喺香港做明星仲不如做老師！補習天王年薪最高竟達8500萬……
新媒體管家
唔知大家平時去香港
有無留意到
旺角一帶、樓面廣告、地鐵站、巴士站
鋪天蓋地
都係補習社、補習社、補習社
企喺旺角街頭，抬頭一望
物理王子、數學天王、英文教父
個個翹住只手望住你笑
有無諗翻起以前讀書嘅時候
個個周末畀阿爸阿媽逼去補習嘅噩夢呢
喺香港一直存在強烈嘅補習風氣
補習社，成為學生生活極其重要嘅部分
香港嘅大街小巷
貼滿曬各種補習班嘅宣傳海報
甚至好幾個補習社都係集團連鎖經營
仲有啲直接掛牌做埋上市公司~
將補習老師包裝到成個明星咁
咁樣成條街嘅廣告海報
唔知仲以為係TVB旗下藝人大合照
......
更誇張嘅係
仲有古裝版嘅補習宣傳照
講係TVB新劇相信都無人會懷疑
除咗有似足明星嘅宣傳海報
香港嘅補習老師身價甚至超過明星藝人！
喺兩年前香港就出咗條
天價挖角補習老師嘅大新聞！
香港著名補習機構現代教育
直接公開登報
以8500萬年薪邀請對手補習機構中文老師
林溢欣過檔
呢位林溢欣老師
畢業於香港中文大學中文系
中國語言及文學系哲學碩士
曾經喺香港會考取得三A成績
畢業之後開始教中國語文等科目
（唔洗數啦，係一千萬）
現代教育公開邀請林溢欣喺約滿後加盟
開出4大誘人條件：
包括四年合約、享最高分帳比率65%
每年100萬廣告及宣傳費資助
以及3000萬簽約誠意金
呢次挖角
開創咗香港甚至世界私立教育界嘅先河
知唔知8500萬年薪係咩概念？
係香港龍頭企業第一把交椅嘅年薪！
全香港得幾個人有！
一個TVB藝人要拍幾多套劇先可以賺到....
當時所有人都認為
林老師會被天價年薪吸引
點知佢竟然話要繼續留喺原來嘅補習機構
仲深夜發文表示：
「多五千萬、八千萬，對自己嚟講都無區別」
「我相信，我有能力養活我和我的家人」
婉拒天價挖角，留喺「娘家」
哇，老師咁型
更加吸引唔少學生過嚟上課啦！
學生仲自發為林老師建立國際後援會添！
林溢欣仲同香港樂隊Dear Jane合作
出咗段音樂短片
喺YouTube上嘅點擊率達幾十萬！
後來仲出埋文件袋等等周邊產品！
而今年4月
港姐冠軍麥明詩前男友林作
都放棄咗大律師身份轉投補習界
直言「自己等錢使」
但係唔好以為補習天王好易做啊
分分鐘難過做港姐冠軍
你睇呢兩位英文miss
端莊大方、高學歷
直接秒殺今屆香港小姐啦
要做天后，顏值唔夠點得啊！
仲有仲有
你睇呢位科幻片老師
係準備加入復仇者聯盟？
呢位Guy Sir
拍個海報仲以為係拍婚紗相~
驟眼一睇
以為係今年香港先生嘅宣傳
原來係物理老師...
oh my god
this is 日本新上映嘅電影海報？
呢位置數理補習天王
仲要扮埋超人拍宣傳片
做個補習老師，真係唔容易啊...
香港瘋狂嘅補習文化
甚至畀TVB摞嚟做題材
08年由歐陽震華同鄧萃雯主演嘅《尖子攻略》
就係講述補習老師同學生之間嘅故事
以上種種
都反應出香港家長對仔女分數極其看重
甚至通宵排長隊幫仔女報名人氣老師
每日放學、每個周末畀補習班塞滿
唔好凈係話香港啊
其實補習文化都逐漸延伸到廣州
喺小編讀中學嘅時候
身邊已經有好多同學去補習
嗰時，廣州嘅補習機構已經會搞埋晚會
邀請D香港人氣明星嚟參加
吸引學生報讀課程
雖然高中畢業之後就無再了解補習機構嘅情況
但係相信呢股補習風氣只會有增無減
老土啲講句：
求學不是求分數
哎，唔講啦小編決定重拾課本
考翻個教師證，走上發家致富嘅道路~
點擊展開全文
TAG:廣州正嘢 |