鄒兆龍首發文 以雞屎比喻「出軌」事件 容祖兒孖阿Sa游杜拜放笑彈

今日快報

鄒兆龍首發文　以雞屎比喻「出軌」事件

武打演員鄒兆龍早前被一名女子在網上開設名為「鄒兆龍出軌記錄」的微博賬戶，透過呢個賬戶上載摸腳底相同露骨語音對話，仲話自己發微博原因系鄒兆龍「攤牌」後唔認人，所以要公開對方真面目。

不過事件擾攘咗幾日，個微博賬戶啲內容同圖片全部被刪除，只剩一段寫住：「沒有任何協商，得饒人處且饒人！」嘅留言，令網民猜測女方系咪已經接受有人道歉。

當事人鄒兆龍一直未有為事件解畫同發聲。不過，鄒兆龍昨日微博就有新留言，亦系事件後首度發文，佢仲用咗雞同屎作比喻，佢話：「曾經發過的一段文...現在這段文最能體現我現屆（階）段的心情！雞生蛋，雞也拉屎，但你肯定只吃蛋，不吃屎的，對雞如此，對人亦然。每個出色的人，都會生蛋，也會拉屎，例如他很會開公司，那你就買他家股票來賺錢，至於他亂說話，你就不用學。你最要緊是多吃雞蛋，少理雞屎，吸取營養，壯大自己。很多人放著蛋不吃，整天追究屎，難道你靠吃屎能變壯大？」

之後，鄒兆龍再次喺微博留言：「懂我的人無需解釋，不懂我的人更沒必要解釋。」

閨密之旅　容祖兒孖阿Sa游杜拜放笑彈

天后容祖兒同蔡卓妍（阿Sa）向來都系圈中出曬名嘅好姊妹，一有空就相約見面，總之就感情要好呀！

近日佢哋仲相約去杜拜旅行，尋日佢哋已經出發，仲喺網上同網友分享佢哋出發嘅相，認真開心！而話咁快佢哋就到步喇，阿Sa仲喺社交網上載二人整奶昔嘅片，片中祖兒仲好搞笑話hello！我們喺不丹啊！

之後阿Sa就糾正祖兒話系迪拜（杜拜）啊，之後佢哋就話要整milkshake，阿Sa再問祖兒即系點？祖兒就話要斗高同斗好味，場面搞笑，最後佢哋仲一邊搖擺身體兼大呼：「Milk shake 」簡直興奮到爆，網友都叫佢哋玩得好開心啲，叉足電返嚟呀！

定欣孭姚子羚行石春路冇難度：啞鈴咁啫

無線藝員胡定欣、陳展鵬、陳山聰、姚子羚、林子善、敖嘉年等在紅磡為劇集《同盟》宣傳。胡定欣應現場粉絲要求變身「女漢子」孭起姚子羚走石春路。

胡定欣受訪笑謂姚子羚很輕，一百磅也不夠，所以很有信心孭起她，胡定欣笑說：「佢好似一個啞鈴咁啫，所以抱得美人歸好簡單，哈哈。依家會同子羚一齊去做運動，希望可以應付啲對打戲，又可以順便操弗。」定欣更指拍完《同盟》後發覺愛上打戲，希望可以向打女方面發展。問到可擔心嚇走追求者？胡定欣笑說：「角色嚟啫，其實我都有少女一面，需要人保護。」

劇集上星期三錄得31.4點收視，有超過204萬觀眾棒場。胡定欣對於劇集收視好感到開心，覺得是累積了很多觀眾給予信心和支持，希望收視可愈來愈好。

離婚冇第三者！陳貝兒數度落淚：向前看

藝人陳貝兒（Janis）在將軍澳出席無線節目記者會。她在台上笑指自己拍攝節目時的確有點激動，但指編導岑應比她喊得仲勁，而當麥雅緻等嘉賓上台分享婚姻時，陳貝兒更一時感觸，要走到場地後方拭淚，之後強忍淚水繼續完成活動。

之後，她用十分鐘補妝才接受訪問，更謂：「好多謝大家關心！」又指決定離婚是去年的事，心情復原得七七八八，但睇預告片時勾起部分回憶，所以情緒激動少少：「離婚個程序仲進行緊，依家系分居階段。（牽涉第三者？）冇第三者，系喺和平氣氛下有呢個共識。（唔捨得？）始終六年關係，冇人結婚系想離婚。」

問到何人提出時，她即開始眼濕濕：「邊個提出都唔緊要，件事好和平，大家都做得番朋友。（冇彎轉？）會向前看、接受，大家都傾過，面對、放下然後向前出發。（有聯絡？）有聯絡，大家都做到朋友。」問會否介意被爆離婚，她坦言身邊朋友都知，只是沒有特別公開講：「系拍攝時有少少激動所以有人問起，我又冇諗住隱瞞、講大話，同埋大家都決定咗。公司都唔知道我Status，都要講番聲唔好意思，其實個節目好Positive，只系我觸景傷情。」

問會否覺得被公司擺上枱宣傳，她即指事件只是時間上的巧合：「始終件事已經決定咗，有人問到我都好難隱瞞，冇人結婚系想離婚，都冇人想將呢件事大聲講。」問會否找出爆料者，她即謂：「其實我都冇刻意隱瞞。（講咗出嚟舒服啲定壓力大咗？）咁都系要面對嘅。」

問家人對其離婚的反應，當記者指當年是由奶奶撮合結婚時，她即忍不住爆喊，要轉身拭淚，待一會心情稍為緩和時才答謂：「覺得自己好對唔住爹哋媽咪同佢爹哋媽咪，但我同佢都有努力過，唔好意思，令老人家擔心、傷心。」

新一代港姐殺手？余德丞傳力追劉穎鏇

前香港游泳代表隊成員余德丞（Dickson）擁有40吋強勁胸肌，加上外形討好又系運動健將，甚得女士們歡心。早前，佢因拍攝無線劇《誇世代》而與同劇演員港姐麥明詩朝夕相對，而傳出緋聞。

不過，余德丞近日就同咗2016年香港小姐亞軍劉穎鏇，去咗台灣主持「世界大學生運動會」，佢哋分別喺自己嘅社交網都有上載喺當地嘅相片，喺同一間食店門前影相，齊齊喺台北四圍去玩，余德丞仲充當攝影師為踏緊單車嘅劉穎鏇拍片，結果就有消息指余德丞力追劉穎鏇，又話兩個人都鍾意運動有共同話題，二人因為咁而傳出緋聞，余德丞即刻變咗港姐殺手。

張頴康陪產　麥雅緻開P宣布BB性別

藝人麥雅緻、朱凱婷和張美妮在將軍澳出席無線節目《嫁到這世界邊端》記者會。麥雅緻挺著七個月巨肚到場，非常搶眼！為了貪靚，她仍穿著高跟鞋赴會，並笑謂：「我嚟到先換！」問腹中胎兒性別？她大賣關子，指自己會效法楊洛婷：「諗住開個Party先宣布。」

預產期在十月底的她打算剖腹生產。問老公張頴康會否陪足全程？她表示就算老公要拍劇都會抽時間到醫院陪產：「想加床陪足我咁多日。（陪入埋產房？）佢會入去剪臍帶，但我哋唔會做Live！」更爆老公怕血，當年為大女剪臍帶就象徵性剪一下便將個波交畀醫生。她又笑指囡囡知道有弟妹時有少許呷醋，但現在已經接受：「出街啲人叫佢妹妹，佢會話佢唔系，佢系姐姐。」

祝福祝福！

?轉載授權微信：lama129

? 商務QQ：

443317765

喜歡這篇文章嗎？立刻分享出去讓更多人知道吧！