變身警界精英 林峰動作標準夠專業 阿SA處處需要幫忙仍嘴硬

由優酷信息技術（北京）有限公司、英皇（北京）影視文化傳媒有限公司、樂道互娛文化傳媒有限公司及上海新悅龍門影視有限公司投資，以香港警察機動部隊為題材的網劇《PTU機動部隊》今日於W Hotel舉行新聞發布會。劇中一眾演員林峯、蔡卓妍、方中信、譚耀文、張繼聰、溫碧霞、石修、張錦程、吳浩康、張雅卓、王藝霖、曾樂彤、楊天宇、麥亨利及盧慶輝等都齊齊現身發布會。

發布會開始，熒幕首先播放《PTU機動部隊》片段，然後一眾飾演機動部隊嘅演員及「暴徒」手持盾牌、雷明登槍、警棍及木棍於台上，展示對陣戰術。其後，演員們陸續上台角色介紹。

劇中，林峯系阿Sa嘅下屬，佢話：「我系under阿Sa，佢系三柴，我系零。」而阿Sa就寸寸貢：「我有好多嘅。」二人仲有感情線，好似系......「拍到第20集，好似我同張繼聰曖昧啲啰，哈哈。」隨後大會司儀黎芷珊叫二人示範用伸縮警棍，林峯一嘢就將警棍揈咗出嚟，阿Sa負責揈番入去，不過揈極都揈唔入，最尾要林峯幫手，阿Sa仲好抵死咁話：「系咪呢，無啦啦攞咩出嚟吖。」最搞笑系，之後黎芷珊又叫二人斗快抆槍擺甫士影相，結果又系阿Sa蝦碌，抆唔到把槍出嚟，最後黎芷珊唯有改個玩法，變成斗慢。

發布會尾聲，一眾嘉賓手持警棍，將啟動器上嘅「罪」字打碎，寓意機動部隊正式成立，除暴安良，是警界的滅罪先鋒。

喜歡這篇文章嗎？立刻分享出去讓更多人知道吧！