大肚熊黛林谷E奶嘆燒肉，佗B六個月老公貼身護航！

大眼高模熊黛林（Lynn），去年跟家族坐擁百億資產嘅郭可盈細佬郭可頌結婚，兩人表明恨生B。今年11月初，Lynn喺網誌上載多幅「見肚look」工作照，留言：「和寶寶開工好奇妙」，正式宣佈佗B。日前晚上，本報喺中環發現大肚Lynn和老公「一家三口」歎日式燒肉。人妻胃口大開，傳佗慈菇椗嘅郭太出入如廁都有丈夫緊張拖扶，貼身服侍。離開時，兩夫婦口密唔肯透露預產期及baby性別，目測谷E奶嘅阿Lynn現佗B逾6個月，預計下年3、4月就做「熊媽媽」啦！恭喜曬！

現年37歲嘅熊黛林，有指佢求子心切，兩夫妻除到出名求子靈驗嘅龍母廟求神，摸龍牀外，還被發現求診於有「婦科聖手」之稱嘅隱世名醫劉逢吉（吉叔），獲其指教調理身體，兼飲用生仔補藥。最終，「踩行油」求孕大半年後如願以償，3個月後將誕「狗BB」。

老公守廁所

減產養胎嘅Lynn，日前趁假期就約埋親友外出食燒肉過節。當晚7時許，Lynn和老公及親友一行十人拉隊去中環九如坊YakiniKuu日式燒肉店happy gathering。見郭可頌好細心照顧大肚妻，叫了暖水畀太太，又不停燒肉畀老婆食。阿Lynn束起頭髮，密密食大快朵頤，幫腹中塊肉食埋一份。歎足近兩小時，大肚婆要如廁，郭可頌即起身扶起老婆，拖實大肚妻去洗手間，仲企正廁所門口守候，細心之餘似乎有啲緊張蘿。最後一行人相繼步出離開，Lynn食飽飽放番把頭髮，由老公扶實步出，再同丈夫十指緊扣溫馨行去取車。穿上冷衫嘅Lynn明顯稍發福，身圓肚凸，33C上圍更谷奶至36E，非常養眼。問阿Lynn預產期、baby性別和改名未？佢一直撥弄頭髮甜笑不語，最後拋下一句，「返屋企呀！」其夫安頓太太上車後，二人再同記者say bye離開。

本期特惠精選

喜歡這篇文章嗎？立刻分享出去讓更多人知道吧！