔著，又謂若然拍拖希望與男友相處似朋友：「我都算半個男人，依家同朋友傾偈發現做女人要畀人幫，因為男人鍾意照顧女人。」

喜歡這篇文章嗎？立刻分享出去讓更多人知道吧！