他56歲扮美少女玩重口戲碼，還能演絕世高手！寶刀未老能否爭得最佳男配？

56歲的瑞偉前年在《城寨英雄》飾演絕世高手，估咗好耐仲做埋大Boss，嗰陣有一幕影住佢爆衫露出一身完美肌肉，結果惹大家嘅驚嘆，大家都贊佢keep得好，寶刀未老！

連帶歐瑞偉喺《愛．回家》飾演賤精律師KC都有話題，贊佢夠曬抵死。甚至還穿美少女水手裝校服反串女人，大玩男男SM情節，幾搞笑！

可能佢本人都估唔到，一個麻甩佬，同另一個麻甩佬Terry（李偉健）跳手指舞會咁多人Like。

舊年歐瑞偉在《同盟》再演好打得嘅角色，飾演忠心護主保鑣易先生，佢同令小姐（鮑起靜）關係微妙，最後為咗保護令小姐慘死一幕，搞到大家個心碎曬。

而呢套劇亦令佢有份提名今年大台頒獎禮嘅男配角獎，同喺《愛．回家之開心速遞》飾演大小姐嘅林淑敏一樣，都系大熱門人選！

近日歐瑞偉接受傳媒訪問，講到今次得獎信心，佢話：「冇，真系冇信心，不過知道咁多人鍾意我做嘅角色，當然覺得開心，亦都好多謝大家支持！」之後佢仲話睇好陳山聰可以攞獎。

雖然山聰舊年在「TVB馬來西亞星光薈萃頒獎典禮2017」中獲得男配角，但系佢接受訪問，講到有冇信心再下一城嘅時候，佢好坦白話：「邊系我呀，今年競爭好激烈，個個對手都好勁，所以我喺大馬拎到已經好滿足，其實真心今年已經超出我預期，已經大豐收，所以平常心面對！」山聰亦話睇好歐瑞偉，一定支持《同盟》！

大家都知歐瑞偉做龍虎武師出身，有個行船爸爸，讀左派學校香島，讀書嗰陣已是體操好手，學校重點栽培，歐瑞偉就專攻跳馬。加上生得都算靚仔，走去做替身，化埋妝，做劉德華替身，嗰陣仲系八十年年代之初。講多次，系八十年代初。

做龍虎武師做到月入三萬，仲系三十年前，但劉德華一份Form改寫咗歐瑞偉嘅人生。份form系無線演員進修班報名表，讓歐瑞偉轉行做演員。畢業後第一個劇系85年呂良偉曾華倩版本《雪山飛狐》鬼見愁。

《達摩》

之後歐瑞偉一路都系拍古裝，形象正氣，常演忠義英雄。資料顯示，佢拍第二套劇《神劍魔刀》已經系第一男主角，《達摩》都系第二男主角——第一男主角系飾演達摩嘅呂良偉。

87年，無線開拍大型古裝劇《大運河》，梁朝偉劉青雲陳玉蓮曾華倩。歐瑞偉算系第二男主角，同飾演李世民嘅劉青雲平分春色。當時青雲配華倩，歐瑞偉襯出爐電視小姐冠軍王綺琴。

95年歐瑞偉去大馬發展，娶埋當地一線花旦做老婆，婚後生一子一女。00年返無線，已經系配角，甚至只是客串。去到04年拍《大唐雙龍傳》，又做李靖，但對手已由梁朝偉劉青雲變成林峯吳卓羲。但歐瑞偉繼續敬業樂業，嚴謹過嚴謹。

當年《尋秦記》中的陶總管令人印象深刻，戇戇直直又好打得，對住滑頭嘅項少龍，完全招架不住。《尋秦記》已經系2001年之作，陶總管入咗行都成32年。

資料顯示拍過100套劇，系100套，唔系100集。

《回到三國》

《衛斯理》

《烈火雄心2》

《城寨英雄》

雖然歐瑞偉已56歲，但近幾年仍塑造一個個讓人印象深刻的角色，一次次給觀眾帶來驚喜，希望佢能得獎啦！

喜歡這篇文章嗎？立刻分享出去讓更多人知道吧！