【萬千星輝】唐詩詠升呢視後，王浩信再封視帝！而馬明蔡思貝竟然...

娛樂 01-25

一年一度的《萬千星輝頒獎典禮2017》終於開始了，本屆共頒發16個獎項，其中「全球網民最喜愛劇集」和「最受歡迎電視拍檔」是本年新增設的獎項，而所有劇劇以外的節目均一概歸納角逐「最佳非戲劇節目」，不會分開以綜藝、資訊和特備節目頒發。

「最佳男女主角」

「最佳女主角」由《不懂撒嬌的女人》的「Cherry」唐詩詠奪得，擊敗大熱的宣萱及李佳芯，首封視後！

唐詩詠得獎一刻即爆喊！佢就立即在台上多謝好多人，主要多謝《不懂撒嬌的女人》有個好角色畀佢。

之後佢就多謝一個人，就系田蕊妮：「我一直等緊系台上多謝你，我記得。」佢形容田蕊妮：「我知道一個人我好鍾意佢，佢會教我做戲做人，聽我呻又會陪我瞓。」聽完呢度大家都以為佢同洪永城複合，但原來系多謝阿田，好多人都笑咗！

最後佢再多謝一個人：「上半身奉獻畀咗愛情，下半生畀咗我。就系我媽咪，雖然佢冇喺度，但我希望佢知道，咁多年我好掛住你，你之前教過我做嘅嘢，我都好記得，我知道我唔完美，但我一直再努力，做唔同更好嘅角色。」

而藝人王浩信憑《踩過界》「盲俠」文申俠一角奪得「最佳男主角」，成功揮低《降魔的》的馬國明及《使徒行者2》的苗僑偉，登上「視帝」寶座！繼上次封新加坡視帝後，再封視帝！

佢嘅得獎感言好長，直言系TVB做嘢都好似攞緊獎：「分享我生命，無限喜怒哀樂。」

然後佢就講自己心路歷程，多謝

TVB

系佢低潮時幫助好多：「

TVB 8

系我雙位數嘅時候搵咗我做，我諗

君都知。佢喺我雙位數嘅時候，搵咗我做音樂主持，令到我由冇錢做重水到爆咗

SHOW

，雖然

TVB 8

就快冇，但唔緊要，我都好多謝。」

最後佢略有哽咽多謝父母：「我咁多年一蚊都冇拎過返屋企，但你哋我任性落去，真系好多謝你！然後我多謝太太YOYO，你將屋企照顧得好好。再多謝我爺爺。」

「最受歡迎電視男女角色」

「最受歡迎電視男角色」這個緊次視帝的獎項，好多有發揮的演員未能拎到視帝都會拎呢個獎，雖然有人會一次過包攬曬兩個獎，不過實在好少出現，鄭嘉穎、黎耀祥和陳豪都分別試過。

結局就系馬國明大熱奪得，馬明說：「無諗過會拎獎，要多謝《降魔的》編審同監製，我都講過一生人未必遇到好多好劇本，《降魔的》絕對系其中兩三個。我已經唔知講咩喇，雖然今日公司講咗唔准多謝某啲人，不過咁多女藝人都唔理限色令，所以我都唔理咁多喇！多謝樂小姐，我唔太聽話你都對我咁多，多謝珍姐，我喺度17年你鬧足我咁多年。多謝《降魔的》台前幕後，TVB所有工作人員！」無多謝心穎喎但系！

「最受歡迎電視女角色」由王晶頒獎，宣萱五強不入，得獎者系《踩過界》蔡思貝。

一身火紅嘅蔡思貝咬唇，又系呆咗，全場反應熱烈，但冇人攬。佢上台時都系一臉茫然。蔡思貝話：「我選完港姐之4,5年，一路都好似唔系咁好，大家對蔡思貝嘅評價都唔系咁好，但癲姐呢，其實嗰時好多人唔鍾意我，可能依家都好多人唔鍾意我，我以為自己頂得住，但我睇完啲comment之後，我連我自己都唔鍾意自己。

「呢個時間林志華搵我做一個丑嘅角色，我覺得個天對我好好，畀咗個好好嘅角色我。我咁啱有個丑嘅角色，喺我覺得自己丑嘅時候出現，多謝趙正嘅出現，令我自己鍾意自己多啲，又令大家鍾意我多啲，我會用行動証明畀大家睇我嘅熱誠。我又喺盲俠身上學到好多嘢。」

「最佳男女配角」

《萬千星輝頒獎典禮2017》焦點除了落在是男女主角獎項之上，其實男女配角都備受關注。

其中「最佳男配角」競爭相當激烈，基本上幾個人都好有力競爭呢個獎，例如入圍五強的張振朗、陳山聰、何遠東、歐瑞偉。

而結果就系陳山聰！

未上台就已經喊曬口，在說感言時更加哽咽非常，他說：「我想借今晚大家嘅掌聲俾各位入圍男配角嘅人，大家都咁出色，好多謝公司無放棄過我，令我有一個機會俾我行我重新嘅人生。多謝兩位系背後對我有恩嘅伯樂－樂小姐同珍姐，無呢兩個我唔可以企喺度。多謝台下信過我陳山聰嘅監製，同埋要多謝文偉鴻，多謝《同盟》嘅兄弟姐妹。仲有我兄弟雄仔，喺我人生最低潮嘅時候無放棄過我，我會把握我所有機會，希望可以同陳展鵬爭最佳男主角，多謝！」

朱晨麗則爆大冷得到「最佳女配角」！佢個樣都好愕然！

首先在台上同緋聞男友何廣沛相擁！現場有人起鬨。

後來朱晨麗就話：「我都冇諗過自己拎獎！我由零開始！我參加香港小姐，我系一句廣東話都唔識?！」到佢做《超時空男臣》，佢覺得好大壓力，因為未試過做呢啲咁得意嘅角色。

佢特別多謝珍姐：「多謝你打畀我，關心我！同我講糾正啲咬字，只要解決咗呢個問題，做戲就冇呢個問題。」然後，朱晨麗唔知講咩好，就講咗一句好勵志嘅說話：「希望內地成長小朋友，來到香港可以打出一片天。」

「全球網民最喜愛劇集」

《萬千星輝頒獎典禮2017》第一個獎項就是「全球網民最喜愛劇集」，這個獎項顧名思義就是全球的網民上網投票自己心水劇集，是今次唯一一個由big big channel用戶投票的獎項，不過其實會加埋TVB評委會，所以都系由TVB話事，今年有24套劇集參與。

結果由《降魔的》大熱勝出，無計喇，呢套劇在網上真系好大反應，大家都話超級正，絕得實至名歸。得獎感受當然要多謝一班幕前幕後的人，監製方駿釗仲一路講一路眼濕濕，認真感人！

「飛躍進步男女藝員」

無線的《萬千星輝頒獎禮2017》飛躍進步女藝員由麥明恩奪得，賽果可謂爆大冷。而當她在台下得知自己得獎時，即不禁喜極而泣，邊喊住邊行上台，上到台依然繼續喊，要江美儀幫她抹眼淚。

麥美恩致謝時表示：「做主持要攞呢個獎系好難，多謝TVB同香港嘅朋友觀眾。我嚟咗香港7年，一直都搵緊我嘅歸屬感，好多謝公司畀我做自己，發揮自己嘅潛能。樂小姐，我好百厭，珍姐，我唔會再寒背，我知我有好多缺點，但繫上帝畀咗個好好嘅恩賜我，可以令觀眾笑，呢樣好寶貴。好多人會問點解我一個竹升妹中文會咁好，我想將呢個獎獻畀我公公，佢每日陪我做中文功課幫我默書，20年佢喺病床上都有問我有無做功課，20年後我可以同公公講，我有做功課，我可以喺香港發展。好多謝所有網民，多謝巴打絲打，無你哋唔會有咁多人識我。My god this is amazing。」

而楊明今次終於可以拎「飛躍進步男藝員」，點解咁講？因為佢已經被提名過5年，但無一年可以有獎拎。

在1999年參加完於第13期無線電視藝員訓練班後加入TVB，過了19年終於可以拎到呢個獎，認真值得鼓勵！

「最受歡迎劇集歌曲」

除了演藝獎項，今年的劇集歌獎都是焦點之一，結果眾望所歸，由胡鴻鈞憑《降魔的》主題曲《到此一游》大熱得獎。

胡鴻鈞一上台個個都高呼「石敢當」，他得到得獎時非常冷靜說：「原來真系會好緊張，我由細到大都系喺電視機前面聽劇集歌。我入加比賽冇耐就有機會唱劇集歌，知道一切都唔系必然，好感恩！」多謝完台前幕後各位工作人員後，他現場唱出半首《到此一游》，表現交足水平，沒有因緊張心情而影響表現。

「最佳節目主持」

無線《萬千星輝頒獎禮2017》最佳節目主持由大熱門的《DO姐再Shopping》三位主持謝裕玲、農夫的C君、陸永、黃翠如、蕭正楠以及馬國明奪得。當Do姐一聽到他們得獎時，即同農夫做出了一個好驚喜的表情，交足戲?。一班人上到台當然又系要多謝好多人啦，話得獎非常開心，而Do姐就話：「希望會有Do姐第三度Shopping。」希望會再添食。

「最受歡迎電視拍檔」

《萬千星輝頒獎典禮2017》有一個獎系會孖住上台，就是「最受歡迎電視拍檔」，其實可以不只孖住，幾個人都有機會，例如《胡說八道真情假期》就有成幾個女人，又例如劇集《超時空男臣》都有三兄弟，但都唔好以為人都就有優勢，因為大熱門其實系王浩信和唐詩詠，他們兩個在《不懂撒嬌的女人》中飾演一對情侶，貼地之餘十分感人。