亞視開台典禮陳舊慘不忍睹，無線肯定能繼續一台獨大

娛樂 02-01

2018年1月29日，電視界又有大事發生。亞視自1月頭超「強勢」發布推出OTT，又有新App上架、百萬富翁再次輪迴登場…終於來到重頭戲：全球Facebook直播《 ATV亞洲電視啓播典禮》，聽到都覺得大陣象，結果都系一貫亞視色彩，尷尬到唔想睇落去。

呢個節目最強勁嘅嘉賓，就系林子祥打響頭炮。阿Lam唱歌一向都好落力，不過佢喺節目入面，似乎落力得濟用氣過度。

不過唔緊要，大家都想之後節目會更猛料更強大，但系見到金牌司儀何守信同一班人圍威喂話當年，講講下仲講埋隔離台嘅《歡樂今宵》，真系滿頭黑人問號。

去到後期，更加以災難級形容。雖然有比較新少少嘅蘇永康，但佢都只系唱《男人不該讓女人流淚》，再到kellyjackie一班人會唱快歌，但現場音樂編排、音響，都好似喺酒樓睇緊茶舞咁，究竟點解會咁？說好的破舊立新呢？

好喇，最有創意嘅部分就系改編「卸膊操」，呢一部分真系呢個典禮最高潮呀！李麗蕊、梁思浩同陳彥行突入出嚟唸口訣，但明顯佢哋冇跟返個beat，覺得啱位就入，講「我凈系想專註喺事業」、「我哋只不過喺度gathering?啫」，佢哋跳得好「開心」，但一眾網民就覺得好尷尬，到底系咪想挑戰關家姐系列啫？我諗真系可以榮登第一位！