陳豪想拍大陸劇？歐陽震華撐陳豪離巢：佢有毛有翼啦！

歐陽震華（Bobby）同黃柏高日前在中環，為某鮑魚專門店擔任剪綵嘉賓，Bobby更即場試食鮑魚，事後佢話今次幫朋友做代言人，咁酬勞系咪收友情價？佢笑住話：「接近天價。」有冇送股先？佢表示：「唔話你知，我哋唔講呢啲嘢，友誼第一。」

對於有指郭晉安同無線轉簽部頭合約，改簽王祖藍做經理人，陳豪亦有意離巢賺人仔養家，

Bobby

以過來人身分表示理解：「佢未走過吖嘛！有好多人未出去過就會想出去睇嚇。我拍完《壹號皇庭》第二輯都出咗去十個月，後來公司話拍下一輯咁又返去，個心唔出去睇嚇又唔心息，好奇系人嘅本性，冇壞，唔出去睇唔知乜系好，乜系冇咁好。

（出去嗰十個月睇咗啲乜？）我就犀利，拍咗電視電影、電影，我喺無線，啲人唔系唔想搵你，但系手續好繁複，要花好多時間傾條件。」

至於陳豪有否問他意見？Bobby笑稱對方有毛有翼：「你估我好熟出面咩，冇人咁蝦佢，佢咁老實。（喺出面系咪搵多好多錢？）呢個當然啦！因為我哋出到去真系好專業，做樣樣嘢都好，同內地拍廣告、電視劇都好，個完個個拍手掌，我系乜都得，叫我做乜反應都做到。

（十個月系你三年人工？）點止，我當年喺無線得萬幾蚊。（咁賺多幾多？）我冇計，見到啲人工好開心。（咁點解又返去無線？）我鍾意，因為人情味，喺無線由保安已經識，一路打招呼打到入化妝間，好開心，以前科技唔發達，個個好鍾意傾偈，唔會好似依家咁個個揸住部電話，

好靜，所以科技帶嚟冷漠。

請大家踴躍留言，也歡迎大家轉發到朋友圈哦！

▲點擊圖片，閱讀往期精彩

?轉載授權微信：lama129 

? 商務QQ：

3004269083

長按識別二維碼關注

喜歡這篇文章嗎？立刻分享出去讓更多人知道吧！