緋聞女友Bruna贊陳偉霆靚仔 Angelababy曬小海綿正面照

娛樂 01-19

今日快報

死撐系好友！Bruna贊陳偉霆好仔兼靚仔

近年在內地人氣急升的歌手陳偉霆（William）最近傳與24歲的巴西籍索女模Bruna G Marth爆戀情，Bruna最近簽約香港的模特兒公司來港發展。

昨日，Bruna出席「Kingston at Fashion Walk慶祝派對」活動，她以低胸及短裙上陣，表示這是她來港後首個活動，感覺良好。

問到William是否其男友？她否認：「唔系男友，系朋友，好朋友。（你哋兩個約會？）系好朋友。（你見過佢家人？）我唔想講咁多。（因為William系偶像，所以你唔可以講？）佢好靚仔，系個好男仔。（佢系你鍾意嘅類型？）肯定系。」

不過問到跟William何時及如何認識？她表示已忘了。至於問到報道刊登後可有跟William聯絡？她坦言：「我冇同佢講呢個話題。（介唔介意畀人話你系佢女友？）我哋系好朋友。（有指William送戒指畀你，佢家姐送手袋畀你？）我唔可以講。（覺得好大壓力？）冇，系朋友。（有好多狗仔隊跟你？）系，好正常。」

提到情人節，Bruna表示會留港度過，問到是否已有男士約她？她笑言：「我唔講得。（如果William嗰日約你，你接唔接受？）到時睇嚇點。」

否認推千萬大陸劇真人騷　杏兒恨再生B

藝人胡杏兒2015下嫁圈外人Philip Lee（李乘德）後，2017年10月為對方生下囝囝Brendan（李奕霆），目前囝囝已經三個月大，有指杏兒有意再追多個，指她推掉千萬酬勞的大陸劇集及真人騷專心湊仔又追B，她以短訊回覆表示：「唔系唔做，只系因為喂人奶需要就番啲時間，咁所有Job一日未簽約價錢都唔可以作準，的確系希望可以再生，公司有安排戲拍，喺香港一樣會照拍！」

拖老公曬愛！李嘉欣紅唇Look撐愛駒

「大美人」李嘉欣與老公許晉亨（亨亨）現身馬場，兩人拖住手大曬恩愛，真系令人葡萄！亨亨以深色西裝Look現身，而嘉欣就化上搶眼嘅紅唇妝，以白恤衫、黑裙、黑外套再襯鮮紅色長靴示人，認真Sharp醒！據知今晚許家嘅愛駒「估惑」會再出場，上次同系「獻惑」幫許世勛先生贏夠一百萬，但嘉欣就冇到場，唔通今晚嚟補拉頭馬？

另一邊廂，剛剛開完紅館處女個唱嘅王灝兒（JW），今晚都有同男友葉韋彤嚟到馬場，不過佢哋匹愛駒「首驫」唔知系咪知道主人嚟捧場太High，竟然未開閘就沖咗出嚟，結果要重新入多次閘出賽，最終只系跑尾二。

著泳衣同囝囝咀嘴！黃依汶大曬弗爆Body

歌手鄭希怡（Yumiko）近日同黃依汶等好友去咗旅行，雙方嘅小朋友梁浸浸同陳真都有同行，Yumiko日前先喺社交網曬完自己同囡囡梁浸浸嘅泳衣照，今次就輪到黃依汶曬同囝囝陳真嘅合照啦！

睇相見到黃依汶著住一件頭泳衣側身坐喺石壆度，而陳真就企起身，兩母子仲溫馨錫錫，黃依汶留言話：「Love in the air」，好有愛呀！不過最養眼嘅唔系呢一吻，而系黃依汶副靚靚body，佢除咗大曬長腿之外，仲不經意側身「漏奶」，展露驚人上圍，絕對系超級辣媽！

此外，大人玩得開心，小朋友都一樣盡興，梁浸浸同陳真、陳小春囝囝Jasper影大合照時，梁浸浸仲坐得好粗魯，搞到爭啲走光，要陳真用手仔幫佢遮住，果然夠朋友！

小海綿「正面」曝光！下巴仔激似baby

女星Angelababy（Baby）2015年下嫁內地男星黃曉明，2017年初仲誕下囝囝「小海綿」，佢哋兩公婆為咗保護囝囝，所以一直都相當低調。不過昨日Baby為咗慶祝小海綿嘅1歲生日，所以就喺社交網站罕有咁曬出小海綿嘅「正面」相！

小海綿身穿小西裝加煲呔，十足一個小大人。雖然Baby用咗一對卡通公仔嘅眼遮住小海綿個樣，不過依然見到肥嘟嘟嘅面珠同埋幾隻牙仔，相當可愛呀！唔少網民都話小海綿嘅下巴好似Baby，仲有人話好想見下小海綿嘅真面目。

無線新收視出爐！《誇》力壓《溏3》

無線公布由2018年1月開始收視將會有新計算方法，因應觀眾生活模式改變，看電視習慣不單靠電視，會用上手機、平板、計算機、機頂盒等不同媒體，因此無線將舊有的收視計算方法改為《7天跨平台總收視點》。新計算方法將能更準確顯示節目的總收視率，《7天跨平台總收視點》的計算方法包括每日電視收視、myTV SUPER直播收視及myTV SUPER 7天的追看收視。