吳千語同林峯過夜好正常：冇咩未見過晨早放閃謙謙冧嗌楊怡做天使

娛樂 09-14

今日快報

吳千語同林峯過夜好正常：冇咩未見過

藝人吳千語出席皮具品牌活動，她透露10月頭會離開香港幾個月，到內地多個城市包括上海、杭州及福建拍攝電視劇。問會否珍惜與男友林峯的拍拖時間，千語說：「都唔系，大家都好忙，同埋要準備背稿，對我嘅普通話同中文閱讀能力都系好大挑戰，啲對白未試過咁長咁多。（男友普通話叻會跟佢學習？）我自己都OK，當然佢都好有經驗，但佢都好忙。」

千語透露10月生日、聖誕節、甚至新年都會在內地度過，問千語到時會否跟林峯慶祝節日，千語說：「冇所謂啦都系做嘢啫，都冇時間出去玩，又唔會逼自己太緊，拍完劇咪放幾日假自己或者同朋友去玩，都好難同佢就到時間，要兩個一齊就要推曬啲工作，冇乜可能。」

對於林峯表示為爭取時間見面會一齊過夜，千語認為是正常事，問到會否怕被看見素顏樣，她說：「都冇咩未見過，都一齊咗五年。（好似老夫老妻？）大時大節都冇咩感覺，以前都仲有，依家覺得唔使一齊過。人大咗覺得過唔過都系咁，有時工作度過咪補番食飯，都冇咩所謂。（感情點保鮮？）冇?啦！冇需要，我覺得最緊要各自有嘢忙，冇時間去諗就OK，互相支持就系最好嘅保鮮方法。（仲會唔會準備驚喜？）送嚇嘢都會，但唔會特登，見啱就買。」

老闆王祖藍撐睇好金剛有「錢」途

前無線藝人金剛接受專訪時自爆曾窮到燶，要問人借錢度日！又笑言現時最希望老闆王祖藍能送其寓所隔壁的豪宅給他「安居」。祖藍聞言笑說：「佢唔需要借錢喇，只會愈搵愈多，同埋唔好諗住我隔籬個單位先，專心幫我搵嚇錢，等我供嚇自己嗰間先啦！」

至於與金剛先後合作兩部電影的林子聰表示，不清楚對方曾遇經濟問題：不過佢有情有義又玩得，系個坦白、玩得嘅大男孩，嚟緊下個月又會再合作，希望可以畀多啲唔同角色佢玩嚇。

晨早放閃　謙謙冧嗌楊怡做天使

藝人羅仲謙（謙謙）同楊怡去年10月正式註冊結婚，雖然尚未造人成功，不過佢哋就成日

大曬恩愛，實行放閃冇極限。

今次佢哋又嚟喇，仲要晨早流流就發功，謙謙今朝九點幾就喺微博曬合照，仲留言：「當傻瓜遇上天使」一早就冧嗌老婆楊怡做天使，自己就自認做傻瓜，真系閃到呢～～楊怡都即刻回應佢話：「傻瓜請我吃飯吧，一早下凡未吃早餐」呢個早晨，大家記得戴好副太陽眼鏡喇！

連詩雅好忍得　硬食男友亂髮脾氣冇問題

歌手連詩雅（Shiga）接受電台訪問宣傳新歌《不甘示弱》，透露曾試過歌曲中講的經驗，拍拖時曾對男友盲目遷就，她謂：「呢段關係都維持咗幾年，佢講咩難聽說話我都會唔出聲。（會講咩說話？）例如會唔覺意對我冇禮貌，可能系佢唔耐煩就會急躁，大聲咗啲，我會唔出聲。有時佢會話『其實我哋咁樣都幾好呀』，但我心諗『梗系啦，因為我乜都就曬你咋嘛』。（你哋最後點解分開？）我哋系經歷波折先唔再一齊，我同佢講唔可以再一齊落去，加上當時我又想專註工作，將感情放低。」

另外，講到MV以話劇、默劇形式去表達，Shiga表示：「我唔叻凈系用肢體語言表達，但男主角系做開舞台劇，啲戲佢有份排，所以有教我點做。（想唔想試嚇做舞台劇？）我玩過一次，好好玩，做舞台劇前通常要上個workshop，覺得嗰啲workshop可以畀演員真正了解自己，幾有趣。」

再踏紅館開騷　周慧敏搵林海峰幫手影海報

周慧敏（Vivian）《一萬天荒愛未老演唱會》將於明年1月26及27日假紅館舉行，早前她為演唱會拍攝海報，海報請得林海峰（阿Jan）合作，她謂自己是一個萬事都希望準備十足的人，今次是十多年來唯一一次，去到現場都不知道自己要影甚麼，她說：「影之前乜都唔知。所以我唔知可以點好，惟有乜都準備嚇，帶咗十幾套衫，又帶咗十幾對鞋來。好彩都有一件有用啰，哈哈。如果系其他人，我會好擔心，因為我唔習慣冇準備下工作，不過因為系阿Jan啰，我同佢合作過，我都好熟佢啦，所以我信佢，最後原來佢整咗好靚嘅頭紗畀我啦，又用汽水個拉蓋整咗一隻扮戒指嘅戒指畀我，唔怪得佢影之前凈系叫我搞嚇只手，因為我從來都唔去修甲嘅，只系搽嚇cream保養，今次我都凈系塗咗指甲油就叫做好好搞過雙手啦。」

今次Vivian的演唱會名為《一萬天荒愛未老演唱會》，她話於一次飯局上，同朋友傾將開三十周年紀念騷，在尚未定到show名時，猜不到不用一道菜的時間，朋友已經想到「一萬天荒愛未老」這個名字，Vivian一聽到已很鍾意，她贊：「覺得好浪漫，好有意思，一萬日就是三十年，所以非常多謝朋友送咗個咁好的演唱會名畀我。」

繼2011的演唱會後，Vivian已經近六、七年沒有踏足紅館開個唱，所以今次一講開唱，歌迷已經緊張萬分，優先訂票據知一個早上已經幾近爆滿，不少撲不到首輪飛的歌迷已經急不及待詢問公開發售門票的時間。

陳淑芬與「哥」迷寶福山祭張國榮

昨日是「哥哥」張國榮的61歲誕辰，陳淑芬與兒子陳家豪聯同數百位來自香港、澳門、深圳、廣州、北京、上海、重慶、武漢、瀋陽、日本、韓國及新加坡等地的「哥」迷，帶備鮮花、水果、糕點、紙鶴、心意卡等前往寶福山，為「哥哥」送上祝福。除了日本「哥」迷的千羽鶴外，各地「哥」迷亦紛紛送上特別設計的花籃，寶福山上一片花海，盡顯「哥」迷對「哥哥」的心意！