男友被嘲是「二打六」，她為愛不怕雪藏，如今相愛8年拉埋天窗！

恭喜恭喜！又一對圈中情侶拉埋天窗啦！羅力威同雨僑多年來一齊走過高山低谷，去年透露求婚成功後一直被外界追問婚期，日前終於有詳情啦，兩人將於3月31日舉行婚禮。

佢地喺差不多時間上載同一張婚紗照，雨僑著上心型胸A line立體花花婚紗，而威威就著上白色西裝外套加上煲呔，相當合襯。

雨僑留言中提及婚期不遠矣，接受訪問時仲透露本來系想喺外地結婚：「曾希望在夢想中嘅沖繩教堂舉行婚禮。」

雨僑留言話：「感謝你的愛、照顧和包容，這些年來你讓我放膽往前沖，給我無限的支持和鼓勵，回頭看原來你每次都在後面收拾爛攤子，我的路才走得這麼輕鬆。感謝主安排我們遇上，讓你填補我的不足，我希望餘生都能和你牽著手一起過，一起變老，一起走到最後，一同經歷生命的豐盛。很高興跟大家宣布：蒙主恩典與慈愛，我倆將於2018年3月31日舉行結婚典禮，一起步入人生下一個階段。感謝多年來對我們照顧有加的家人、朋友、同事、弟兄姊妹，很期待在你們的見證下結為夫婦。」

其實呢對準新人一早已有結婚計劃，去年二人曾一齊飛去日本沖繩，希望在夢想中的沖繩教堂舉行婚禮，但最終決都系選擇留港註冊及擺酒，雨僑說：「我哋人都飛埋過去沖繩，但發現想請嘅親友、呢幾年嚟照顧過我哋嘅人真系有好多，但嗰邊嘅教堂都系坐幾十人，如果去到日本咁遠但得幾十個名額變咗又宴請唔到，因為凈系阿威請嘅人都百幾個，要飛過去嘅兩邊親友加埋超過二百個，所以不如喺香港搞，可以請曬我哋嘅朋友、同事，請曬所有我哋所有重視嘅人嚟見證呢件事系重要嘅。」

而平時沉默寡言嘅羅力威，就趁公布婚訊向未婚妻示愛：「走在一起大約7、8年的時間，很奇妙找到了一個和我在很多方面都很合拍、和一樣不計較的人...... 我想大概從此就不會分開了......其實一切都是很隨意，但也是很肯定的??我們要結婚了，喜歡雨僑的靚仔們千萬別憎惡我，喜歡我的美女們也請不要討厭她，因為人類都應該相親，相愛哈哈哈。在這裡祝大家有情人終成眷屬，謝謝你們的閱讀和時間，我愛你們，我愛你，雨僑。」

現年32歲嘅雨僑唔只得個樣靚，仲系香港大學畢業生，更加識彈鋼琴，難怪09年出道時會被老闆蕭定一力捧，又出歌又出寫真集。

不過其實佢最令人熟悉嘅，系佢自己喺Youtube上做嘅美容短片，無論佢喺娛樂圈上打拚成點都好佢都一路堅持經營佢嘅Youtube Channel。

唔知系唔系因為做慣「網路人」，雨僑喺現實中都非常敢言，更加試過頂撞老闆，好似當年出道冇耐喺11年就被踢爆戀上亞視音樂節目《亞洲星光大道》首屆冠軍羅力威，結果老闆蕭定一大動肝火，一向對旗下藝人私生活好寬鬆嘅蕭老闆當年被問及此事時都話：「羅力威又有乜嘢咁好，我絕對唔贊成雨僑同呢啲

二打六歌星仔

而雨僑喺之後出席活動時就坦言：「我唔鍾意人咁稱呼（二打六）我朋友。」

不過唔忿氣還唔忿氣，為咗大家同各自經理人公司唔好難做，雨僑同羅力威喺當時好快已經轉為「地下情」，就算同對方同場出現都會避嫌，去到最近幾年先開始慢慢浮面，雨僑就話過：「我哋冇乜故事，其實都系超簡單開心，冇必要話好公開好認定，但我唔會話唔識佢。」

而雨僑老闆蕭定一今次又表示像自己嫁女，更揚言一定會做厚禮祝賀雨僑！當

被問到當日雨僑與羅力威拍拖時，他並不看好，更指羅力威是「二打六」，蕭定一對此表示：「經得起時間考驗嘅感情，就系真感情！」

希望羅力威和雨僑經過考驗的真感情，能長長久久，幸福美滿！

請大家踴躍留言，也歡迎大家轉發到朋友圈哦

！

▲點擊圖片，閱讀往期精彩

?轉載授權微信：lama129 

? 商務QQ：

3004269083

長按識別二維碼關注

喜歡這篇文章嗎？立刻分享出去讓更多人知道吧！