廿四孝男友！林峯漏夜載千語BB睇醫生 秘撻有米新歡！劉佩玥進駐二千萬豪宅

今日快報

心急嫁恨男友求婚？G.E.M.：佢做咗至算

歌手G.E.M.（鄧紫棋）一連三場紅館騷圓滿結束，騷後受訪時，她笑言不認識求婚的歌迷，因此沒有應承。問到男友Mark有何反應？她就表示不知道：「我好錯愕。前兩晚喺Group Chat啲朋友已經話凈系得扎花，應該有埋戒指，點知今日真系有。（佢戴住工作人員牌？）系1,980（港元）嘅VIP飛。（你事先唔知？）唔知。（Mark喺Group Chat？）佢冇出聲。

至於男友可有嬲被人爬頭求婚？G.E.M.笑說：要問番佢，佢應該諗我唔會應承。（男友求婚會應承嗎？）佢咁做至算。

G.E.M.自言由細到大都恨嫁，曾經天真地以為22歲會結婚：「到22歲又以為25歲會結，到依家都26歲，唔諗啦，都唔靈。（想快啲？）我嘅另一半要同我同一個信仰同價值觀，互相了解，呢個系好慎重嘅決定，話心急只系講笑，一定要認真考慮。」

問到Mark是否信教？G.E.M.坦言：「如果拍拖之前唔信，都唔會開始。（即系點？）哈哈，唔好講啦。」提到這晚非常感觸，她說：「唔知搞咩，前兩晚得少少眼淚，今晚唔知喊咗幾多次。（有冇數自己講咗幾多次Hong Kong？）冇，我上到台就唔諗，咁講好有用，可以令歌迷好大反應。」

王祖藍敷Mask開車　網民：會犯法嗎？

藝人王祖藍近日在社交網站上載多張敷住黑色Mask相後，留言笑指自己系「黑面神」，他寫道：「我助手猛話我咁樣會嚇親人，會咩？#黑面神 #自黑 #老表宣傳 #老表畢業喇」

好多網民見到即刻派Like，同時更滿頭問號，反問祖藍咁樣敷住黑面神Mask揸車咁嚇人會唔會犯法，可能會影響道路安全咁話！網民留言：「這樣開車會犯法嗎？停下車在一旁便沒所謂。」、「交通警一定上前要同（你）交流一下！」、「這樣駕車會嚇到人。」

更有網民話：現在還在農曆七月，這樣不好吧！同時有網民將焦點移去祖藍個肚腩，話有圖有真相，祖藍個肚腩大到可以用「腹大便便」嚟形容，所以有網民講笑話：個面唔會嚇親人，但個肚腩會！

蔡少芬44歲生日　囡囡老友圍實慶祝

藝人蔡少芬（Ada）昨日44歲生日，之前為咗照顧病咗嘅大女張楚兒（湯圓），搞到Ada自己斬身心疲累，不過似乎湯圓已經好番曬，仲精靈十足同媽咪慶祝生日添！

昨日Ada就上載咗多張合照，見怇今次生日至少走咗兩場，當中當然同老公張晉同埋兩個女溫馨賀生日，佢哋三個齊齊圍住錫錫Ada，又送曬花同蛋糕，真系Sweet到爆！

Ada又上載同好友慶生嘅相，星級老友包括朱茵、洪欣夫婦、陳法蓉等，見到佢哋面上嘅笑容就知個生日飯局有幾開心啦！Ada留言：蔡少芬，我祝福你，又大一歲，感恩有家人愛，朋友愛，粉絲愛！美麗。內心外表！良善。行為！能榮神益人！??ps：愛你們呀！

秘撻有米新歡！劉佩玥進駐二千萬豪宅

28歲的無線小花劉佩玥（Moon）緋聞多多，港姐出身的她入行以來「收兵」無數，緋聞男友如伍允龍、周志文及翟威廉等一大籮，不過通通都是冇米粥。

據悉，最近Moon終於封盤，撻著一名富貴的圈中人，兩人早前於友人的聚會中認識，相戀短短數月即打得火熱，有愛情滋潤的Moon近月明顯心花怒放，曾向友人爆響口承認自己與一名圈中人蜜運中，為保愛苗的她更表示要等待感情穩定才公開戀情，難怪Moon早前爆出於翟威廉工作室過夜一事時，為免男友呷醋她斬釘截鐵否認事件，澄清二人關係只如兄妹。

Moon與富貴男友更是愛得痴纏，為了與男方爭取時間密會，一直與情如姊妹的陳瀅及何雁詩齊齊同住的她，最近亦突然富貴，飛甩了兩位好姊妹秘密遷入了位於北角半山，價值約二千萬港元的半山海景台，為免寓所曝光，Moon每逢出入新居亦極為警醒。

早前她工作後即找來「阿哥」翟威廉等人掩護，先返回男方位於旺角的工作室，逗留約一小時才見她由翟威廉護送往取車，Moon及後驅車過海直駛北角，但期間不時四處兜圈，確保沒有被跟蹤才返回半山豪宅，見她伸手出車窗向管理員示意後，屋苑大閘隨即打開讓她駛入。相隔數天Moon工作後更乘租車離開，相約兩名女友人往醫肚，沐浴愛河的她心情特別靚，不時與友傾到笑笑口。

而日前Moon難得不用開工，佳人有約的她還特地往整頭扮靚，當日下午二時許，她驅車離開豪宅直往九龍塘一商場，Moon為自己扮靚之餘，亦為愛車扮靚，見她把座駕交予該處的汽車美容服務員後，便步往商場的髮型屋整頭，逗留個多小時後才見她箭步往取回座駕，急趕往會男友。

音樂會檢毒：何雁詩目擊有人被抬走嗌驚

西九文化區昨舉辦Road to Ultra香港音樂節2017期間，先後有4人暈倒，其中1名27歲男子送院搶救後不治，另外2男1女留醫深切治療部病房，警方在場調查檢獲毒品，不排除有人在場地內吸毒，正展開調查。

何雁詩昨晚亦有去睇騷，對事件何雁詩接受東網訪問時，回應指：我好遲先去，我去到時大家啲情緒已經好高漲，我凈系覺得有啲焗同好熱，因為好多人。記得我行入去嗰陣時，見到有個人瞓喺床度推出嚟，都幾驚，會小心啲。我都好少去呢啲咁多人嘅地方，所以估唔到有啲咁嘅嘢發生，我唔知關唔關毒品事。

廿四孝男友！林峯漏夜載千語BB睇醫生

向來對女友錫到燶的林峯，日前他漏夜載女友前往跑馬地養和醫院睇夜診。出名廿四孝男友的林峯，送完女友到醫院睇醫生後，獨自駕車在附近街頭等候，見他將座駕停泊在路邊，不時低頭撳電話打發時間。

等了約一小時，直至收到女友來電，隨傳隨到的林峯即驅車去醫院接女友，未幾已見戴住口罩、雙目無神的千語，拎住電話、銀包及一大袋葯步出，然後施施然登上男友的座駕。

其後記者上前拍照，未知林峯是否要為今個月尾在廣州舉行的演唱會開始養聲，他向住鏡頭把兩隻手指貼在嘴唇上，似是不想說話。當問到千語病況時，有沒有大礙？林峯即搖頭表示冇事，並向記者做口形說：「有心。」而抱病的吳千語全程在旁默不作聲，之後林峯載住女友雙雙返回男方位於薄扶林的愛巢。

張寶兒攬咀周柏豪　網民戥袁偉豪眼火爆

無線劇《使徒行者2》就嚟播出，唔少觀眾大呼期待，雖然今次就冇咗畲詩曼、林峯做男女主角，換咗新嘅班底陳豪、宣萱、袁偉豪、周柏豪同黃翠如，但吸引力依然咁高呀！

今次男神周柏豪除咗參與演出外，亦為劇集唱主題曲，仲拍埋條音樂微電影添！無線See See TVB官方facebook專頁就上載咗呢條片，而片中女主角竟然系柏豪好兄弟嘅女友張寶兒，兩人仲有唔少甜蜜片段，又攬又錫，嘩！難怪網民都擔心袁偉豪呷醋，會睇到眼火爆呀！

大家冷靜啲，都系劇情需要，唔好喊得咁勁先，唔知袁偉豪又有咩評價呢？

?轉載授權微信：lama129

? 商務QQ：

443317765

喜歡這篇文章嗎？立刻分享出去讓更多人知道吧！