胡說八道會中環掃貨 姚子羚黃智雯冇影 余文樂撇老婆嬲爆煲電話

原標題：胡說八道會中環掃貨 姚子羚黃智雯冇影 余文樂撇老婆嬲爆煲電話

今日快報

【暫停造人】楊怡撇羅仲謙孖家姐游北京

藝人楊怡同羅仲謙結婚之後，一直表現恩愛，兩公婆經常出埠旅行，不過日前楊怡就掉低老公，同家姐楊卓娜結伴去北京玩，兩姊妹仲齊齊喺社交網上載旅行相，其中一張相楊怡戴住黑超，留言話：「第一次來我們美麗的首都 #北京 陌生又熟悉，雖然寒冷，但心頭卻暖烘烘的，好興奮。」楊怡仲喺天寒地凍下食北京小食，佢拎住舊紅豆糕留言話：「氣太冷，熱騰騰的紫米紅豆糕暖心又好食。」

楊卓娜就選擇喺古色古香嘅建築物下留倩影，佢感性留言：「說不完的故事……誦不完的史詩……」而網民就留言叫佢兩姊妹下次帶埋老公同行，咁就有人幫佢哋影合照啦！

單親媽媽冇驚過！趙哲妤：一定會再生BB

前中國小姐趙哲妤（Uny）出席電戲首映禮，她表示現時湊女非常在行，又認為自己與小朋友溝通有一手，更指「就算10個8個都搞得掂」。她認為自己非常有耐性，所以自幼已經想成為一位幼兒園老師。她自爆囡囡比較喜歡與自己多於與工人相處。

問她會否再生B，她笑言：「一定會再生，但系未知同邊個生囉。如果都系搵唔到嘅話，我會用啲科學嘅方法等囡囡有個細佬妹。（想要仔定要女？）我冇咩所謂，但有諗過要對Twins，因為孖仔孖女好可愛。我都希望搵到一個鍾意小朋友嘅另一半，依家都努力物色中。」

做奶奶換四套衫　登基燕曬史上最長事業線

藝人薛家燕晚上為無線節目《流行經典50年》錄像，講到歌手古巨基有份擔任客席主持，問覺得古巨基表現如何？薛家燕話：「非常好，我一聽到古巨基幫手做主持就非常之興奮，因為佢做主持有一手，加上佢有咁多經典金曲，佢又咁幫手，好似加入咗啲新巨星嘅元素，覺得好似錦上添花。」

對於節目發掘咗好多唱得嘅藝人，薛家燕說：「多謝幕後一班同事，因為喺搵歌手嘅過程，有啲歌手好耐冇出嚟唱歌，會擔心唱得唔好，心大心細。有啲歌手要求好高，平時我哋綵排都只系兩至三次，但佢哋綵排要四至五次先收貨。」

講到六月薛家燕話好忙，因為兒子石耀庭舉行婚禮，初次榮升奶奶，問屆時會唔會搶阿仔鏡？她說：「我件衫有少少登基Feel，我個仔都有同我講，唔系我結婚，唔使咁爆，但難得請咁多親戚朋友要著靚啲。（換多套？）四套！（曬事業線？）我有事業線，仲好長添，已經成60年，多謝你哋咁欣賞。」

胡說八道會中環掃貨　姚子羚黃智雯冇影

已為人母的胡杏兒不時與老公及兒子天倫樂，但今日杏兒則撇下父子二人，反而相約「胡說八道會」班好姊妹胡定欣，李施嬅及胡蓓蔚於中環行街掃貨，但就未見其餘兩位成員姚子羚及黃智雯蹤影。

杏兒一行四人於該處的名店穿梭，四女於店內左揀右揀，睇完手袋又睇鞋，未幾已有所斬獲，離開時她們見記者在場，亦笑笑口打招呼。

余文樂撇老婆嬲爆爆煲電話

余文樂與台灣「皮帶大王」千金王棠雲（Sarah）婚後十分恩愛，不時出雙入對，但昨日樂仔卻獨自現身中環，並匆匆步入商場，期間又站於欄杆旁講電話，但見他愈講愈勞氣，又頻頻指手畫腳，收線後更面黑黑急步閃人。

至於一直被傳有喜的Sarah，昨日在社交網上載了一張全身相，雖然較為模糊但松身衫示人的她被網民指她「肚凸凸」和「孕味濃」，更留言提醒她：「懷了寶寶走路要慢一點喔！」

其實日前Sarah已透露剪了一頭短髮，還表示短到扎唔到辮，網友懷疑她是為迎接BB故剪掉頭髮做準備。

?轉載授權微信：lama129

喜歡這篇文章嗎？立刻分享出去讓更多人知道吧！